જાણોહોળી મનાવી રહેલા સોનિયા ગાંધીના પરિવારનાવાયરલથઈ રહેલા વીડિયોનુંશું છે સત્ય…

તાજેતરમાં સોશિયલ મીડિયા પર હોળી મનાવી રહેલા સોનિયા ગાંધી અને રાહુલ ગાંધી સાથે કેટલાક લોકોનો એક વીડિયો વાયરલ થઈ રહ્યો છે કે, જેની સાથે એવો દાવો કરવામાં આવી રહ્યો છે કે,સોનિયા ગાંધી અને રાહુલ ગાંધી સહિત લોકોએ તાજેતરમાં હોળી મનાવી તે સમયનો આ વીડિયો છે.પરંતુ ફેક્ટ ક્રેસેન્ડોની પડતાલમાં આ દાવો ખોટો અને પાયાવિહોણો હોવાનું સાબિત થાય છે કારણ કે, પોસ્ટમાં હોળી મનાવી રહેલા સોનિયા ગાંધી અને રાહુલ ગાંધી સાથેના કેટલાક લોકોનો જે વીડિયો મૂકવામાં આવ્યો છે એ તાજેતરનો નહીં પરંતુ વર્ષ 2016 માં તેમના દ્વારા મનાવવામાં આવેલી હોળીના પર્વનો છે. આ વીડિયોને હાલની પરિસ્થિતિ સાથે કોઈ જ સંબંધ નથી.આ વીડિયો સોશિયલ મીડિયા પર ખોટી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે.

શું દાવો કરવામાં આવી રહ્યો છે.?

એક ફેસબુક યુઝર દ્વારા 25 માર્ચ,2024 ના રોજ એક પોસ્ટ શેર કરવામાં આવી હતી. પોસ્ટમાં મૂકવામાં આવેલા વીડિયોના શીર્ષકમાં એવું લખવામાં આવ્યું છે કે, ચમચાઓ આજે બાબર અને ઔરંગઝેબ ના સમર્થક હોળી મનાવી રહ્યા છે સમય બળવાન છે આજ સુધી જે ગાંધી પરિવારની હોળીના ફોટા માગવા પર ચમચાઓ મો નીચુ ઘાલી દેતાથોડા દિવસમાં ચાદર ફાધરે છોડી દેશે કાલે દેખાડવા પૂરતું રક્ષાબંધનના પણ ફોટા આવી શકે છે ઇટાલી ની બાર ડાન્સરના ચમચાઓ ખોટું તો નથી કીધું ને મેં ??? . પોસ્ટમાં મૂકવામાં આવેલાવીડિયો સાથેના લખાણમાં એવો દાવો કરવામાં આવી રહ્યો છે કે, સોનિયા ગાંધી અને રાહુલ ગાંધી સહિત લોકોએ તાજેતરમાં હોળી મનાવી તે સમયનો આ વીડિયો છે.

Facebook Post | Archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતાં અમે અમારી પડતાલ/તપાસ કાર્યવાહી શરૂ કરી હતી. તપાસની શરૂઆતમાં અમે પોસ્ટમાં મૂકવામાં આવેલા વડિયોનો એક સ્ક્રીનશોટ લઈ ગુગલ રિવર્સ ઈમેજનો સહારો લઈને સર્ચ કરતાં અમને પોસ્ટમાં મૂકવામાં આવેલો આજ વીડિયોકોંગ્રેસના સત્તાવાર યુટ્યુબ દ્વારા 20 ડિસેમ્બર, 2017 ના રોજ પ્રસારિત કરવામાં આવ્યા હોવાની માહિતી પ્રાપ્ત થઈ હતી. જેમાં એવી માહિતી આપવામાં આવી હતી કે, કોંગ્રેસ પ્રમુખ સોનિયા ગાંધી અને વાઈસ પ્રેસિડેન્ટ રાહુલ ગાંધીએ કરી હોળીની ઉજવણી.

અમારી વધુ તપાસમાં અમને આજ માહિતી સાથેના સમાચાર NDTV દ્વારા પણ 24 માર્ચ, 2016 ના રોજ પ્રાસિરત કરવામાં આવ્યા હોવાની માહિતી પ્રાપ્ત થઈ હતી. 

ઉપરોક્ત આજ માહિતી અને ફોટો સાથેના અમને અન્ય સમાચાર પણ પ્રાપ્ત થયા હતા. જે તમે અહીં જોઈ શકો છો.indiatoday.in| oneindia.com

વધુમાં તમને એ પણ જણાવી દઈએ કે, આ પહેલાં પણ સોનિયા ગાંધી દ્વારા ઘણી વાર હોળીના પર્વની ઉજવણી કરવામાં આવી હતી. વર્ષ 2004, વર્ષ 2008 અને વર્ષ 2014 માં સોનિયા ગાંધી દ્વારા હોળીના પર્વની ઉજવણી કરવામાં આવી હતી. જેના ફોટો અમને ગેટી ઈમેજ અને વન ઈંડિયા નામની એક વેબસાઈટ પર પ્રાપ્ત થયા હતા.

સોનિયા ગાંધીના હોળી મનાવતા અન્ય ઘણા બદા ફોટો અમને ગેટી ઈમેજ પર મળ્યા હતા. જે તમે નીચે જોઈ શકો છો.

https://www.gettyimages.in/photos/sonia-gandhi-holi?family=editorial&phrase=sonia%20gandhi%20holi&sort=best#license%C2%A0

પરિણામ

આમ, અમારી પડતાલમાં ઉપરોક્ત પોસ્ટમાં કરવામાં આવેલો દાવો અધૂરી માહિતી સાથેનો હોવાનું સાબિત થાય છે કારણ કે, પોસ્ટમાં હોળી મનાવી રહેલા સોનિયા ગાંધી અને રાહુલ ગાંધી સાથેના કેટલાક લોકોનો જે વીડિયો મૂકવામાં આવ્યો છે એ તાજેતરનો નહીં પરંતુ વર્ષ 2016 માં તેમના દ્વારા મનાવવામાં આવેલી હોળીના પર્વનો છે. આ વીડિયોને હાલની પરિસ્થિતિ સાથે કોઈ જ સંબંધ નથી. આ વીડિયો સોશિયલ મીડિયા પર ખોટી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે. 

(જો તમારી પાસે પણ સોશિયલ મીડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વીડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)