હિજાબ વિરોધના વર્ષ 2022ના વીડિયોને ખોટા દાવા સાથે વાયરલ થઈ રહ્યો છે… જાણો શું છે સત્ય….

વાયરલ થયેલો વીડિયો વર્ષ 2022માં ઈરાનમાં હિજાબ વિરૂદ્ધ થયેલા વિરોધ પ્રદર્શનોનો છે. જોકે, ઈરાને હિજાબની કાનૂની જરૂરિયાત નાબૂદ કરી નથી, આ કાયદો હજુ પણ અસ્તિત્વમાં છે.

ઈરાનના સુપ્રીમ લીડર અલી ખામેની સામે વિરોધ ફાટી નીકળ્યો છે. વધતી જતી મોંઘવારી અને કથળતા અર્થતંત્ર સામે પાટનગર તહેરાનથી શરૂ થયેલા વિરોધ પ્રદર્શનો દેશભરમાં ફેલાઈ ગયા છે. અનેક જગ્યાએ પ્રદર્શનકારીઓ અને સુરક્ષા કર્મચારીઓ વચ્ચે અથડામણ થઇ હતી. અહેવાલ મુજબ છેલ્લા બે અઠવાડિયામાં ઈરાનમાં 500થી વધુ લોકોના મોત થયા છે, જેમાં 490 પ્રદર્શનકારીઓ અને 48 સુરક્ષા કર્મચારીનો સમાવેશ થાય છે. 10,600 થી વધુ લોકોની ધરપકડ કરવામાં આવી છે.

આ પૃષ્ટભૂમિ પર એક વીડિયો શેર કરવામાં આવી રહ્યો છે જેમાં એક મહિલાઓનુ ટોળુ એક આગમાં હિજાબ નાખી રહ્યા છે, આ વીડિયોને શેર કરીને દાવો કરવામાં આવી રહ્યો છે કે, “ઈરાનમાં ચાલી રહેલા હાલના વિરોધ પ્રદર્શન દરમિયાન વિરોધ પ્રદર્શનનો આ વીડિયો છે.”

શું દાવો કરવામાં આવી રહ્યો છે.?

સોશિયલ મીડિયા યુઝર્સ દ્વારા તારીખ 06 જાન્યુઆરી 2026ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “ઈરાનમાં ચાલી રહેલા હાલના વિરોધ પ્રદર્શન દરમિયાન વિરોધ પ્રદર્શનનો આ વીડિયો છે.”

Facebook | Fb post Archive 

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.

સૌપ્રથમ અમે આ વીડિયોનો સ્ક્રિન શોટ લઈ અને ગૂગલ રિવર્સ ઈમેજના માધ્યમથી સર્ચ કરતા અમને ઘણા પરિણામો પ્રાપ્ત થયા હતા. 

ઉપરોક્ત પરિણામો પરથી અમને આ વીડિયો 21 સપ્ટેમ્બર, 2022ના રોજ mamamiaus નામના વેરિફાઇડ ઇન્સ્ટાગ્રામ હેન્ડલ પર અપલોડ કરવામાં આવ્યો હતો. જેની સાથે માહિતી આપવામાં આવી હતી કે, 22 વર્ષીય મહસા અમીનીના મૃત્યુ બાદ ઈરાનમાં મહિલાઓ વિરોધ કરી રહી છે અને તેમના હિજાબ સળગાવી રહી છે.

તેમજ વધુ સર્ચ કરતા અમને સપ્ટેમ્બર 2022માં ઘણા અન્ય સોશિયલ મીડિયા હેન્ડલ અને ન્યૂઝ પોર્ટલ પર આ વીડિયો મળ્યો. આ બધી જગ્યાએ, આ વીડિયો ઈરાનમાં હિજાબ વિરૂદ્ધના વિરોધ પ્રદર્શનનો હોવાનું જણાવવામાં આવી રહ્યો છે.

These women in #Iran’s northern city of Sari are dancing and burning their headscarves… anti-regime protests have now spread to dozens of cities from north to south, east to west… all triggered by the death of #MahsaAmini while in the custody of Iran’s morality police. pic.twitter.com/BBDvgC5L1w

— Rana Rahimpour (@ranarahimpour) September 20, 2022

તેમજ વધુ સર્ચ કરતા અમને 22 સપ્ટેમ્બર 2022ના રોજ વોઇસ ઓફ અમેરિકાની યુટ્યુબ ચેનલ પર અપલોડ કરાયેલ એક ન્યૂઝ રિપોર્ટ, જેમાં આ જ દ્રશ્યો દર્શાવવામાં આવ્યા હતા. રિપોર્ટ મુજબ, આ ક્લિપ ઈરાનના સાડીનો છે, જ્યાં 22 વર્ષીય મહસા અમીનીના મૃત્યુ બાદ ફાટી નીકળેલા વિરોધ પ્રદર્શનો દરમિયાન વિરોધ પ્રદર્શનો થયા હતા, જેને નૈતિકતા પોલીસે “અયોગ્ય પોશાક” પહેરવાના આરોપમાં અટકાયતમાં લીધી હતી. પ્રદર્શનો ટૂંક સમયમાં વધુ ઉગ્ર બન્યા, પોલીસ સ્ટેશનો અને વાહનોને આગ ચાંપી દેવામાં આવ્યાના અહેવાલો સાથે. જવાબમાં, ઈરાનના રિવોલ્યુશનરી ગાર્ડ્સે ન્યાયતંત્રને સોશિયલ મીડિયા પર “ખોટા સમાચાર અને અફવાઓ” ફેલાવનારાઓ સામે કાર્યવાહી કરવા વિનંતી કરી, અને કહ્યું કે આવી પ્રવૃત્તિ સમાજની માનસિક સુરક્ષા માટે જોખમી બની શકે છે.

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, પોસ્ટ સાથે શેર કરવામાં આવેલો વીડિયો હાલના વિરોધ પ્રદર્શનનો નહીં પરંતુ વર્ષ 2022માં થયેલા વિરોધ પ્રદર્શન દરમિયાનનો છે. હાલની પરિસ્થિતિ સાથે તેને કોઈ લેવા-દેવા નથી.

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)