આંખલાના યુદ્ધનો આ વિડિયો ગુજરાતનો નહિં પરંતુ પાંચ વર્ષ પહેલાનો આ રાજ્યનો છે… જાણો શું છે સત્ય….

આ વિડિયો ગુજરાતનો નહિં પરંતુ પાંચ વર્ષ પહેલાનો છતીસગઢ રાજ્યનો છે.

હાલમાં એક વિડિયો વાયરલ થઈ રહ્યો છે. જેમાં બે આખલાઓને તમે લડતા જોઈ શકો છો. જેમાં નશામાં એક માણસ તે આંખલાના યુદ્ધને છોડાવવા પ્રયત્ન કરી રહ્યા છે. આ વિડિયોને શેર કરીને દાવો કરવામાં આવી રહ્યો છે કે, “જાહેરમાં રોડ પર આખંલાના આ યુદ્ધનો વિડિયો ગુજરાત રાજ્યનો છે.”

શું દાવો કરવામાં આવી રહ્યો છે.?

Kaushik Patel નામના ફેસબુક યુઝર દ્વારા તારીખ 28 ઓગસ્ટ 2022ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “જાહેરમાં રોડ પર આખંલાના આ યુદ્ધનો વિડિયો ગુજરાત રાજ્યનો છે.”

Facebook | Fb post Archive | Fb video archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી. 

સૌપ્રથમ અમે ગૂગલ રિવર્સ ઈમેજના માધ્યમથી આ વિડિયનો સર્ચ કરતા અમને ઘણા પરિણામો પ્રાપ્ત થયા હતા. ઉપરોક્ત પરિણામો પરથી અમને આ વિડિયો વર્ષ 2017ના યુટ્યુબ ચેનલ પર પ્રાપ્ત થયો હતો. જે તમે નીચે જોઈ શકો છો.

તેમજ વિડિયોને ધ્યાનથી જોતા ખબર પડી કે આ વિડિયોમાં 13 સેકેન્ડ પર રોડ પર પડેલી બાઈકનો નંબર જોવા મળે છે. જેમાં બાઈકની નંબર પ્લેટ “CG 04” લખેલુ વંચાય છે. જે તમે નીચે જોઈ શકો છો.

જે ક્લુના આધારે અમે સર્ચ કરતા અમને ડેઈલી મેલની ઓફિશિયલ યુટ્યુબ ચેનલ પર આ વિડિયો પ્રાપ્ત થયો હતો. જેમાં માહિતી આપવામાં આવી હતી કે, એક માણસ બે બળદને શિંગડા મારતા અટકાવવાનો પ્રયત્ન કરે છે ત્યારબાદ એક બળદ તેને હવામાં ફેંકી દે છે. આ ફૂટેજ ભારતમાં છત્તીસગઢના કોરબામાં લેવામાં આવ્યું હતું. જે તમે નીચે જોઈ શકો છો.

Dailymail.co.uk દ્વારા તેમની વેબસાઈટ પર પણ આ અંગે વિસ્તૃત અહેવાલ પ્રસારિત કરવામાં આવ્યો હતો. 

ઈન્ડિયન એક્સપ્રેસ દ્વારા પણ આ જ માહિતી આપતો વિસ્તૃત અહેવાલ તેમની વેબસાઈટ પર પ્રસારિત કરવામાં આવ્યો હતો. 

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, પોસ્ટ સાથે શેર કરવામાં આવેલો વિડિયો ગુજરાતનો નહિં પરંતુ પાંચ વર્ષ પહેલાનો છતીસગઢનો કોરબા વિસ્તારનો છે. ગુજરાતનો હોવાની વાત તદ્દન ખોટી છે.

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)