સોશિયલ મીડિયા પર એક વીડિયો ઝડપથી વાયરલ થઈ રહ્યો છે. વીડિયોમાં જોઈ શકાય છે કે એક પૂજારી ગણેશ પંડાલમાં પૂજા કરી રહ્યા છે. અચાનક તેમની તબિયત બગડે છે અને તેઓ જમીન પર પડી જાય છે અને બેભાન થઈ જાય છે. પછી થોડા સમય પછી, ગણેશ મૂર્તિ પાસેથી પૂજારી પર એક ધ્વજ પડે છે અને તેઓ સ્વસ્થ થઈને ઉભા થઈ જાય છે. આ વીડિયોને શેર કરીને દાવો કરવામાં આવી રહ્યો છે કે, “ગણેશ પંડાલમાં પુજારી સાથેના ચમત્કારનો આ વીડિયો સત્ય ઘટના આધારીત છે.”
શું દાવો કરવામાં આવી રહ્યો છે.?
સોશિયલ મીડિયા યુઝર્સ દ્વારા તારીખ 02 સપ્ટેમ્બર 2025ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “ગણેશ પંડાલમાં પુજારી સાથેના ચમત્કારનો આ વીડિયો સત્ય ઘટના આધારીત છે.”
FACT CHECK
ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.
વાયરલ દાવાની સત્યતા જાણવા માટે, અમે ગૂગલ રિવર્સ ઈમેજની મદદથી સર્ચ કરતા અમને 11 જુલાઈ 2025ના રોજ શેર કરાયેલો મૂળ વીડિયો મળ્યો. કેપ્શનમાં જણાવવામાં આવ્યુ હતુ કે, આ વીડિયો સ્ક્રિપ્ટેડ છે. તે મનોરંજન અને જાગૃતિ માટે બનાવવામાં આવ્યો છે.
આ મુળ વીડીયોના અંતમાં એક ડિસ્ક્લેમર આપવામાં આવ્યુ છે. ડિસ્ક્લેમરમાં જણાવાયું છે કે તે સ્ક્રિપ્ટેડ છે કે, આ વીડિયોમાં બતાવેલ ઘટનાને વાસ્તવિકતા સાથે કોઈ સંબંધ નથી. વીડિયોમાં દેખાતા લોકો અભિનેતા છે. તે ફક્ત લોકોને જાગૃત કરવા અને મનોરંજન માટે બનાવવામાં આવ્યો છે.
પરિણામ
આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, ગણેશ મંડપમાં પૂજારી અચાનક બીમાર પડી ગયા હોવાના વાયરલ વીડિયો અંગે કરવામાં આવી રહેલો દાવો ખોટો છે. આ સ્ક્રિપ્ટેડ વીડિયોને સત્ય માનીને સોશિયલ મીડિયા પર શેર કરવામાં આવી રહ્યો છે.
(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)
Title:ગણેશ મંડપમાં પૂજારી સાથે ચમત્કાર થયાનો વીડિયો સ્ક્રિપ્ટેડ છે… જાણો શું છે સત્ય….
Fact Check By: Frany KariaResult: Misleading
