શું ખરેખર મહિલા હોકી એશિયન ચેમ્પિયન્સ ટ્રોફીમાં ભારતે ઓસ્ટ્રેલિયાને ફાઈનલમાં હરાવ્યુ...? જાણો શું છે સત્ય....

વાયરલ ફોટો એશિયન ચેમ્પિયનશિપ ટ્રોફીમાં જાપાનને હરાવ્યા બાદ ભારતીય મહિલા હોકી ટીમની ઉજવણીનો છે.

તાજેતરમાં જ ઓસ્ટ્રેલિયા સાથે ક્રિકેટ વર્લ્ડ કપની ફાઇનલ મેચમાં ભારત હારી જતાં દેશના લોકોને આઘાત લાગ્યો હતો. આ વચ્ચે સોશિયલ મીડિયા પર એક વીડિયો વાયરલ થયો છે જેમાં ભારતીય મહિલા હોકી ટીમ પોતાની જીતનો જશ્ન મનાવી રહી છે. આ વીડિયોને શેર કરીને દાવો કરી રહ્યા છે કે, “ભારતીય મહિલા હોકીએ હોકી વર્લ્ડ કપ ફાઇનલમાં ઓસ્ટ્રેલિયાને હરાવી ચેમ્પિયન બની હતી.”

શું દાવો કરવામાં આવી રહ્યો છે.?

સોશિયલ મીડિયા યુઝર્સ દ્વારા તારીખ 24 નવેમ્બર 2023ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “ભારતીય મહિલા હોકીએ હોકી વર્લ્ડ કપ ફાઇનલમાં ઓસ્ટ્રેલિયાને હરાવી ચેમ્પિયન બની હતી.”

Facebook | Fb post Archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.

વાયરલ વીડિયોને નજીકથી જોયા પછી, અમે જોયું કે બેકગ્રાઉન્ડમાં ‘મહિલા એશિયન ચેમ્પિયન્સ ટ્રોફી’ લખેલું હતું. આના પરથી સ્પષ્ટ થાય છે કે આ હોકી વર્લ્ડ કપની મેચ નથી.

ગૂગલ રિવર્સ ઈમેજ સર્ચ અમને ધ ઈકોનોમિક ટાઈમ્સ યુટ્યુબ ચેનલ પર અપલોડ કરેલા સમાન વિડિયો તરફ દોરી ગયું. રિપોર્ટ અનુસાર, એશિયન ચેમ્પિયન્સ ટ્રોફીમાં જાપાનને 4-0થી હરાવ્યા બાદ ભારતીય મહિલા હોકી ટીમની આ ઉજવણી છે.

અમને બીજી વેબસાઈટ પર પણ આવી જ તસવીર જોવા મળી હતી જેમાં જણાવ્યુ છે કે, ઝારખંડના રાંચીમાં રમાયેલી મહિલા હોકી એશિયન ચેમ્પિયન્સ ટ્રોફીની ફાઇનલમાં ભારતે જાપાનને હરાવ્યું હતું. ભારતે આ મેચ 4-0ના સ્કોરથી જીતી લીધી હતી.

તમે નીચે મેચની હાઈલાઈટ્સ જોઈ શકો છો.

વધુ શોધમાં જાણવા મળ્યું કે ભારતીય મહિલા હોકી ટીમ ક્યારેય વર્લ્ડ કપમાં કોઈ ફાઈનલ મેચ જીતી શકી નથી. અમને એ પણ જાણવા મળ્યું કે મહિલા હોકી વર્લ્ડ કપ છેલ્લે 2022માં સ્પેન અને નેધરલેન્ડમાં યોજાયો હતો જેમાં નેધરલેન્ડ ચેમ્પિયન બન્યું હતું. આ વર્ષે હોકી વર્લ્ડ કપનું આયોજન કરવામાં આવ્યું ન હતું.

Olympics

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, ગયા વર્ષે મહિલા હોકી વર્લ્ડ કપનું આયોજન કરવામાં આવ્યું હતું જેમાં નેધરલેન્ડ ચેમ્પિયન બનીને ઉભરી આવ્યું હતું. વાયરલ ફોટો એશિયન ચેમ્પિયન્સ ટ્રોફીમાં જાપાન સામે ભારતીય મહિલા હોકી ટીમની જીતનો છે.

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)