વિડીયો ગેમના પાત્રને ચીન દ્વારા કૃત્રિમ માનવી બનાવી હોવાની ભ્રામક માહિતી સાથે વાયરલ…? જાણો શું છે સત્ય….

પોસ્ટ સાથે શેર કરવામાં આવેલો વિડિયો ગેમનો વિડિયો છે. ચીન દ્વારા કૃત્રિમ મહિલા બનાવવામાં આવી હોવાની વાત તદ્દન ખોટી છે.

એક કૃત્રિમ મહિલાનો એક વિડીયો સોશિયલ મિડીયામાં વાયરલ થઈ રહ્યો છે. જે વિડીયોમાં તે એક ઈન્ટરવ્યુ આપતી જોઈ શકાય છે. આ વિડિયોને શેર કરીને દાવો કરવામાં આવી રહ્યો છે કે, “ચીન દ્વારા આ પહેલી કૃત્રિમ મહિલા બનાવી છે જે આત્મા વિના અન્ય સામાન્ય માનવીની જેમ વાત કરે છે.”

શું દાવો કરવામાં આવી રહ્યો છે.?

Kinnar Bhimani નામના ફેસબુક યુઝર દ્વારા તારીખ 13 ડિસેમ્બર 2022ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “ચીન દ્વારા આ પહેલી કૃત્રિમ મહિલા બનાવી છે જે આત્મા વિના અન્ય સામાન્ય માનવીની જેમ વાત કરે છે.”

Facebook | Fb post Archive | Fb video archive

Facebook | Facebook | Facebook | Facebook | Facebook | Facebook | Facebook | Facebook | Facebook | Facebook | Facebook | Facebook | Facebook

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.

સૌપ્રથમ અમે વાયરલ વીડિયોની તસવીર લઈ અને ગૂગલ રિવર્સ ઇમેજના માધ્યમથી સર્ચ કરતા અમને તે યુટ્યુબ ચેનલ પર આ વિડિયો પ્રાપ્ત થયો હતો.. જે 2018ના રોજ પોસ્ટ કરવામાં આવ્યો હતો. વીડિયોનું શીર્ષકમાં લખવામાં આવ્યુ હતુ કે, “ડેટ્રોઇટ: બીઇંગ હ્યુમન – શોર્ટસ: ક્લો. PS4.” આ એક ગેમનો વીડિયો છે.

આનાથી સંબંધિત વધુ વિઝ્યુઅલ અહીં મળી શકે છે. 20 મિનિટ 2 સેકન્ડના વીડિયોમાં વાઈરલ થયેલી મહિલા દેખાઈ રહી છે. અહીં વિવિધ પાત્રો પણ જોઈ શકાય છે.

અમને “ડેટ્રોઇટ: બીક હ્યુમન” ગેમના સત્તાવાર ટ્વિટર હેન્ડલ પર એક ટ્વિટ મળ્યું. સાયબર લાઈફ દ્વારા બનાવેલ આ પ્રથમ પર્સનલ આસિસ્ટન્ટ એન્ડ્રોઈડ છે. 2022 માં, આ મોડેલ ટ્યુરિંગ પરિક્ષણ પાસ કરનાર પ્રથમ મોડેલ પણ હતું.

Meet Chloe, the very first personal assistant android built by Cyberlife. In 2022, this model was also the first one to pass the Turing Test.

Watch her interview here: https://t.co/uUIYhshqRF pic.twitter.com/Fwl9iQ2j8w

— Detroit: Become Human (@Detroit_Game) May 23, 2018

ક્વોન્ટિક ડ્રીમમાં છપાયેલા સમાચાર મુજબ, તે ‘ક્લો’ નામનું રોબોટ પાત્ર છે. રમતમાં ‘ક્લો’ પાત્ર વિશે વધુ વિગતો અહીં મળી શકે છે.

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, પોસ્ટ સાથે શેર કરવામાં આવેલો વિડિયો ગેમનો વિડિયો છે. ચીન દ્વારા કૃત્રિમ મહિલા બનાવવામાં આવી હોવાની વાત તદ્દન ખોટી છે. 

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)