Fake News: વીડિયોમાં હંગામો કરી રહેલ વ્યક્તિ મુસ્લિમ સમુદાયનો નથી… જાણો શું છે સત્ય….

શાળામાં તોડફોડનો વીડિયો સોશિયલ મીડિયા પર ભ્રામક દાવા સાથે શેર કરવામાં આવી રહ્યો છે. વીડિયોમાં હંગામો મચાવતો વ્યક્તિ મુસ્લિમ સમુદાયનો નથી.

હાલમાં એક વીડિયો સોશિયલ મીડિયા પર ખૂબ જ વાયરલ થઈ રહ્યો છે. જે વીડિયોમાં એક શખ્સ શાળાની અંદર તોડફોડ કરતો જોવા મળે છે. તેમજ ત્યા રાખવામાં આવેલી સરસ્વતીની મુર્તીને પણ લાત મારી રહ્યો છે. આ વિડિયોને શેર કરીને દાવો કરવામાં આવી રહ્યો છે કે, “શાળામાં તોડફોડ કરી રહેલો આ શખ્સ મુસ્લિમ સમુદાયનો છે.”

શું દાવો કરવામાં આવી રહ્યો છે.?

Sanjeev Yaduvanshi નામના ફેસબુક યુઝર દ્વારા તારીખ 01 જાન્યુઆરી 2022ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “શાળામાં તોડફોડ કરી રહેલો આ શખ્સ મુસ્લિમ સમુદાયનો છે.”

Facebook | Fb post Archive | Fb video archive

તેમજ ટ્વિટર પણ આ જ દાવા સાથે આ જ વીડિયો વાયરલ કરવામાં આવી રહ્યો છે. જે પણ તમે નીચે જોઈ શકો છો.

इस वीडियो को इतना RT
करो कि ये मुस्लिम सूवर जहां भी हो पकड़ा जाए😡😡 #ViralVideo https://t.co/YAVnHQjKXq pic.twitter.com/OsBdqU4FnB

— Anand kumar🙏🚩 (@Anandkumar_IND) January 1, 2023

Archive

FACT CHECK

સૌપ્રથમ અમે ગૂગલ પર સર્ચ કરતા અમને એબીપી અસ્મિતાની યુટ્યુબ ચેનલ પરનો એક અહેવાલ પ્રાપ્ત થયો હતો. જેમાં માહિતી આપવામાં આવી હતી કે, “આ વિડિયો છોટા ઉદેપુરનો છે અને જે શિક્ષક દ્વારા સરસ્વતીની મુર્તિને લાત મારવામાં આવી તે નશામાં ધૂત હતો.”

તેમજ વધુ સર્ચ કરતા અમને સંદેશ ન્યુઝનો પણ અહેવાલ પ્રાપ્ત થયો હતો. જે અનુસાર, “આ ઘટના ગુજરાતના છોટાઉદેપુરના કવાંટ તાલુકાની ગેલેસર પ્રાથમિક શાળાની છે. આ શિક્ષક દ્વારા નશામાં ધૂત થઈ અને દેવી સરસ્વતીના ફોટાને લાત મારી હતી. અહેવાલમાં આ વ્યક્તિનું નામ યોગેશ રાઠવા જણાવવામાં આવ્યું છે. સ્કૂલના પ્રિન્સિપાલની ફરિયાદના આધારે પોલીસે હંગામો મચાવનાર વ્યક્તિ વિરુદ્ધ કેસ નોંધ્યો છે.” 

Sandesh | Archive

તેમજ અમારી પડતાલને વધુ મજબૂત બનાવવા અમે આ ઘટના અંગે ક્વાંટ પોલીસ સ્ટેશનનો સપંર્ક સાધ્યો હતો. તેમણે અમને FIRની કોપી પણ આપી હતી. જેમાં આરોપી તરીકે આ શખ્સનું નામ યોગેશ રાઠવા લખવામાં આવ્યુ હોવાનું જાણવા મળ્યુ હતુ.  જે તમે નીચે જોઈ શકો છો.

fir-13

તેમજ અમે છોટાઉદેપુરના એસપી એમ બી ભાભોરનો સંપર્ક સાધ્યો હતો. તેમણે અમને જણાવ્યુ હતુ કે, ‘આ ઘટનામાં કોઈ કોમ્યુનલ એંગલ નથી. આ વ્યક્તિનું નામ યોગેશ રાઠવા છે. જે પ્રાઈવેટ સ્કૂલમાં શિક્ષકની નોકરી કરે છે. અહિંયા કોઈ કાર્યક્રમમાં ભાગ લેવા માટે આવ્યો હતો. દરમિયાન દારૂના નશામાં તેણે આ કારસ્તાન કર્યુ હતુ. જેની સામે ફરિયાદ નોંધાઈ છે અને ધરપકડ પણ કરવામાં આવી છે.’

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે કારણ કે, શાળામાં તોડફોડનો વીડિયો સોશિયલ મીડિયા પર ભ્રામક દાવા સાથે શેર કરવામાં આવી રહ્યો છે. વીડિયોમાં હંગામો મચાવતો વ્યક્તિ મુસ્લિમ સમુદાયનો નથી. 

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)