પોસ્ટ સાથે શેયર કરવામાં આવેલા વિડિયો હાલનો નહીં પરંતુ વર્ષ 2017નો છે. હાલમાં પરેશ રાવલ દ્વારા આ પ્રકારે કોઈ માફી માંગવામાં આવી નથી.
બોલિવૂડ એક્ટર અને ભારતીય જનતા પાર્ટીના પૂર્વ સાંસદ પરેશ રાવલનો એક વીડિયો સોશિયલ મીડિયા પર વાયરલ થઈ રહ્યો છે. જે વિડિયોમાં પરેશ રાવલ રાજપૂત સમાજની માંફી માંગી રહ્યા છે. આ વિડિયોને શેર કરીને દાવો કરવામાં આવી રહ્યો છે કે, “પરેશ રાવલ દ્વારા રાજા-રજવાડા પર કરવામાં આવેલા નિવેદનને લઈ હાલમાં ચૂંટણી પ્રચાર દરમિયાન તેમને રોકી માંફી મંગાવી હતી.”
શું દાવો કરવામાં આવી રહ્યો છે.?
Mahesh Zala નામના ફેસબુક યુઝર દ્વારા તારીખ 30 નવેમ્બર 2022ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “પરેશ રાવલ દ્વારા રાજા-રજવાડા પર કરવામાં આવેલા નિવેદનને લઈ હાલમાં ચૂંટણી પ્રચાર દરમિયાન તેમને રોકી માંફી મંગાવી હતી.”
Facebook | Fb post Archive | Fb video archive
FACT CHECK
ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.
સૌપ્રથમ અમે ગૂગલ પર સર્ચ કરતા અમને આ જ ઘટનાનો વિડિયો ફેસબુક પર 26 નવેમ્બર 2017ના પ્રાપ્ત થયો હતો. જેમાં માહિતી આપવામાં આવી હતી કે, “ભરૂચ જીલ્લામા જબૂસર ખાતે આજરોજ રાજપૂત સમાજ ના યુવાઓએ પરેશ રાવલ પાસે જાહેર મા માફી મંગાવી.”
તેમજ વધુ સર્ચ કરતા અમને યુટ્યુબ પર સંપૂર્ણ વિડિયો પ્રાપ્ત થયો હતો. જેમાં માહિતી આપવામાં આવી હતી કે, “પરેશ રાવલે રાજપૂત સમાજની માફી માંગી.”
તેમજ એએનઆઈ દ્વારા પણ પરેશ રાવલ દ્વારા માંગવામાં આવેલી માફીને લઈ સમાચાર પ્રસારિત કરવામાં આવ્યા હતા. જેમાં માહિતી આપવામાં આવી હતી કે, “હું રાજપૂત સમાજના તમામ સભ્યોની બિનશરતી માફી માંગુ છું. મને ખબર નથી કે મેં આ શબ્દો કેમ બોલ્યા. મારો ક્યારેય કોઈ સમુદાયની ભાવનાઓને ઠેસ પહોંચાડવાનો ઈરાદો નહોતો: પરેશ રાવલ તેમના અગાઉના નિવેદન પર માંફી માંગી રહ્યા છે.”
પરિણામ
આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, પોસ્ટ સાથે શેયર કરવામાં આવેલા વિડિયો હાલનો નહીં પરંતુ વર્ષ 2017નો છે. હાલમાં પરેશ રાવલ દ્વારા આ પ્રકારે કોઈ માફી માંગવામાં આવી નથી.
(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)
Title:પરેશ રાવલના પાંચ વર્ષ જૂના વિડિયોને હાલનો ગણાવી શેર કરવામાં આવી રહ્યો… જાણો શું છે સત્ય….
Fact Check By: Frany KariaResult: Missing Context
