જાણો તાજેતરમાં જમ્મુ-કાશ્મીરના ડોડા ખાતે બનેલી સેનાની બસ દુર્ઘટનાના નામે વાયરલ થઈ રહેલા ફોટોનું શું છે સત્ય…

તાજેતરમાં સોશિયલ મીડિયા પર સેનાની ટ્રકનો એક ફોટો વાયરલ થઈ રહ્યો છે જેની સાથે એવો દાવો કરવામાં આવી રહ્યો છે કે, તાજેતરમાં જમ્મુ-કાશ્મીરના ડોડા ખાતે સેનાની ટ્રક ખીણમાં ખાબકી તેનો આ ફોટો છે. પરંતુ ફેક્ટ ક્રેસેન્ડોની પડતાલમાં આ દાવો ખોટો હોવાનું સાબિત થાય છે કારણ કે, પોસ્ટમાં સેનાની ટ્રકનો જે ફોટો મૂકવામાં આવ્યો છે એ તાજેતરમાં જમ્મુ-કાશ્મીરના ડોડા ખાતે બનેલી સેનાની ટ્રક દુર્ઘટનાનો નહીં પરંતુ વર્ષ 2020માં હિમાચલ પ્રદેશના મંડી ખાતે બનેલી દુર્ઘટનાનો છે. આ ફોટોને સોશિયલ મીડિયા પર ભ્રામક અને અધૂરી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે.

શું દાવો કરવામાં આવી રહ્યો છે.?

એક સોશિયાલ મીડિયા યુઝર દ્વારા 16 જાન્યુઆરી, 2026ના રોજ એક પોસ્ટ શેર કરવામાં આવી હતી. પોસ્ટમાં મૂકવામાં આવેલા ફોટો સાથે શીર્ષકમાં એવું લખવામાં આવ્યું હતું કે, જમ્મુ-કાશ્મીરના ડોડામાં સેનાનું વાહન ખીણમાં પડવાને કારણે 10 વીર જવાનો શહીદ થયાના સમાચાર અત્યંત દુઃખદ છે. પરમકૃપાળુ પરમાત્મા શહીદોના દિવ્ય આત્માને શાંતિ તેમજ સદગતિ અર્પે એજ પ્રાર્થના.. ઓમ શાંતિ 😭😭😭. આ ફોટો સાથેના લખાણમાં એવો દાવો કરવામાં આવી રહ્યો છે કે, તાજેતરમાં જમ્મુ-કાશ્મીરના ડોડા ખાતે સેનાની ટ્રક ખીણમાં ખાબકી તેનો આ ફોટો છે.

Facebook Post | Archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતાં અમે અમારી પડતાલ/તપાસ કાર્યવાહી શરૂ કરી હતી. સૌપ્રથમ અમે પોસ્ટમાં મૂકવામાં આવેલા ફોટોને ધ્યાનથી જોયા બાદ ગૂગલ રિવર્સ ઈમેજથી સર્ચ કરતાં અમને પોસ્ટમાં મૂકવામાં આવેલા આ જ ફોટો સાથેના સમાચાર tribuneindia.com દ્વારા 21 ઓગસ્ટ, 2020ના રોજ પ્રસારિત કરવામાં આવ્યો હોવાની માહિતી પ્રાપ્ત થઈ હતી. જેમાં એવી માહિતી આપવામાં આવી હતી કે, હિમાચલ પ્રદેશના મંડી ખાતે સેનાની એક ટ્રક ખીણમાં ખબકતાં 3 જવાનો ઘાયલ થયા હતા.

ઉપરોક્ત આ જ ફોટો અને માહિતી સાથેના અન્ય સમાચર પણ અમને પ્રાપ્ત થયા હતા. જે તમે અહીં જોઈ શકો છો. businessworld.in | hindi.news18.com | siasat.com

અમારી વધુ તપાસમાં અમને ANI દ્વારા પણ આ જ ફોટો અને માહિતી સાથેના સમાચાર 21 ઓગસ્ટ, 2020ના રોજ પ્રસારિત કરવામાં આયા હોવાની માહિતી પ્રાપ્ત થઈ હતી.

પરિણામ

આમ, અમારી પડતાલમાં ઉપરોક્ત પોસ્ટમાં કરવામાં આવેલો દાવો અધૂરી માહિતી સાથેનો હોવાનું સાબિત થાય છે કારણ કે, પોસ્ટમાં સેનાની ટ્રકનો જે ફોટો મૂકવામાં આવ્યો છે એ તાજેતરમાં જમ્મુ-કાશ્મીરના ડોડા ખાતે બનેલી સેનાની ટ્રક દુર્ઘટનાનો નહીં પરંતુ વર્ષ 2020માં હિમાચલ પ્રદેશના મંડી ખાતે બનેલી દુર્ઘટનાનો છે. આ ફોટોને સોશિયલ મીડિયા પર ભ્રામક અને અધૂરી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે. 

(જો તમારી પાસે પણ સોશિયલ મીડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વીડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો)