જાણો તાજેતરમાં દિલ્હીમાં લાલ કિલ્લા નજીક થયેલા બ્લાસ્ટના નામે વાયરલ થઈ રહેલા ફોટોનું શું છે સત્ય…

તાજેતરમાં સોશિયલ મીડિયા પર ભયંકર બ્લાસ્ટનો એક ફોટો વાયરલ થઈ રહ્યો છે જેની સાથે એવો દાવો કરવામાં આવી રહ્યો છે કે, તાજેતરમાં દિલ્હીના લાલ કિલ્લા નજીક થયેલા બ્લાસ્ટનો આ ફોટો છે. પરંતુ ફેક્ટ ક્રેસેન્ડોની પડતાલમાં આ દાવો ખોટો હોવાનું સાબિત થાય છે કારણ કે, પોસ્ટમાં ભયંકર બ્લાસ્ટનો જે ફોટો મૂકવામાં આવ્યો છે એ વર્ષ 2024માં ઈઝરાયેલ દ્વારા લેબેનોન પર કરવામાં આવેલા હુમલાનો છે. આ ફોટોને તાજેતરમાં દિલ્હીમાં થયેલા બ્લાસ્ટ કોઈ જ સંબંધ નથી. આ ફોટો સોશિયલ મીડિયા પર ખોટી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે.

શું દાવો કરવામાં આવી રહ્યો છે.?

એક સોશિયલ મીડિયા યુઝર દ્વારા 10 નવેમ્બર, 2025ના રોજ એક પોસ્ટ શેર કરવામાં આવી હતી. પોસ્ટમાં મૂકવામાં આવેલા ફોટોના શીર્ષકમાં એવું લખવામાં આવ્યું છે કે, લાલ કિલ્લા નજીક બ્લાસ્ટ, 9ના મોT. ભયાનક બોમ્બ ધડાકાથી હચમચી ઉઠ્યું દિલ્હીના લાલ કિલ્લા નજીકનું મેટ્રો સ્ટેશન, નવના મોત; દિલ્હી, મુંબઈ, અમદાવાદ હાઈ એલર્ટ પર. આ ફોટો સાથેના લખાણમાં એવો દાવો કરવામાં આવી રહ્યો છે કે, તાજેતરમાં દિલ્હીના લાલ કિલ્લા નજીક થયેલા બ્લાસ્ટનો તેનો આ ફોટો છે.

Facebook Post | Archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતાં અમે અમારી પડતાલ/તપાસ કાર્યવાહી શરૂ કરી હતી. તપાસની શરુઆતમાં અમે પોસ્ટમાં મૂકવામાં આવેલા ફોટોને ગુગલ રિવર્સ ઈમેજનો સહારો લઈને સર્ચ કરતાં અમને પોસ્ટમાં મૂકવામાં આવેલા આ જ ફોટો સાથેના સમાચાર english.alarabiya.net દ્વારા 28 સપ્ટેમ્બર, 2024ના રોજ પ્રસારિત કરવામાં આવ્યા હોવાની માહિતી પ્રાપ્ત થઈ હતી. જેમાં એવી માહિતી આપવામાં આવી હતી કે,  ઈઝરાયેલ દ્વારા લેબેનોન પર કરવામાં આવેલા હુમલાનો આ ફોટો છે.

અમારી વધુ તપાસમાં અમને આ જ માહિતી અને ફોટો સાથેના અન્ય સમાચાર પણ પ્રાપ્ત થયા હતા. જે તમે અહીં જોઈ શકો છો. abc.net.au | saba.ye

PIB Fact Check દ્વારા પણ આ જ ફોટો દિલ્હીમાં થયેલા બ્લાસ્ટનો ન હોવા અંગેની ટ્વિટ 10 નવેમ્બર, 2025ના રોજ કરવામાં આવી હતી.

Some propaganda accounts are circulating an old image on social media, falsely claiming it to be linked with blast in Delhi#PIBFactCheck:

✅ The image is from a 2024 blast in Lebanon, not from #Delhi

🔗 https://t.co/RuGArnfHYM

🔍 Always verify such claims through credible… pic.twitter.com/g0IeypSy34

— PIB Fact Check (@PIBFactCheck) November 10, 2025

પરિણામ

આમ, અમારી પડતાલમાં ઉપરોક્ત પોસ્ટમાં કરવામાં આવેલો દાવો ખોટો હોવાનું સાબિત થાય છે કારણ કે, પોસ્ટમાં ભયંકર બ્લાસ્ટનો જે ફોટો મૂકવામાં આવ્યો છે એ વર્ષ 2024માં ઈઝરાયેલ દ્વારા લેબેનોન પર કરવામાં આવેલા હુમલાનો છે. આ ફોટોને તાજેતરમાં દિલ્હીમાં થયેલા બ્લાસ્ટ કોઈ જ સંબંધ નથી. આ ફોટો સોશિયલ મીડિયા પર ખોટી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે. 

(જો તમારી પાસે પણ સોશિયલ મીડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વીડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)