RJ દેવકી અને ગાયિકા કિંજલ દવેનો જૂનો વીડિયો ખોટા દાવા સાથે વાયરલ… જાણો શું છે સત્ય….

આ વીડિયો વર્ષ 2019નો છે, કિંજલ દવેની સગાઈ તુટી ગયા પછીનો આ વીડિયો હોવાની વાત તદ્દન ખોટી છે. RED FM દ્વારા તેમની ઓફિશીયલ યુટ્યુબ ચેનલ પર આ વીડિયો અપલોડ કર્યો હતો.

ગુજરાતની પ્રખ્યાત ગાયિકા કિંજલ દવેની સગાઈ પાંચ વર્ષ બાદ તુટી ગયાના અહેવાલો સામે આવી રહ્યા છે. ત્યારે હાલમાં સોશિયલ મીડિયા ઘણી પોસ્ટ વાયરલ થઈ રહી છે. આ વચ્ચે સોશિયલ મીડિયામાં આરજે દેવકી અને કિંજલ દવનો વીડિયો વાયરલ થઈ રહ્યો છે. જે વીડિયોને શેર કરીને દાવો કરવામાં આવી રહ્યો છે કે, “કિંજલ દવેની સગાઈ તુટી ગયા બાદનો આરજે દેવકી સાથેનો તેનો આ વીડિયો છે.”

શું દાવો કરવામાં આવી રહ્યો છે.?

Matr Prem નામના ફેસબુક યુઝર દ્વારા તારીખ 12 માર્ચ 2023ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “કિંજલ દવેની સગાઈ તુટી ગયા બાદનો આરજે દેવકી સાથેનો તેનો આ વીડિયો છે.”

Facebook | Fb post Archive | Fb video archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી. 

સૌપ્રથમ અમે વીડિયોનો સ્ક્રિનશોટ લઈ અને ગૂગલ રિવર્સ ઈમેજના માધ્યમથી સર્ચ કરતા અમને ઘણા પરિણામો પ્રાપ્ત થયા હતા.

ઉપરોક્ત પરિણામો પરથી અમને RED FM Gujarati ની ઓફિશીયલ યુટ્યુબ ચેનલ પર આ વીડિયો પ્રાપ્ત થયો હતો. 33 મિનિટનો આ વીડિયો તારીખ 30 જૂલાઈ 2019ના યુટ્યુબ ચેનલ પર અપલોડ કરવામાં આવ્યો હતો. જે તમે નીચે જોઈ શકો છો.

તેમજ વધુ સર્ચ કરતા અમને આરજે દેવકીના ઓફિશિયલ ફેસબુક પેજ પર આ વીડિયો પ્રાપ્ત થયો હતો. દેવકી દ્વારા તેમના ઓફિશિયલ ફેસબુક પેજ પર આ વીડિયો 26 જૂલાઈ 2019 અપલોડ કર્યો હતો. જે તમે નીચે જોઈ શકો છો.

Archive

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, આ વીડિયો વર્ષ 2019નો છે, કિંજલ દવેની સગાઈ તુટી ગયા પછીનો આ વીડિયો હોવાની વાત તદ્દન ખોટી છે. RED FM દ્વારા તેમની ઓફિશીયલ યુટ્યુબ ચેનલ પર આ વીડિયો અપલોડ કર્યો હતો.

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)