વીડિયોમાં બિકીની પહેરેલી મહિલા પાકિસ્તાની અભિનેત્રી માહિરા ખાન નથી… જાણો શું છે સત્ય…

આ વીડિયોમાં દેખાતી મહિલા ભારતીય મોડલ રેણુ કૌશલ છે, પાકિસ્તાની અભિનેત્રી માહિરા ખાન નથી.

ઈન્ટરનેટ પર એક વીડિયો વાયરલ થઈ રહ્યો છે. તેમાં તમે એક મહિલાને બિકીનીમાં જોઈ શકો છો. દાવો કરવામાં આવી રહ્યો છે કે તે પાકિસ્તાની અભિનેત્રી માહિરા ખાન છે. આ વીડિયો વાયરલ થઈ રહ્યો છે કે ભારતમાં મુસ્લિમ સમુદાય મહિલાઓને હિજાબમાં રાખવાની વાત કરે છે અને પાકિસ્તાની અભિનેત્રી માહિરા ખાન બિકીનીમાં જોવા મળે છે.

શું દાવો કરવામાં આવી રહ્યો છે.?

સોશિયલ મીડિયા યુઝર્સ દ્વારા તારીખ 22 ડિસેમ્બર 2023ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “વીડિયોમાં જોવા મળતી મહિલા પાકિસ્તાની અભિનેત્રી માહિરા ખાન છે.”

Facebook | Fb post Archive | Fb video archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.

અમે આ વીડિયોને Invid-V વેરિફિકેશન ટૂલ દ્વારા નાના કીફ્રેમમાં કાપીને અને ગૂગલ રિવર્સ ઈમેજ સર્ચ કરીને ચકાસ્યો છે. અમને Reddit.com પર પોસ્ટ કરાયેલ સમાન વિડિઓ મળી. તેની સાથે આપવામાં આવેલી માહિતીમાં કહેવામાં આવ્યું છે કે તેમાં દેખાતી મહિલા રેણુ કૌશલ છે.

આને ધ્યાનમાં રાખીને, અમે ગૂગલ પર કીવર્ડ્સ શોધ્યા. ત્યાં અમને આ તસવીર ઘણા સમાચાર અહેવાલોમાં પ્રકાશિત જોવા મળી. એવું પણ કહેવાય છે કે તેમાં દેખાતી મહિલા ભારતીય મોડલ રેણુ કૌશલ છે. 26 એપ્રિલ 2022ના રોજ ટાઈમ્સ ઓફ ઈન્ડિયાના અહેવાલમાં જણાવાયું હતું કે રેણુ કૌશલનું આ ફોટોશૂટ ગોવામાં થયું હતું.

તપાસ દરમિયાન અમે યુટ્યુબ પર કીવર્ડ સર્ચ કર્યા. અમને આ વીડિયો 21 સપ્ટેમ્બર, 2022ના રોજ એક ચૅનલ પર અપલોડ કરવામાં આવ્યો હતો. એ પણ જણાવવામાં આવ્યું છે કે તેમાં દેખાતી મહિલા રેણુ કૌશલ છે.

આના પરથી અમે સમજી ગયા કે આ વીડિયોમાં દેખાતી મહિલા માહિરા ખાન નથી. તમે નીચે આપેલા તુલનાત્મક ચિત્રમાં રેણુ કૌશલ અને માહિરા ખાન વચ્ચેનો તફાવત જોઈ શકો છો.

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, વાયરલ થઈ રહેલા વીડિયોને લઈને કરવામાં આવેલો દાવો ખોટો છે. આ વીડિયોમાં દેખાતી મહિલા ભારતીય મોડલ રેણુ કૌશલ છે. આ પાકિસ્તાની અભિનેત્રી માહિરા ખાન નથી.

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)