જાણો દિલ્હીની ગર્લ્સ પીજી હોસ્ટેલના નામે વાયરલ થઈ રહેલા વીડિયોનું શું છે સત્ય…

તાજેતરમાં સોશિયલ મીડિયા પર દિલ્હીની ગર્લ્સ પીજી હોસ્ટેલના નામે એક વીડિયો વાયરલ થઈ રહ્યો છે જેની સાથે એવો દાવો કરવામાં આવી રહ્યો છે કે, દિલ્હીની ગર્લ્સ હોસ્ટેલની પાઈપલાઈનમાંથી નીકળેલા કોન્ડોમનો આ વીડિયો છે. પરંતુ ફેક્ટ ક્રેસેન્ડોની પડતાલમાં આ દાવો ખોટો અને પાયાવિહોણો સાબિત થાય છે કારણ કે, પોસ્ટમાં પાઈપલાઈનમાંથી નીકળેલા કોન્ડોમનો જે વીડિયો મૂકવામાં આવ્યો છે એ દિલ્હીનો નહીં પરંતુ નાઈજીરિયાનો છે. આ વીડિયો સોશિયલ મીડિયા પર ભ્રામક અને ખોટી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે.

શું દાવો કરવામાં આવી રહ્યો છે.?

એક સોશિયલ મીડિયા યુઝર દ્વારા 28 ઓક્ટોબર, 2025ના રોજ એક પોસ્ટ શેર કરવામાં આવી હતી. પોસ્ટમાં મૂકવામાં આવેલા વીડિયોના શીર્ષકમાં એવું લખવામાં આવ્યું છે કે, દિલ્હીના પીજી ગર્લ્સ હોસ્ટેલમાં પાઇપલાઇન બ્લોક થઈ હતી  પાઇપલાઇનમાં સેંકડો કોન્ડોમ મળી આવ્યા. આ લખાણમાં એવો દાવો કરવામાં આવી રહ્યો છે કે, દિલ્હીની ગર્લ્સ હોસ્ટેલની પાઈપલાઈનમાંથી નીકળેલા કોન્ડોમનો આ વીડિયો છે.

https://archive.org/details/recording-2025-11-07-15-9-46

Facebook Post | Archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતાં અમે અમારી પડતાલ/તપાસ કાર્યવાહી શરૂ કરી હતી. તપાસની શરૂઆતમાં અમે પોસ્ટમાં મૂકવામાં આવેલા વીડિયોને ધ્યાનથી જોયા બાદ ગુગલ રિવર્સ ઈમેજનો સહારો લઈ આ વીડિયોનો એક સ્ક્રીનશોટ લઈને સર્ચ કરતાં પોસ્ટમાં મૂકવામાં આવેલો આ જ વીડિયો એક સત્તાવાર ઈન્સ્ટાગ્રામ યુઝર દ્વારા 13 ઓક્ટોબર, 2025ના રોજ અપલોડ કરવામાં આવ્યો હોવાની માહિતી પ્રાપ્ત થઈ હતી. જેની સાથે એવી માહિતી આપવામાં આવી હતી કે, આ વીડિયો નાઈજીરિયાનો છે. 

આ જ વીડિયો edoonlinetv નામના એક સત્તાવાર ઈન્સ્ટાગ્રામ યુઝર દ્વારા પણ 13 ઓક્ટોબર, 2025ના રોજ અપલોડ કરવામાં આવ્યો હતો. જેમાં એક વ્યક્તિ અંગ્રેજીમાં એવું કહી રહ્યો છે કે, આ વીડિયો નાઈજીરિયાનો છે, જેના પરથી એ સ્પષ્ટ સાબિત થાય છે કે, આ વીડિયો દિલ્હીનો નહીં પરંતુ નાઈજીરિયાનો છે.

પરિણામ

આમ, અમારી પડતાલમાં ઉપરોક્ત પોસ્ટમાં કરવામાં આવેલો દાવો અધૂરી માહિતી સાથેનો હોવાનું સાબિત થાય છે કારણ કે, પોસ્ટમાં પાઈપલાઈનમાંથી નીકળેલા કોન્ડોમનો જે વીડિયો મૂકવામાં આવ્યો છે એ દિલ્હીનો નહીં પરંતુ નાઈજીરિયાનો છે. આ વીડિયો સોશિયલ મીડિયા પર ભ્રામક અને ખોટી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે. 

(જો તમારી પાસે પણ સોશિયલ મીડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વીડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો)