શું ન્યૂયોર્ક ટાઈમ્સે તાજેતરમાં લોકસભા ચૂંટણી પહેલા પીએમ મોદીની મજાક ઉડાવતો લેખ પ્રકાશિત કર્યો હતો…? જાણો શું છે સત્ય….

આંતરરાષ્ટ્રીય મીડિયા દ્વારા પીએમ મોદીની મજાક ઉડવવાની વાત તદ્દન ખોટી છે. ન્યુયોર્ક ટાઈમ્સના આ ફોટોને ડિજીટલી એડિટ કરી અને ખોટા દાવા સાથે વાયરલ કરવામાં આવી રહ્યો.

લોકસભા ચૂંટણી 2024 પહેલા ન્યૂયોર્ક ટાઈમ્સ અખબારની એક ક્લિપ સોશિયલ મીડિયા પર વાયરલ થઈ રહી છે, જેમાં પીએમ મોદીની મજાક ઉડાવવામાં આવી છે. અખબારની ક્લિપમાં માથા પર તાજ સાથે સિંહાસન પર નગ્ન બેઠેલા માણસની અશ્લીલ કાર્ટૂન છબી દર્શાવવામાં આવી છે. આ ક્લિપમાં પીએમ મોદીને ફેકુ તરીકે પણ ટેગ કરવામાં આવ્યા છે. આ પેપર કટિંગને શેર કરીને દાવો કરવામાં આવી રહ્યો છે કે, “ન્યુયોર્ક ટાઈમ્સ દ્વારા લોકસભાની ચૂંટણી પહેલા પીએમ નરેન્દ્ર મોદીની મજાક ઉડાવતી તસ્વીર પ્રકાશિત કરી છે.”

શું દાવો કરવામાં આવી રહ્યો છે.?

સોશિયલ મીડિયા યુઝર્સ દ્વારા તારીખ 16 માર્ચ 2024ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “ન્યુયોર્ક ટાઈમ્સ દ્વારા લોકસભાની ચૂંટણી પહેલા પીએમ નરેન્દ્ર મોદીની મજાક ઉડાવતી તસ્વીર પ્રકાશિત કરી છે.”

Facebook | Fb post Archive 

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી. 

વાયરલ ન્યૂઝપેપર ક્લિપ જોયા પછી, અમને જાણવા મળ્યું કે અખબારનું નામ ટોચ પર સટાયર એડિશન લખેલું છે અને નીચે ‘Reported by- @EducatedBilla’ લખેલું છે. 

અમને કેટલીક ભૂલો પણ મળી છે જે આંતરરાષ્ટ્રીય મીડિયા હાઉસ દ્વારા કરવામાં આવે તેવી શક્યતા નથી. અખબારમાં કોઈ યોગ્ય લેખ નથી, પરંતુ અન્ય ભાષાઓમાંથી કેટલીક અન્ય અખબારોની ક્લિપ્સના કટઆઉટ છે. આ સિવાય ફોન્ટસ અને ઈમેજીસનું કોઈ યોગ્ય ફોર્મેટ અને માળખું નથી.

આ સિવાય વાયરલ ન્યૂઝપેપર ક્લિપમાં એવા સમાચાર છે કે એક છોકરાએ શાળાના પ્રિન્સિપાલ પાસેથી અડધા દિવસની રજા માંગી હતી કે તે મૃત્યુ પામ્યો છે. શોધ કરવા પર, અમને 2020 માં ફેસબુક એકાઉન્ટ પર અપલોડ કરાયેલ સમાન સમાચાર મળ્યા. 

વધુમાં, અમને ન્યૂયોર્ક ટાઇમ્સની 15 માર્ચ, 2024ની વાસ્તવિક આવૃત્તિ મળી. અમને જાણવા મળ્યું કે આ ક્લિપ વાયરલ ન્યૂઝપેપર ક્લિપથી સંપૂર્ણપણે અલગ છે.  

નીચે તમે વાયરલ અને મૂળ અખબારની ક્લિપ્સનું વિશ્લેષણ જોઈ શકો છો.

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, આંતરરાષ્ટ્રીય મીડિયા દ્વારા પીએમ મોદીની મજાક ઉડવવાની વાત તદ્દન ખોટી છે. ન્યુયોર્ક ટાઈમ્સના આ ફોટોને ડિજીટલી એડિટ કરી અને ખોટા દાવા સાથે વાયરલ કરવામાં આવી રહ્યો.

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)