જાણો ભારતીય વાયુસેનાના ફાઈટર પ્લેનમાંથી હાથ હલાવી રહેલા વડાપ્રધાન નરેન્દ્ર મોદીના વીડિયોનું શું છે સત્ય…

તાજેતરમાં વડાપ્રધાન નરેન્દ્ર મોદીએ ભારતીય વાયુસેનાના તેજસ ફાઈટર પ્લેનમાં ઉડાન ભરી હતી. ત્યારે સોશિયલ મીડિયા પર તેજસ ફાઈટરમાં બેસીને હાથ હલાવી રહેલા વડાપ્રધાન નરેન્દ્ર મોદીનો એક વીડિયો વાયરલ થઈ રહ્યો છે કે, જેની સાથે એવો દાવો કરવામાં આવી રહ્યો છે કે, વડાપ્રધાન નરેન્દ્ર મોદી ભારતીય વાયુસેનાના ફાઈટર પ્લેનમાં બેઠા બાદ એટલી ઊંચાઈ પર પણ આજુબાજુ કોઈ ન હોવા છતાં હાથ હલાવી રહ્યા છે. પરંતુ ફેક્ટ ક્રેસેન્ડોની પડતાલમાં આ દાવો ખોટો અને પાયાવિહોણો હોવાનું સાબિત થાય છે કારણ કે, પોસ્ટમાં તેજસ ફાઈટરમાં બેસીને હાથ હલાવી રહેલા વડાપ્રધાન નરેન્દ્ર મોદીનો જે વીડિયો મૂકવામાં આવ્યો છે એ અધૂરો છે વાસ્તવમાં વડાપ્રધાન નરેન્દ્ર મોદી એમના ફાઈટર પ્લેન તેજસની સાથે ઉડી રહેલા અન્ય એક તેજસ ફાઈટર પ્લેનના પાયલોટને જોઈને એની સામે હાથ હલાવી રહ્યા હતા. આ વીડિયો સોશિયલ મીડિયા પર ખોટી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે.

શું દાવો કરવામાં આવી રહ્યો છે.?

એક ફેસબુક યુઝર દ્વારા 25 નવેમ્બર, 2023ના રોજ એક પોસ્ટ શેર કરવામાં આવી હતી. પોસ્ટમાં મૂકવામાં આવેલા વીડિયોના શીર્ષકમાં એવું લખવામાં આવ્યું છે કે, અલા ભાઈ આ કોને હાથ હલાવે છે. આમ ને વાદળો માં ઇન્દ્ર દેવ મળી ગયા કે શું હાય હેલો કરવા લાગ્યા છે ??. પોસ્ટમાં મૂકવામાં આવેલા વીડિયો સાથેના લખાણમાં એવો દાવો કરવામાં આવી રહ્યો છે કે, વડાપ્રધાન નરેન્દ્ર મોદી ભારતીય વાયુસેનાના ફાઈટર પ્લેનમાં બેઠા બાદ એટલી ઊંચાઈ પર પણ આજુબાજુ કોઈ ન હોવા છતાં હાથ હલાવી રહ્યા છે.

Facebook Post | Archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતાં અમે અમારી પડતાલ/તપાસ કાર્યવાહી શરૂ કરી હતી. તપાસની શરૂઆતમાં અમે પોસ્ટમાં મૂકવામાં આવેલા વીડિયોને ધ્યાનથી જોયા બાદ વીડિયોનો એક સ્ક્રીનશોટ લઈ ગુગલ રિવર્સ ઈમેજનો સહારો લઈને સર્ચ કરતાં પોસ્ટમાં મૂકવામાં આવેલો આજ વીડિયો અમને વડાપ્રધાન નરેન્દ્ર મોદી દ્વારા તેમના સત્તાવાર યુટ્યુબ પર 25 નવેમ્બર, 2023 ના રોજ અપલોડ કરવામાં આવ્યો હોવાની માહિતી પ્રાપ્ત થઈ હતી. આ વીડિયોને જોતાં અમને એ માલૂમ પડ્યું હતું કે, વડાપ્રધાન નરેન્દ્ર મોદી એમના ફાઈટર પ્લેન તેજસની સાથે ઉડી રહેલા અન્ય એક તેજસ ફાઈટર પ્લેનના પાયલોટને જોઈને એની સામે હાથ હલાવી રહ્યા હતા. આ દ્રશ્ય તમે વીડિયોમાં 0.53 મિનિટ પછી જોઈ શકો છો.

આજ વીડિયો સાથેના સમાચાર અમને અન્ય મીડિયા હાઉસ દ્વારા પણ પ્રસારિત કરવામાં આવ્યા હોવાની માહિતી પ્રાપ્ત થઈ હતી. જે તમે અહીં જોઈ શકો છો. Zee News | India TV | India Today

પરિણામ

આમ, અમારી પડતાલમાં ઉપરોક્ત પોસ્ટમાં કરવામાં આવેલો દાવો અધૂરી માહિતી સાથેનો હોવાનું સાબિત થાય છે કારણ કે, પોસ્ટમાં તેજસ ફાઈટરમાં બેસીને હાથ હલાવી રહેલા વડાપ્રધાન નરેન્દ્ર મોદીનો જે વીડિયો મૂકવામાં આવ્યો છે એ અધૂરો છે વાસ્તવમાં વડાપ્રધાન નરેન્દ્ર મોદી એમના ફાઈટર પ્લેન તેજસની સાથે ઉડી રહેલા અન્ય એક તેજસ ફાઈટર પ્લેનના પાયલોટને જોઈને એની સામે હાથ હલાવી રહ્યા હતા. આ વીડિયો સોશિયલ મીડિયા પર ખોટી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે.

(જો તમારી પાસે પણ સોશિયલ મીડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વીડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)