શું ખરેખર સુરતના ઓલપાડમાં એકસાથે 12 સિંહ જોવા મળ્યા…? જાણો શું છે સત્ય….

હાલમાં હાઈવે પર એક સાથે 12 સિંહના આટા ફેરાનો એક વીડિયો સોશિયલ મીડિયામાં વાયરલ થઈ રહ્યો છે. ત્યાંથી પસર થતા રાહદારીઓ દ્વારા આ દ્રશ્યને કેમેરામાં કેદ કરી લેવામાં આવ્યુ હતુ. આ વીડિયોને શેર કરીને દાવો કરવામાં આવી રહ્યો છે કે, “સિંહનું આ ટોળુ સુરતના ઓલપાડ તાલુકામાં જોવા મળ્યુ હતુ.”

શું દાવો કરવામાં આવી રહ્યો છે.?

સોશિયલ મીડિયા યુઝર્સ દ્વારા તારીખ 14 નવેમ્બર 2024ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “સિંહનું આ ટોળુ સુરતના ઓલપાડ તાલુકામાં જોવા મળ્યુ હતુ.”

Facebook | Fb post Archive | Fb video archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.  

સૌપ્રથમ અમે પોસ્ટ સાથે શેર કરવામાં આવેલા વીડિયોનો સ્ક્રિન શોટ લઈ અને ગૂગલ રિવર્સ ઈમેજના માધ્યમથી સર્ચ કરતા અમને ઘણા પરિણામો પ્રાપ્ત થયા હતા.

ઉપરોક્ત પરિણામો પરથી અમને દિવ્યભાસ્કરનો અહેવાલ પ્રાપ્ત થયો હતો. આ અહેવાલ શેર કરીને તેની સાથે માહિતી આપવામાં આવી હતી કે, “અમરેલી-રાજુલાના કોવાયા ગામમાં એક સાથે 12 સાવજોનું ટોળું શિકારની શોધમાં બહાર આવ્યાનો વીડિયો વાયરલ થયો છે. કોવાયા ગામ નજીક પાવર પ્લાન્ટ કંપની સામે સાવજો દોડધામ કરતાં જોવા મળ્યા હતા. સિંહ, સિંહણ અને સિંહબાળ સહિતનો આખો પરિવાર શિકારની શોધમાં અચાનક રોડ પર જોવા મળતાં ત્યાંથી પસાર થતાં રાહદારીએ મોબાઇલમાં વીડિયો ઉતારી લેતાં વીડિયો સોશિયલ મીડિયામાં વાયરલ થયો હતો.” 

Divya Bhaskar | Archive

મંતવ્ય ન્યુઝ દ્વારા તેમની ઓફિશિયલ યુટ્યુબ ચેનલ પર આ વીડિયો શેર કરવામાં આવ્યો હતો. જે તમે નીચે જોઈ શકો છો. 

તેમજ જીએસટીવી, ન્યુઝ 18 ગુજરાતી, ગુજરાત મિરર સહિતના મીડિયા હાઉસ દ્વારા આ વીડિયો સાથેના માહિતી આપતા અહેવાલ પ્રસારિત કરવામાં આવ્યા હતા.

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, પોસ્ટ સાથે શેર કરવામાં આવેલો વીડિયો સુરતના ઓલપાડ તાલુકાનો નહિં પરંતુ અમરેલી જિલ્લાના કોવાયા ગામનો છે. સુરતના ઓલપાડનો હોવાની વાત તદ્દન ખોટી છે.

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)