બિહાર વિધાનસભા ચૂંટણીના પરિણામો બાદ બિહારમાં ભાજપ વિરૂદ્ધ વિરોધ પ્રદર્શન તરીકે ઝુબીન ગર્ગની અંતિમ યાત્રાનો વીડિયો વાયરલ થઈ રહ્યો છે.

બિહાર વિધાનસભા ચૂંટણી 2025માં NDA ની જીત પછી, સોશિયલ મીડિયા પર એક વીડિયો વાયરલ થયો હતો, જેમાં દાવો કરવામાં આવ્યો હતો કે, “ચૂંટણી પરિણામો પછી બિહારમાં ભાજપ વિરૂદ્ધ વિરોધ પ્રદર્શનનો વીડિયો છે.”

શું દાવો કરવામાં આવી રહ્યો છે.?

સોશિયલ મીડિયા યુઝર્સ દ્વારા તારીખ 17 નવેમ્બર 2025ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “ચૂંટણી પરિણામો પછી બિહારમાં ભાજપ વિરૂદ્ધ વિરોધ પ્રદર્શનનો વીડિયો છે.”

Facebook | Fb post Archive 

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી. 

અમારી તપાસની શરૂઆતમાં, અમે સંબંધિત કીવર્ડ શોધ કરી હતી પરંતુ બિહારમાં આવા તાજેતરના મોટા પાયે થયેલા વિરોધ પ્રદર્શન અંગે કોઈ વિશ્વસનીય સમાચાર મળ્યા નથી.

આગળ વધતા, અમે વાયરલ વીડિયોમાંથી સ્ક્રીનશોટ લીધા અને રિવર્સ ઇમેજ શોધ કરી. આ અમને એક ઇન્સ્ટાગ્રામ હેન્ડલ પર લઈ ગયું જ્યાં વાયરલ વીડિયો 26 સપ્ટેમ્બર 2025ના રોજ અપલોડ કરવામાં આવ્યો હતો. કેપ્શન મુજબ, વીડિયો આસામના ગુવાહાટીમાં પ્રખ્યાત ગાયિક ઝુબીન ગર્ગની અંતિમ યાત્રાનો વીડિયો છે. 

આનાથી સ્પષ્ટ થાય છે કે આ વીડિયો બિહાર ચૂંટણી પરિણામો પહેલાનો છે.

અમે સંબંધિત કીવર્ડ શોધ હાથ ધરી જે અમને ગુવાહાટી એરપોર્ટથી કાહિલીપરામાં તેમના ઘર સુધીની ઝુબીન ગર્ગની અંતિમ યાત્રાના અન્ય વીડિયો તરફ દોરી ગઈ.

વાયરલ વીડિયોમાં, અમે ઝુબીન ગર્ગના પાર્થિવ શરીરને લઈ જતું વાહન જોયું. 

અમે વાયરલ વીડિયોમાં જે સ્થળ છે તેનું ભૌગોલિક સ્થાન નક્કી કર્યું છે. વાયરલ વીડિયોના સ્ક્રીનશોટ અને ગૂગલ મેપ્સની છબીઓ વચ્ચેની સરખામણી નીચે જોઈ શકાય છે.

આનાથી સ્પષ્ટ થાય છે કે વાયરલ વીડિયોમાં પ્રખ્યાત ગાયક ઝુબીન ગર્ગની ગુવાહાટી એરપોર્ટથી ગુવાહાટીના કાહિલીપરા સ્થિત તેમના ઘર સુધીની અંતિમ યાત્રા બતાવવામાં આવી છે.

પરિણામ

આમ, અમારી પડતાલમાં ઉપરોક્ત પોસ્ટ કોટી સાબિત થાય છે. વાયરલ વીડિયોમાં બિહાર વિધાનસભા ચૂંટણી 2025ના પરિણામો પછી બિહારમાં ભાજપ વિરૂદ્ધ વિરોધ દર્શાવવામાં આવ્યો નથી. આ વીડિયોમાં પ્રખ્યાત ગાયક ઝુબીન ગર્ગની ગુવાહાટી એરપોર્ટથી ગુવાહાટીના કાહિલીપરા સ્થિત તેમના ઘર સુધીની અંતિમ યાત્રાનો છે.

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)