Fake News: મહિલા સાથે ડાન્સ કરી રહેલા પોલીસનો આ વીડિયો મુંબઈ પોલીસનો નથી… જાણો શું છે સત્ય…

ડાન્સ કરી રહેલા પોલીસનો આ વીડિયો ઉત્તર પ્રદેશ પોલીસનો છે. મુંબઈ પોલીસ સાથે તેને કોઈ લેવા-દેવા નથી.

હાલમાં એક વીડિયો વાયરલ થઈ રહ્યો છે. જેમાં તમે એક મહિલા સાથે પોલીસનો ડ્રેસ પહેરી ડાન્સ કરી રહેલા વ્યક્તિનો જોઈ શકો છો. આ વીડિયોને શેર કરીને દાવો કરવામાં આવી રહ્યો છે કે, “વીડિયોમાં ડાન્સ કરી રહેલ પોલીસ અધિકારી મુંબઈ પોલીસનો જવાન છે.”

શું દાવો કરવામાં આવી રહ્યો છે.?

Chingari Updet Wakanar નામના ફેસબુક યુઝર દ્વારા તારીખ 02 માર્ચ 2023ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “વીડિયોમાં ડાન્સ કરી રહેલ પોલીસ અધિકારી મુંબઈ પોલીસનો જવાન છે.”

Facebook | Fb post Archive | Fb video archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.

સૌપ્રથમ અમે પોસ્ટ સાથે શેર કરવામાં આવેલા વીડિયોનો સ્ક્રિનશોટ લઈ અને ગૂગલ રિવર્સ ઈમેજના માધ્યમથી સર્ચ કરતા અમને ઘણા પરિણામો પ્રાપ્ત થયા હતા.

ઉપરોક્ત પરિણામો પરથી અમને Bharat ek Soch નામની ઓફિશિયલ યુટ્યુબ ચેનલ પર આ વીડિયો પ્રાપ્ત થયો હતો. જેમાં માહિતી આપવામાં આવી હતી કે, “પોલીસનો મહિલા સાથેનો ડાન્સનો આ વીડિયો યુપીનો છે. ડાન્સ કરી રહેલા વ્યક્તિ યુપી પોલીસના ઇન્સપેક્ટર છે.”  જે તમે નીચે જોઈ શકો છો.

ઝી ન્યુઝ, એબીપી ન્યુઝ, જાગરણ ટીવી સહિતના મીડિયા હાઉસ દ્વારા આ વીડિયોને લઇ અહેવાલ પ્રસારિત કરવામાં આવ્યો હતો અને આ વીડિયો યુપીના ઇન્સપેક્ટરનો હોવાની માહિતી આપી હતી. 

તેમજ નવભારત દ્વારા પ્રસારિત અહેવાલમાં માહિતી આપવામાં આવી હતી કે, આ વીડિયોને લઇ યુપી સરકાર દ્વારા કડક કાર્યવાહીનો આદેશ આપવામાં આવ્યો છે.  જે તમે નીચે વાંચી શકો છો.

Archive

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, પોસ્ટ સાથે શેર કરવામાં આવેલો વીડિયો મુંબઈ પોલીસનો નથી. આ વીડિયો યુપી પોલીસનો છે. મુંબઇ પોલીસ સાથે આ વીડિયોનો કોઈ લેવા-દેવા નથી.

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)