જાણો તાજેતરમાં દિલ્હી ખાતે ચાલી રહેલા કિસાન આંદોલનના નામે વાયરલ થઈ રહેલા ફોટોનું શું છે સત્ય…

તાજેતરમાં ત્યારે સોશિયલ મીડિયા પર ગાડી પર બેસીને છાપુ વાંચતા તથા અન્ય કેટલાક ખેડૂતોનો એક ફોટો વાયરલ થઈ રહ્યો છે કે, જેની સાથે એવો દાવો કરવામાં આવી રહ્યો છે કે, આ ફોટો તાજેતરમાં દિલ્હી ખાતે ચાલી રહેલા કિસાન આંદોલન સમયનો છે. પરંતુ ફેક્ટ ક્રેસેન્ડોની પડતાલમાં આ દાવો ખોટો અને પાયાવિહોણો હોવાનું સાબિત થાય છે કારણ કે, પોસ્ટમાં ગાડી પર બેસીને છાપુ વાંચતા તથા અન્ય કેટલાક ખેડૂતોનો જે ફોટો મૂકવામાં આવ્યો છે એ તાજેતરનો નહીં પરંતુ વર્ષ 2020 માં થયેલા કિસાન આંદોલન સમયનો છે. આ ફોટોને હાલની પરિસ્થિતિ સાથે કોઈ જ સંબંધ નથી. આ ફોટો સોશિયલ મીડિયા પર ખોટી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે.

શું દાવો કરવામાં આવી રહ્યો છે.?

એક ફેસબુક યુઝર દ્વારા 12 ફેબ્રુઆરી, 2024 ના રોજ એક પોસ્ટ શેર કરવામાં આવી હતી. પોસ્ટમાં મૂકવામાં આવેલા ફોટોના શીર્ષકમાં એવું લખવામાં આવ્યું છે કે, ખેડુત આંદોલન
ખાલી ગાડી જોવો. . પોસ્ટમાં મૂકવામાં આવેલા ફોટો સાથેના લખાણમાં એવો દાવો કરવામાં આવી રહ્યો છે કે, આ ફોટો તાજેતરમાં દિલ્હી ખાતે ચાલી રહેલા કિસાન આંદોલન સમયનો છે.

Facebook Post | Archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતાં અમે અમારી પડતાલ/તપાસ કાર્યવાહી શરૂ કરી હતી. તપાસની શરૂઆતમાં અમે પોસ્ટમાં મૂકવામાં આવેલા ફોટોને ધ્યાનથી જોયા બાદ ગુગલ રિવર્સ ઈમેજનો સહારો લઈને સર્ચ કરતાં પોસ્ટમાં મૂકવામાં આવેલો આજ ફોટો અમને માહિતી અને પ્રસારણ મંત્રાલય, ભારત સરકારના વરિષ્ટ સલાહકાર કંચન ગુપ્તા દ્વારા તેમના સત્તાવાર ટ્વિટર એકાઉન્ટ પર 23 ડિસેમ્બર, 2020 ના રોજ અપલોડ કરવામાં આવ્યો હોવાની માહિતી પ્રાપ્ત થઈ હતી.

If only my father did not have to pay Income Tax all his life on what he earned from his salaried job. If only journalism was a tax-free trade and I did not have to pay Income Tax. If only @nandinizg did not have to part with massive sums of money as Income Tax in her tech job… pic.twitter.com/4JgsjoBDOz
— Kanchan Gupta (Hindu Bengali Refugee)🇮🇳 (@KanchanGupta) December 23, 2020

આજ ફોટો અમને અન્ય કેટલાક ટ્વિટર યુઝર દ્વારા પણ વર્ષ 2020 ના રોજ અપલોડ કરવામાં આવ્યો હોવાની માહિતી પ્રાપ્ત થઈ હતી. જે તમે અહીં જોઈ શકો છો. Twitter Post 1 | Twitter Post 2 | Twitter Post 3

અમારી વધુ તપાસમાં અમને PMO India : Report Card નામના ફેસબુક પેજ દ્વારા પણ આજ ફોટો 23 ડિસેમ્બર, 2020 ના રોજ અપલોડ કરવામાં આવ્યો હતો.

https://www.facebook.com/PMOIndiaReportCard/posts/pfbid0UQCpx51WEJXY9QVczzAGBY57wYUiJ4MUFXA5TeCUYiv5G8TkzPYQGc57SW6cRcNFl?__cft__[0]=AZWCcheLTnbVMpYvd8ggMRcmQC4ldx3ywqeV5-ZIx7cROnxeeR4x2WSm_x3dqz-w16jA_fxwJATNEq3fbqi5Qk0PtRQs3tQXoPSMAJXRS2CvZu5B0qLnbkV_0okvSUoqOO0&__tn__=%2CO%2CP-R

ઉપરોક્ત તમામ સંશોધનમાં પોસ્ટમાં મૂકવામાં આવેલો ફોટો વર્ષ 2020 ના ખેડૂત આંદોલનનો હોવાની માહિતી આપવામાં આવી હતી.

પરિણામ

આમ, અમારી પડતાલમાં ઉપરોક્ત પોસ્ટમાં કરવામાં આવેલો દાવો અધૂરી માહિતી સાથેનો હોવાનું સાબિત થાય છે કારણ કે, પોસ્ટમાં ગાડી પર બેસીને છાપુ વાંચતા તથા અન્ય કેટલાક ખેડૂતોનો જે ફોટો મૂકવામાં આવ્યો છે એ તાજેતરનો નહીં પરંતુ વર્ષ 2020 માં થયેલા કિસાન આંદોલન સમયનો છે. આ ફોટોને હાલની પરિસ્થિતિ સાથે કોઈ જ સંબંધ નથી. આ ફોટો સોશિયલ મીડિયા પર ખોટી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે.

(જો તમારી પાસે પણ સોશિયલ મીડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વીડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)