શું ખરેખર ભાજપના નેતા સી.આર.પાટીલના દીકરાને ગુજરાત સ્ટેટ ફૂટબોલ એસોસિએશનનો પ્રમુખ બનાવવામાં આવ્યો…? જાણો શું છે સત્ય….

False રાજકીય I Political

તાજેતરમાં સોશિયલ મીડિયા પર એક માહિતી એવી વાયરલ થઈ રહી છે જેની સાથે એવો દાવો કરવામાં આવી રહ્યો છે કે, ભાજપના નેતા સી.આર.પાટીલના દીકરાને ગુજરાત સ્ટેટ ફૂટબોલ એસોસિએશનનો પ્રમખ બનાવવામાં આવ્યો. પરંતુ ફેક્ટ ક્રેસેન્ડોની પડતાલમાં આ દાવો ખોટો સાબિત થાય છે કારણ કે ભાજપના નેતા સી.આર.પાટીલના દીકરાને ગુજરાત સ્ટેટ એસોસિએશનનો પ્રમુખ નહીં પરંતું ઉપ પ્રમુખ બનાવવામાં આવ્યો છે. હાલમાં પ્રમુખ પદ પર પરિમલ નથવાણી કાર્યરત છે. સોશિયલ મીડિયા પર લોકોને ગેરમાર્ગે દોરવા માટે ખોટી માહિતી વાયરલ કરવામાં આવી રહી છે.

શું દાવો કરવામાં આવી રહ્યો છે.?

ગગો ગુજરાતી નામના ફેસબુક પેજ દ્વારા 20 ફેબ્રુઆરી, 2021 ના રોજ એક પોસ્ટ શેર કરવામાં આવી હતી. પોસ્ટમાં મૂકવામાં આવેલા લખાણમાં એવો દાવો કરવામાં આવી રહ્યો છે કે, ભાજપના નેતા સી.આર.પાટીલના દીકરાને ગુજરાત સ્ટેટ ફૂટબોલ એસોસિએશનનો પ્રમખ બનાવવામાં આવ્યો.

screenshot-www.facebook.com-2021.02.22-12_34_34.png

Facebook Post | Archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતાં અમે અમારી પડતાલ/તપાસ કાર્યવાહી શરૂ કરી હતી. તપાસની શરૂઆતમાં અમે ગુગલનો સહારો લઈને જુદા જુદા કીવર્ડથી સર્ચ કરતાં અમને onlinepatrakar.com નામની વેબસાઈટ પર 19 ફેબ્રુઆરી, 2021 ના રોજ પ્રસારિત કરવામાં આવેલા એક સમાચાર પ્રાપ્ત થયા હતા. જેમાં એવી માહિતી આપવામાં આવી હતી કે, ભાજપના પ્રદેશ અધ્યક્ષ સી.આર.પાટીલના પુત્ર જીગ્નેશ પાટીલની ગુજરાત સ્ટેટ ફૂટબોલ એસોસિએશનના વાઇસ પ્રેસિડન્ટ તરીકે વરણી કરવામાં આવી છે.

screenshot-www.onlinepatrakar.com-2021.02.22-16_34_40.png

Archive

આજ માહિતી સાથેના અન્ય સમાચાર પણ અમને પ્રાપ્ત થયા હતા. જે તમે અહીં જોઈ શકો છો. samaygujarat.com

ત્યાર બાદ અમે અમારી તપાસને વધુ મજબૂત બનાવવા માટે ગુજરાત સ્ટેટ ફૂટબોલ એસોસિએશનની સત્તાવાર વેબસાઈટ gsfa.in પર જઈને સર્ચ કરતાં અમને જાણવા મળ્યું હતું કે, ગુજરાત સ્ટેટ ફૂટબોલ એસોસિએશનના પ્રમુખ પદ પર હાલમાં પરિમલ નથવાણી કાર્યરત છે.

screenshot-gsfa.in-2021.02.22-16_41_07.png

Archive

અમારી વધુ તપાસમાં અમને ગુજરાત સ્ટેટ ફૂટબોલ એસોસિએશનના પ્રમુખ પરિમલ નથવાણી દ્વારા 18 ફેબ્રુઆરી, 2021 ના રોજ કરવામાં આવેલી એક ટ્વિટ પ્રાપ્ત થઈ હતી. જેમાં તેઓએ જીગ્નેશ પાટીલને ગુજરાત સ્ટેટ ફૂટબોલ એસોસિએશનના વાઈસ પ્રેસિડેન્ટ એટલે કે ઉપ પ્રમુખ બનવા બદલ અને GSFA ની ટીમમાં જોડાવા બદલ આવકાર આપ્યો હતો.

Archive

પરિણામ

આમ, અમારી પડતાલમાં ઉપરોક્ત પોસ્ટમાં કરવામાં આવેલો દાવો ખોટો અને પાયાવિહોણો સાબિત થાય છે કારણ કે, પોસ્ટમાં કરવામાં આવેલા દાવા મુજબ ભાજપના નેતા સી.આર.પાટીલના દીકરા જીગ્નેશ પાટીલને ગુજરાત સ્ટેટ એસોસિએશનનો પ્રમુખ નહીં પરંતું ઉપ પ્રમુખ બનાવવામાં આવ્યો છે.

Avatar

Title:શું ખરેખર ભાજપના નેતા સી.આર.પાટીલના દીકરાને ગુજરાત સ્ટેટ ફૂટબોલ એસોસિએશનનો પ્રમુખ બનાવવામાં આવ્યો…?

Fact Check By: Vikas Vyas 

Result: False

  •  
  •  
  •  
  •  
  •  
  •  
  •  
  •