ચીનનો વીડિયો મહાકુંભ મેળાના નામે વાયરલ કરવામાં આવી રહ્યો… જાણો શું છે સત્ય….

આગથી કરતબો કરતા માણસનો આ વીડિયો પ્રયાગરાજ મહાકુંભનો નથી. વાયરલ વીડિયો ચીનના ‘ફાયર પોટ પર્ફોર્મન્સ’નો છે. જેને પ્રયાગરાજ મહાકુંભના નામે વાયરલ કરવામાં આવી રહ્યો.

સોશિયલ મીડિયા પર એક વીડિયો ઝડપથી વાયરલ થઈ રહ્યો છે. વીડિયોમાં એક વ્યક્તિ રસ્તા પર આગ સાથે સ્ટંટ કરતો જોઈ શકાય છે. આ વીડિયો શેર કરીને દાવો કરવામાં રહ્યો છે કે, “આગથી કરતબ કરતા વ્યક્તિનો આ વીડિયો પ્રયાગરાજ મહાકુંભનો છે.” 

શું દાવો કરવામાં આવી રહ્યો છે.?

સોશિયલ મીડિયા યુઝર્સ દ્વારા તારીખ 09 જાન્યુઆરી 2025ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “આગથી કરતબ કરતા વ્યક્તિનો આ વીડિયો પ્રયાગરાજ મહાકુંભનો છે.”

Facebook | Fb post Archive | Fb video archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી. 

અમારી તપાસને આગળ ધપાવતા, અમે વાયરલ વીડીયો ગૂગલ રિવર્સ ઈમેજના માધ્યમથી સર્ચ કરતા અમને વાયરલ વીડિયો ધ વાયરલ વીડિયોના ઓફિશિયલ ટ્વિટર એકાઉન્ટ પર મળ્યો. આ વીડિયો 21 સપ્ટેમ્બર 2024 ના રોજ શેર કરવામાં આવ્યો હતો. કેપ્શનમાં આપેલી માહિતી મુજબ, આ વીડિયો ચીનના સાંસ્કૃતિક રિવાજ ‘ફાયર પોટ’નો છે.

EXPERIENCE THE SPLENDOR OF CHINESE CULTURE!

The breathtaking Fire Pot has arrived! This ancient marvel showcases exquisite craftsmanship, wisdom, and creativity of our ancestors. Step into history and uncover the secrets of this timeless treasure!#ChinaStory pic.twitter.com/CM3a5Cg4OZ

— The Viral Videos (@The_viralvideo_) September 21, 2024

Archive

તેમજ વધુ સર્ચ કરતા અમને ચાઈનાના એક ફેસબુક પેજ પર વાયરલ વીડિયો મળ્યો. આ વીડિયો 2 ઓક્ટોબર, 2024 ના રોજ શેર કરવામાં આવ્યો હતો. વીડિયો સાથે અંગ્રેજીમાં કેપ્શનમાં લખ્યું છે, “આઘાતજનક અગ્નિ કુંડ પ્રદર્શન, ચીની અમૂર્ત વારસાની પ્રશંસા!”

ફાયર પોટ શું છે.?

ફાયર પોટ ચીનનો એક સાંસ્કૃતિક વારસો છે, જેમાં કલાકારો ફટાકડાના પેટર્ન બનાવવા માટે અગ્નિના પોટ, મશાલો અને પોઈ જેવી વિવિધ વસ્તુઓનો ઉપયોગ કરે છે. કલાકારો ફાયરપ્રૂફ સુટ પહેરે છે અને રસ્તાની બંને બાજુએ મૂકેલી લોખંડની જાળીમાં ગરમ ​​કોલસો નાખે છે અને તેને જોરશોરથી હલાવે છે. તેમાંથી નીકળતા તણખા આવા દ્રશ્યો બનાવે છે.”

View this post on Instagram

A post shared by China Insider (@chinainsider)

પરિણામ 

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, આગથી કરતબો કરતા માણસનો આ વીડિયો પ્રયાગરાજ મહાકુંભનો નથી. વાયરલ વીડિયો ચીનના ‘ફાયર પોટ પર્ફોર્મન્સ’નો છે. જેને પ્રયાગરાજ મહાકુંભના નામે વાયરલ કરવામાં આવી રહ્યો.

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)