એક જ હોટલમાં પતિ-પત્નીનો અલગ અલગ સાથીઓ સાથેના વીડિયોનું જાણો શું છે સત્ય…

આ વીડિયો વાસ્તવિક ઘટના દર્શાવતો નથી આ વીડિયો મનોરંજનના હેતુ માટે બનાવવામાં આવેલો સ્ક્રિપ્ટેડ વિડિયો છે.

સોશિયલ મીડિયા પર શેર કરાયેલા એક વીડિયોમાં કથિત રીતે એક જ હોટલમાં પતિ-પત્નીના CCTV ફૂટેજ જોવા મળે છે, બંને અલગ અલગ સાથીઓ સાથે હોવાનું જોવા મળે છે. આ વીડિયો શેર કરીને દાવો કરવામાં આવી રહ્યો છે કે, “પતિ-પત્નીનો અલગ-અલગ સાથીઓ સાથેનો આ વીડિયો સત્ય ઘટના છે.”

શું દાવો કરવામાં આવી રહ્યો છે.?

સોશિયલ મીડિયા યુઝર્સ દ્વારા તારીખ 07 એપ્રિલ 2025ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “પતિ-પત્નીનો અલગ-અલગ સાથીઓ સાથેનો આ વીડિયો સત્ય ઘટના છે.”

Facebook | Fb post Archive | Fb video archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી. 

સૌપ્રથમ અમે ગૂગલ રિવર્સ ઈમેજના માધ્યમથી સર્ચ કરતા અમને આ વીડિયો 3^rd EYE નામની યુટ્યુબ ચેનલ પર આ વીડિયો પ્રાપ્ત થયો હતો જે તમે નીચે જોઈ શકો છો. 

https://www.youtube.com/watch?v=uLQ7DdXNAQQ

Archive

તેમજ વીડિયોના અંતમાં ડિસ્ક્લેમર શામેલ કરવામાં આવ્યું હતું. ડિસ્ક્લેમરમાં જણાવાયું છે કે, આ રીલ-લાઇફ વીડિયો ફૂટેજ ફક્ત લોકોને શિક્ષિત કરવા માટે પ્રકાશિત કરવામાં આવ્યા છે, તેમને વાસ્તવિક દુનિયાની પરિસ્થિતિઓ સમજવામાં મદદ કરવા માટે. તે મનોરંજન અને શિક્ષિત કરવા માટે બનાવવામાં આવ્યો છે. આ વીડિયોમાંના પાત્રો ફક્ત મનોરંજન અને શૈક્ષણિક હેતુઓ માટે છે.

“3RD EYE” શૈક્ષણિક અને મનોરંજન હેતુઓ માટે સ્ક્રિપ્ટેડ વીડિયો બનાવે છે, અને વીડિયો અને તેનું વર્ણન બંને જણાવે છે કે તે મનોરંજન અને શિક્ષણ માટે બનાવવામાં આવ્યો હતો. અન્ય વીડિયો પર સમાન અસ્વીકરણ પુષ્ટિ કરે છે કે વાયરલ વીડિયો સ્ક્રિપ્ટેડ અને કાલ્પનિક છે.

તેમજ આ પહેલા પણ ઘણા સ્ક્રિપ્ટેડ વીડિયો સોશિયલ મીડિયામાં વાયરલ થઈ રહ્યા હતા જેની પણ પડતાલ ફેક્ટ ક્રેસન્ડોની ગુજરાતી ટીમ દ્વારા કરવામાં આવી હતી.

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, પોસ્ટ સાથે શેર કરવામાં આવેલા વીડિયોમાંની ઘટના સત્ય ઘટના નથી, તે માત્ર સ્ક્રિપ્ટેડ વીડિયો છે. જે મંનોરંજન અને જાગૃતી માટે બનાવવામાં આવ્યો હતો. 

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)