નેલ્લોરમાં મુસ્લિમ છોકરા દ્વારા ‘હિન્દુ જૈન’ છોકરીનું અપહરણ કરવાની બનાવટી વાર્તા વાયરલ થઈ રહી છે….

દક્ષિણ ભારતના નેલ્લોરમાં એક મુસ્લિમ યુવક એક જૈન છોકરીને લલચાવીને ભાગી ગયો હોવાના દાવા સાથે સોશિયલ મીડિયા મેસેજ શેર કરવામાં આવી રહ્યો છે. જ્યારે જૈન સમુદાયે 1800 મુસ્લિમોને તેમની દુકાનો અને ફેક્ટરીઓમાંથી બહાર કાઢવાનો નિર્ણય લીધો, ત્યારે મુસ્લિમ સમુદાયે પોતે જ છોકરીને શોધી કાઢી અને માત્ર 9 કલાકમાં તેને સુરક્ષિત રીતે ઘરે પરત કરી.

શું દાવો કરવામાં આવી રહ્યો છે.?

સોશિયલ મીડિયા યુઝર્સ નામના ફેસબુક યુઝર દ્વારા તારીખ 23 ઓગસ્ટ 2025ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “દક્ષિણ ભારતના નેલ્લોરમાં, એક મુસ્લિમ યુવક એક જૈન છોકરીને લલચાવીને તેની સાથે ભગાડી ગયો. જ્યારે જૈન સમુદાયને જાણ થઈ ત્યારે તેમણે 18૦૦ મુસ્લિમોને તેમની દુકાનો અને કારખાનાઓમાંથી બહાર કાઢવાનો નિર્ણય લીધો, ત્યારે મુસ્લિમ સમુદાયના સભ્યોએ પોતે જ છોકરીને શોધી કાઢી અને 9 કલાકમાં તેને સુરક્ષિત રીતે ઘરે પરત કરી.”

Facebook | Fb post Archive | Fb video archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી. 

તપાસની શરૂઆતમાં, અમને એક વાયરલ ટ્વિટ નીચે એક જવાબ મળ્યો. જેમાં એક વ્યક્તિએ નેલ્લોર પોલીસને નોટિસ શેર કરી છે. નેલ્લોર પોલીસ દ્વારા જારી કરાયેલી નોટિસમાં, વાયરલ કરવામાં આવી રહેલી નકલી પોસ્ટને નકારી કાઢવામાં આવી છે. 

4 साल से यह झूठा समाचार बार बार पोस्ट किया जा रहा है!
नेल्लोर पुलिस विभाग खंडन कर चुका है। pic.twitter.com/rkG1BuSKqg

— सागर नाहर जैन (@nahar7772) September 4, 2023

Archive

તેમજ આ મેસેજ વર્ષ 2019થી સોશિયલ મીડિયામાં વાયરલ થઈ રહ્યો છે. તે સમયે પણ ગુજરાતી ફેક્ટક્રેન્ડો દ્વારા આ મેસેજની પડતાલ કરવામાં આવી હતી અને ત્તકાલિન નેલ્લૂરના જિલ્લા પોલીસ વડા એશ્રવર્યા રસ્તોગી સાથે વાત કરી હતી, તેમણે અમને જણાવ્યુ હતુ કે, “સોશિયલ મિડિયામાં વાયરલ થઈ રહેલો મેસેજ અમારા ધ્યાનમાં પણ આવ્યો છે. આ માત્ર એક અફવા જ છે. નેલ્લૂર શહેરમાં આ પ્રકારે કોઈ ઘટના નથી બની. સોશિયલ મિડિયામાં અફવા ફેલાવનાર શખ્સની શોધખોળ કરી રહ્યા છીએ. જેને પણ આ અફવા ફેલાવી છે. તેની સામે કાર્યવાહી કરવામાં આવશે. આ પ્રકારે કોઈ ઘટના બનવા પામી નથી. તેમજ કોઈ સમુદાય દ્વારા કોઈને પણ નોકરી માંથી કાઢી મુકવામાં આવ્યા નથી.”  

તેમજ વર્ષ 2023માં પણ આ મેસેજ વાયરલ થયો હતો જેની પડતાલ પણ ફેક્ટક્રેન્ડોની હિન્દી ટીમ દ્વારા કરવામાં આવી હતી. 

પરિણામ

આમ, અમારી પડતાલમાં ઉપરોક્ત ખોટી સાબિત થાય છે. કારણ કે, પોસ્ટમાં કરવામાં આવેલો દાવો એક માત્ર અફવા છે હકીકતમાં નેલ્લોરમાં આવી કોઈ ઘટના બની ન હોવાની પૃષ્ટી નેલ્લોરના જિલ્લા ત્તકાલિન જીલ્લા પોલીસ વડા દ્વારા કરવામાં આવી હતી. આ મેસેજ છેલ્લા 6 વર્ષથી સોશિયલ મીડિયામાં વાયરલ થઈ રહ્યો છે.

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)