જાણો તાજેતરમાં ભારતે પાકિસ્તાન પર કરેલા હુમલા બાદ પાકિસ્તાની એંકર રડી પડી હોવાના નામે વાયરલ થઈ રહેલા વીડિયોનું શું છે સત્ય…

તાજેતરમાં સોશિયલ મીડિયા પર સમાચાર બોલતા સમયે ભાવુક થયેલી એક મહિલા એંકરનો વીડિયો વાયરલ થઈ રહ્યો છે જેની સાથે એવો દાવો કરવામાં આવી રહ્યો છે કે, તાજેતરમાં ભારતે પાકિસ્તાન પર કરેલા હુમલા બાદ પાકિસ્તાની એંકર સમાચાર બોલતા સમયે રડી પડી તેનો આ વીડિયો છે. પરંતુ ફેક્ટ ક્રેસેન્ડોની પડતાલમાં આ દાવો ખોટો અને પાયાવિહોણો હોવાનું સાબિત થાય છે કારણ કે, પોસ્ટમાં સમાચાર બોલતા સમયે ભાવુક થયેલી એક મહિલા એંકરનો જે વીડિયો મૂકવામાં આવ્યો છે એ તાજેતરનો નહીં પરંતુ વર્ષ 2023માં ગાઝા પર ઈઝરાયલ દ્વારા કરવામાં આવેલા હુમલાનો છે. આ વીડિયોને હાલની પરિસ્થિતિ કે ભારત-પાકિસ્તાન યુદ્ધ સાથે કોઈ જ સંબંધ નથી. આ વીડિયો સોશિયલ મીડિયા પર ખોટી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે.

શું દાવો કરવામાં આવી રહ્યો છે.?

એક ફેસબુક યુઝર દ્વારા 7 મે, 2025ના રોજ એક પોસ્ટ શેર કરવામાં આવી હતી. પોસ્ટમાં મૂકવામાં આવેલા વીડિયોના શીર્ષકમાં એવું લખવામાં આવ્યું છે કે,
પાકિસ્તાની એન્કર રડી પડી… જુઓ આ વાયરલ વિડિયો… આ વીડિયો સાથેના લખાણમાં એવો દાવો કરવામાં આવી રહ્યો છે કે, તાજેતરમાં ભારતે પાકિસ્તાન પર કરેલા હુમલા બાદ પાકિસ્તાની એંકર સમાચાર બોલતા સમયે રડી પડી તેનો આ વીડિયો છે.

Facebook Post | Archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતાં અમે અમારી પડતાલ/તપાસ કાર્યવાહી શરૂ કરી હતી. તપાસની શરૂઆતમાં અમે પોસ્ટમાં મૂકવામાં આવેલા વડિયોનો એક સ્ક્રીનશોટ લઈ ગુગલ રિવર્સ ઈમેજનો સહારો લઈને સર્ચ કરતાં અમને farwawaheedofficial નામના ઇન્સ્ટાગ્રામ એકાઉન્ટ (આર્કાઇવ) પર પોસ્ટ કરાયેલ વાયરલ વીડિયોનું સંક્ષિપ્ત સંસ્કરણ મળ્યું. આ વીડિયો 7 નવેમ્બર, 2023ના રોજ શેર કરવામાં આવ્યો હતો. ફરવા વાહીદ પાકિસ્તાની ન્યૂઝ ચેનલ એક્સપ્રેસ ન્યૂઝ માટે એન્કર છે. આ વીડિયો પોસ્ટ કરતી વખતે, તેણીએ કેપ્શનમાં લખ્યું, “હું મારા આંસુ અને લાગણીઓને કાબૂમાં રાખી શકી નહીં. મને ખબર છે કે, આપણે પેલેસ્ટાઇન (ગાઝા) ના લોકો માટે કંઈ કરી શકતા નથી. હજારો લોકોએ પોતાનો જીવ ગુમાવ્યો છે, ઘણા લોકો ટકી રહેવા માટે સંઘર્ષ કરી રહ્યા છે અને તે ખૂબ જ દુઃખદાયક છે. આ ક્રૂરતાનો ટૂંક સમયમાં અંત આવવો જોઈએ.” આનાથી સ્પષ્ટ થાય છે કે, વાયરલ વીડિયો તાજેતરનો નથી.
Embed –

https://www.instagram.com/farwawaheedofficial/reel/CzUREOdsY40

ઉપરોક્ત આજ વીડિયો ફરવા વહીદના ફેસબુક પેજ પર 7 નવેમ્બર, 2023 ના રોજ શેર કરવામાં આવ્યો હતો. અહીં વીડિયો સાથે લખેલા કેપ્શનમાં બતાવવામાં આવ્યું છે કે, તે એ સમયે ગાઝા પરના હુમલાનો શોક વ્યક્ત કરી રહી હતી.

પરિણામ

આમ, અમારી પડતાલમાં ઉપરોક્ત પોસ્ટમાં કરવામાં આવેલો દાવો અધૂરી માહિતી સાથેનો હોવાનું સાબિત થાય છે કારણ કે, પોસ્ટમાં સમાચાર બોલતા સમયે ભાવુક થયેલી એક મહિલા એંકરનો જે વીડિયો મૂકવામાં આવ્યો છે એ તાજેતરનો નહીં પરંતુ વર્ષ 2023માં ગાઝા પર ઈઝરાયલ દ્વારા કરવામાં આવેલા હુમલાનો છે. આ વીડિયોને હાલની પરિસ્થિતિ કે ભારત-પાકિસ્તાન યુદ્ધ સાથે કોઈ જ સંબંધ નથી. આ વીડિયો સોશિયલ મીડિયા પર ખોટી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે. 

(જો તમારી પાસે પણ સોશિયલ મીડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વીડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)