જાણો નશાની હાલતમાં લથડિયા ખાઈ રહેલા પોલીસકર્મીના વાયરલ વીડિયોનું શું છે સત્ય….

તાજેતરમાં સોશિયલ મીડિયા પર નશાની હાલતમાં રસ્તા પર લથડિયા ખાઈ રહેલા પોલીસકર્મીનો એક વીડિયો વાયરલ થઈ રહ્યો છે. આ વીડિયો સાથે એવો દાવો કરવામાં આવી રહ્યો છે કે, આ વીડિયો ગુજરાતનો છે. ગુજરાતમાં તો દારુબંધી છે તો આ શું છે? પરંતુ ફેક્ટ ક્રેસેન્ડોની પડતાલમાં આ દાવો ખોટો અને પાયાવિહોણો હોવાનું સાબિત થાય છે કારણ કે, પોસ્ટમાં નશાની હાલતમાં રસ્તા પર લથડિયા ખાઈ રહેલા પોલીસકર્મીનો જે વીડિયો મૂકવામાં આવ્યો છે એ ઉત્તરપ્રદેશ ખાતે બનેલી ઘટનાનો છે. આ વીડિયોને ગુજરાત સાથે કોઈ જ સંબંધ નથી. આ વીડિયોને સોશિયલ મીડિયા પર ખોટી અને ભ્રામક માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે.

શું દાવો કરવામાં આવી રહ્યો છે.?

એક ફેસબુક યુઝર દ્વારા 14 ડિસેમ્બર, 2023 ના રોજ એક પોસ્ટ શેર કરવામાં આવી હતી. આ વીડિયોના શીર્ષકમાં એવું લખવામાં આવ્યું છે કે, ગુજરાતમાં તો દારુબંધી છે તો આ પોલીસવાળા અંકલે ક્યાંથી પીધો હશે  પોસ્ટમાં મૂકવામાં આવેલા વીડિયો સાથે એવો દાવો કરવામાં આવી રહ્યો છે કે, આ વીડિયો ગુજરાતનો છે. ગુજરાતમાં તો દારુબંધી છે તો આ શું છે?.

Facebook Post | Archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતાં અમે અમારી પડતાલ/તપાસ કાર્યવાહી શરૂ કરી હતી. તપાસની શરૂઆતમાં અમે પોસ્ટમાં મૂકવામાં આવેલા વીડિયોનો એક સ્ક્રીનશોટ લઈને તેને રિવર્સ ઈમેજનો સહારો લઈને સહારો લઈને સર્ચ કરતાં અમને ઈન્ડિયા ટીવી દ્વારા પોસ્ટમાં મૂકવામાં આવેલા આજ વીડિયો સાથેના સમાચાર 15 ડિસેમ્બર, 2023 ના રોજ પ્રસારિત કરવામાં આવ્યા હોવાની માહિતી પ્રાપ્ત થઈ હતી. જેની સાથે એવી માહિતી આપવામાં આવી હતી કે, આ વીડિયો મિર્ઝાપુરના રમઈપટ્ટી ત્રણ રસ્તા પર બનેલી ઘટનાનો છે.

ઉપરોક્ત આજ વીડિયો અને માહિતી સાથેના સમાચાર અમને પંજાબ કેસરી ઉત્તરપ્રદેશ દ્વારા 16 ડિસેમ્બર, 2023 ના રોજ તેના સત્તાવાર યુટ્યુબ પર પણ પ્રસારિત કરવામાં આવ્યા હતા.

અમારી વધુ તપાસમાં અમને આજ વીડિયો અન્ય કેટલાક મીડિયા માધ્યમો દ્વારા પણ અપલોડ કરવામાં આવ્યો હોવાની માહિતી પ્રાપ્ત થઈ હતી. જે તમે અહીં જોઈ શકો છો. Sea News Agra | Unews Up-7

પરિણામ

આમ, અમારી પડતાલમાં ઉપરોક્ત પોસ્ટમાં કરવામાં આવેલો દાવો ખોટો અને પાયાવિહોણો હોવાનું સાબિત થાય છે કારણ કે, પોસ્ટમાં નશાની હાલતમાં રસ્તા પર લથડિયા ખાઈ રહેલા પોલીસકર્મીનો જે વીડિયો મૂકવામાં આવ્યો છે એ ઉત્તરપ્રદેશ ખાતે બનેલી ઘટનાનો છે. આ વીડિયોને ગુજરાત સાથે કોઈ જ સંબંધ નથી. આ વીડિયોને સોશિયલ મીડિયા પર ખોટી અને ભ્રામક માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે.

(જો તમારી પાસે પણ સોશિયલ મીડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વીડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો)