જૂના સુનામીના વીડિયોને હાલમાં તુર્કીમાં આવેલા ભૂકંપના કારણે તબાહીના નામે શેર કરવામાં આવી રહ્યા…? જાણો શું છે સત્ય….

ફેક્ટ ક્રેસન્ડોની પડતાલમાં આ દાવો

હાલમાં તુર્કી અને સીરિયામાં આવેલા ભૂકંપના કારણે સોશિયલ મીડિયામાં ઘણી સાચી ખોટી પોસ્ટ વાયરલ થઈ રહ્યી છે. આ વચ્ચે દરિયાના વિશાળકાય મોઝાનો વીડિયો વાયરલ થઈ રહ્યો છે. આ વિડિયોને શેર કરીને દાવો કરવામાં આવી રહ્યો છે કે, “તુર્કીમાં આવેલા ભૂકંપના કારણે દરિયામાં સુનામી આવી તેનો વીડિયો છે.”

શું દાવો કરવામાં આવી રહ્યો છે.?

Samkaksh Gujarat નામના ફેસબુક યુઝર દ્વારા તારીખ 07 ફેબ્રુઆરી 2023ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “તુર્કીમાં આવેલા ભૂકંપના કારણે દરિયામાં સુનામી આવી તેનો વીડિયો છે.”

Facebook | Fb post Archive | Fb video archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.

સૌપ્રથમ અમે પોસ્ટ સાથે શેર કરવામાં આવેલા વીડિયોનો સ્ક્રિન શોટ લઈ અને ગૂગલ રિવર્સ ઈમેજના માધ્યમથી સર્ચ કરતા અમને ઘણા પરિણામો પ્રાપ્ત થયા હતા.

ઉપરોક્ત પરિણામો પરથી અમને ધ સન નામની ઓફિશિયલ યુટ્યુબ ચેનલ પર આ ઘટનાનો વીડિયો પ્રાપ્ત થયો હતો. જે વર્ષ 2018માં અપલોડ કરવામાં આવ્યો હતો. જેની સાથે માહિતી આપવામાં આવી હતી કે, “ઇન્ડોનેશિયામાં 7.5ની તીવ્રતાના ભૂકંપ બાદ સુનામી આવી.”

તેમજ વધુ સર્ચ કરતા અમને Indipendent.co.uk નો એક અહેવાલ પ્રાપ્ત થયો હતો. જે અહેવાલ 28 સપ્ટેમ્બર 2018ના પ્રસારિત કરવામાં આવ્યો હતો. જેની સાથે માહિતી આપવામાં આવી હતી કે, “એક શક્તિશાળી ભૂકંપથી પ્રભાવિત પ્રદેશમાં સુનામી ઇન્ડોનેશિયાના એક શહેરને ત્રાટક્યુ હતુ. સુલાવેસી ટાપુની રાજધાની પાલુમાં શૂટ કરવામાં આવેલ હોવાનું માનવામાં આવતા ઑનલાઇન પ્રસારિત થયેલા વિડિયોમાં દરિયા કિનારે આવેલી અનેક ઇમારતોને નષ્ટ કરતા મોજાઓ જોઈ શકાય છે.”  

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, પોસ્ટ સાથે શેર કરવામાં આવેલો વીડિયો હાલનો નહીં પરંતુ વર્ષ 2018ના ઇન્ડોનેશિયામાં આવેલા ભૂકંપનો આ વીડિયો છે. હાલના તુર્કીના ભૂકંપ સાથે તેને કોઈ લેવા-દેવા નથી.

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)