સોશિયલ મીડિયા પર એક વ્યક્તિનો વીડિયો વાયરલ થઈ રહ્યો છે જેમાં તે એક છોકરીના મૃતદેહને બાઇક પર લઈ જઈ રહ્યો છે. આ વીડિયોને શેર કરીને દાવો કરવામાં આવી રહ્યો છે કે, “યુપીમાં એક ભાઈને તેની બહેનના મૃતદેહને બાઇક પર લઈ જવું પડ્યું કારણ કે તેને હોસ્પિટલમાં એમ્બ્યુલન્સ મળી ન હતી.”
શું દાવો કરવામાં આવી રહ્યો છે.?
સોશિયલ મીડિયા યુઝર્સ દ્વારા તારીખ 10 એપ્રિલ 2025ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “યુપીમાં એક ભાઈને તેની બહેનના મૃતદેહને બાઇક પર લઈ જવું પડ્યું કારણ કે તેને હોસ્પિટલમાં એમ્બ્યુલન્સ મળી ન હતી.”
Facebook | Fb post Archive | Fb video archive
FACT CHECK
ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.
સૌપ્રથમ અમે ગૂગલ રિવર્સ ઈમેજના માધ્યમથી સર્ચ કરતા અમને ઘણા પરિણામો પ્રાપ્ત થયા હતા.
ઉપરોક્ત પરિણામો પરથી અમને આજતકની વેબસાઇટ પર 8 નવેમ્બર 2023નો અહેવાલ પ્રાપ્ત થયો હતો. જેની સાથે માહિતી આપવામાં આવી હતી કે, “બિધુના શહેરના શીતલાપુરમના રહેવાસી પ્રબલ પ્રતાપની પુત્રીને સ્નાન કરતી વખતે વીજળીનો આંચકો લાગ્યો અને તે બેભાન થઈ ગઈ. ત્યારબાદ પરિવાર તેને હોસ્પિટલમાં લઈ ગયો. ત્યાં ડોક્ટરે તેને મૃત જાહેર કરી અને જ્યારે ડોક્ટરે પોસ્ટમોર્ટમ માટે કહ્યું, ત્યારે ભાઈ અને અન્ય સંબંધીઓએ પોસ્ટમોર્ટમ કરવાનો ઇનકાર કર્યો. ભાઈએ તેની બહેનના મૃતદેહને દુપટ્ટાથી બાંધી દીધો અને તેને બાઇક પર ઘરે લઈ ગયો.“
તેમજ વધુ સર્ચ કરતા અમને એબીપી લાઈવ વેબસાઇટ પર 8 નવેમ્બર 2023ના રોજ પ્રકાશિત થયેલા સમાચાર અહેવાલ પ્રાપ્ત થયો હતો જેની સાથે માહિતી આપવામાં આવી હતી કે, “આ મામલો બિધુના સરકારી હોસ્પિટલનો છે. જ્યાં એક યુવતીને વીજળીનો કરંટ લાગતાં બાઇક પર લાવવામાં આવી હતી. અહીં ડોક્ટરે તેને મૃત જાહેર કરી. આ પછી, ભાઈ તેની બહેનના મૃતદેહને બાઇક પર ઘરે પાછો લાવ્યો. એવું કહેવામાં આવી રહ્યું છે કે હોસ્પિટલ દ્વારા પરિવારને મૃતદેહ ઘરે લાવવા માટે કોઈ વાહન આપવામાં આવ્યું ન હતું. આ કારણે, તેમને બાઇક પર મૃતદેહ લઈને ઘરે જવું પડ્યું. તેમજ વીડિયો વાયરલ થયા પછી, જિલ્લા વહીવટીતંત્ર હરકતમાં આવ્યું અને બિધુના સીએચસીના ઇન્ચાર્જ અને એક કર્મચારીને દૂર કરવામાં આવ્યા.”
પરિણામ
આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, છોકરીના મૃતદેહને બાઇક પર લઈ જવાના વીડિયો અંગે કરવામાં આવી રહેલો દાવો ખોટો છે. આ વીડિયો તાજેતરનો નથી, પરંતુ વર્ષ 2023નો છે. જ્યારે છોકરીનું વીજ કરંટ લાગતા મૃત્યુ થયુ હતું. છોકરીના મૃત્યુ પછી એમ્બ્યુલન્સ મળી શકી નહીં. આ પછી, છોકરીનો ભાઈ તેની બહેનના મૃતદેહને બાઇક પર લઈ ગયો.
(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)
Title:Fake Check: બાઈક પર યુવતીના મૃતદેહને લઈ જઈ રહેલા વીડિયોનું જાણો શું છે સત્ય….
Fact Check By: Frany KariaResult: Missing Context
