આસામ ખાતે સાયકલ સવાર પર દીપડાએ કરેલા હુમલાનો વીડિયો દહેરાદૂન-ઋષિકેશ હાઈવેના નામે વાયરલ… જાણો શું છે સત્ય…

તાજેતરમાં સોશિયલ મીડિયા પર હાઈવે પર સાયકલ લઈને જઈ રહેલા એક વ્યક્તિ પર દીપડાએ અચાનક જ કરેલા હુમલાનો એક વીડિયો વાયરલ થઈ રહ્યો છે. જેની સાથે એવો દાવો કરવામાં આવી રહ્યો છે કે, દહેરાદૂન-ઋષિકેશ હાઈવે પર એક સાયકલ સવાર પર દીપડાએ અચાનક કરેલા હુમલાનો આ વીડિયો છે. પરંતુ ફેક્ટ ક્રેસેન્ડોની પડતાલમાં આ દાવો ખોટો અને પાયાવિહોણો હોવાનું સાબિત થાય છે. કારણ કે, પોસ્ટમાં મૂકવામાં આવેલો વીડિયો દહેરાદૂન-ઋષિકેશ હાઈવે પરનો નહીં પરંતુ આસામના કાઝીરંગા નેશનલ પાર્ક ખાતે હાઈવે પર બનેલી ઘટનાનો છે. આ વીડિયોને સોશિયલ મીડિયા પર ખોટી માહિતી સાથે વાયરલ કરવામાં આવી રહ્યો છે.

શું દાવો કરવામાં આવી રહ્યો છે.?

News4Gujarat નામના ફેસબુક યુઝર દ્વારા 23 સપ્ટેમ્બર, 2022 ના રોજ એક પોસ્ટ શેર કરવામાં આવી હતી. પોસ્ટમાં મૂકવામાં આવેલા વીડિયોના શીર્ષકમાં એવું લખવામાં આવ્યું છે કે, 

રસ્તા પરથી પસાર થઈ રહેલા સાઈકલ સવાર પર દીપડાએ કર્યો હુમલો, આગળ શું થયું જુઓ વીડિયોમાં

સિંહ હરણનો શિકાર કરવાની કોશિશ કરી રહ્યો હતો, વીડિયોમાં જુઓ કેવી રીતે પ્રાણીએ જંગલના રાજાને શીખવ્યો પાઠકારને જોઈને દીપડો સાઈકલ સવારને છોડીને ભાગી ગયો હતો

કારને જોઈને દીપડો સાઈકલ સવારને છોડીને ભાગી ગયો હતો

દેહરાદૂન-ઋષિકેશ હાઈવે પર….બંને નસીબદાર છે ️ pic.twitter.com/NNyE4ssP19

— સુસાંતા નંદા IFS (@susantananda3) 21 સપ્ટેમ્બર, 2022

દેહરાદૂન-ઋષિકેશ હાઈવે પર….બંને નસીબદાર છે

https://news4gujarati.com/%e0%aa%b0%e0%aa%b8%e0%ab%8d%e0…/.

પોસ્ટમાં મૂકવામાં આવેલા વીડિયો સાથેના લખાણમાં એવો દાવો કરવામાં આવી રહ્યો છે કે, દહેરાદૂન-ઋષિકેશ હાઈવે પર એક સાયકલ સવાર પર દીપડાએ અચાનક કરેલા હુમલાનો આ વીડિયો છે.

Facebook Post | Archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતાં અમે અમારી પડતાલ/તપાસ કાર્યવાહી શરૂ કરી હતી. તપાસની શરૂઆતમાં અમે પોસ્ટમાં મૂકવામાં આવેલા વીડિયોનો ગુગલનો સહારો લઈને જુદ-જુદા કીવર્ડથી સર્ચ કરતાં અમને પોસ્ટમાં મૂકવામાં આવેલો આજ વીડિયો ANI News દ્વારા તેની સત્તાવાર યુટ્યુબ ચેનલ પર 3 મહિના પહેલાં અપલોડ કરવામાં આવ્યો હોવાની માહિતી પ્રાપ્ત થઈ હતી. જેની સાથે એવી માહિતી આપવામાં આવી હતી કે, ‘આસામના કાઝીરંગા નેશનલ પાર્ક ખાતેના હાઈવે પર એક દીપડાએ અચાનક જ સાયકલ સવાર પર હુમલો કરી દીધો તેના આ સીસીટીવી ફૂટેજ છે.’

આજ વીડિયો અમને કેટલાક અન્ય મીડિયા માધ્યમો દ્વારા પણ અપલોડ કરવામાં આવ્યો હોવાની માહિતી પ્રાપ્ત થઈ હતી. જે તમે અહીં જોઈ શકો છો. ETV Bharat | Oneindia News

આ ઘટના 19 જાન્યુઆરી, 2022ના રોજ હલ્દીબારી એનિમલ કોરિડોરમાં બની હતી. જો કે આ વીડિયો જૂન મહિનામાં વાયરલ થયો હતો. હુમલાનો વીડિયો કાઝીરંગા નેશનલ પાર્ક ઓથોરિટી દ્વારા લગાવવામાં આવેલા સીસીટીવી કેમેરામાં કેદ થયો હતો. 

‘firstpost.com’ના જણાવ્યા મુજબ, તે સમયે પાર્ક રેન્જર્સે પ્રવાસીઓને આ વિસ્તારમાં વાહન ન ચલાવવા વિનંતી કરી હતી અને ચેતવણી આપી હતી કે રસ્તો જંગલવાળા વિસ્તારમાં છે.

પરિણામ

આમ, અમારી પડતાલમાં ઉપરોક્ત પોસ્ટમાં કરવામાં આવેલો દાવો અધૂરી માહિતી સાથેનો હોવાનું સાબિત થાય છે કારણ કે, પોસ્ટમાં મૂકવામાં આવેલો વીડિયો દહેરાદૂન-ઋષિકેશ હાઈવે પરનો નહીં પરંતુ આસામના કાઝીરંગા નેશનલ પાર્ક ખાતે હાઈવે પર બનેલી ઘટનાનો છે. આ વીડિયોને સોશિયલ મીડિયા પર ખોટી માહિતી સાથે વાયરલ કરવામાં આવી રહ્યો છે.