જાણો અમૂલની લસ્સીના પેકેટમાં મળેલી ફૂગના વાયરલ વીડિયોનું શું છે સત્ય...

તાજેતરમાં સોશિયલ મીડિયા પર અમૂલ લસ્સીના પેકેટનો એક વીડિયો વાયરલ થઈ રહ્યો છે. જેની સાથે એવો દાવો કરવામાં આવી રહ્યો છે કે, અમૂલ દ્વારા બગડેલી લસ્સી એટલે કે ફૂગવાળી લસ્સીના પેકેટ વેચવામાં આવી રહ્યા છે. પરંતુ ફેક્ટ ક્રેસેન્ડોની પડતાલમાં આ દાવો ખોટો અને પાયાવિહોણો હોવાનું સાબિત થાય છે. કારણ કે, પોસ્ટમાં જે દાવો કરવામાં આવી રહ્યો છે માહિતી ખોટી હોવાની અમૂલ દ્વારા જ સ્પષ્ટતા કરવામાં આવી છે. આ વીડિયો સોશિયલ મીડિયા પર ખોટી માહિતી સાથે વાયરલ કરવામાં આવી રહ્યો છે.

શું દાવો કરવામાં આવી રહ્યો છે.?

Hirabhai Valaનામના ફેસબુક યુઝર દ્વારા 25 મે, 2023 ના રોજ એક પોસ્ટ શેર કરવામાં આવી હતી. પોસ્ટમાં મૂકવામાં આવેલા વીડિયોના શીર્ષકમાં એવું લખવામાં આવ્યું છે કે, અમુલ લસ્સી....... પોસ્ટમાં મૂકવામાં આવેલા વીડિયો સાથેના લખાણમાં એવો દાવો કરવામાં આવી રહ્યો છે કે, અમૂલ દ્વારા બગડેલી લસ્સી એટલે કે ફૂગવાળી લસ્સીના પેકેટ વેચવામાં આવી રહ્યા છે.

Facebook Post | Archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતાં અમે અમારી પડતાલ/તપાસ કાર્યવાહી શરૂ કરી હતી. તપાસની શરૂઆતમાં અમે પોસ્ટમાં મૂકવામાં આવેલા વીડિયોને ધ્યાનથી જોયા બાદ અમે ગુગલનો સહારો લઈને જુદા-જુદા કીવર્ડથી સર્ચ કરતાં પોસ્ટમાં મૂકવામાં આવેલા આજ વીડિયો અંગે સ્પષ્ટતા કરતી ટ્વિટ અમૂલ દ્વારા તેના સત્તાવાર ટ્વિટર પર 25 મે, 2023 ના રોજ મૂકવામાં આવી હોવાની માહિતી પ્રાપ્ત થઈ હતી. જેમાં એવી માહિતી આપવામાં આવી હતી કે, આ વીડિયોને ભ્રામક દાવા સાથે વાયરલ કરવામાં આવી રહ્યો છે. તેમાં એ પણ કહેવામાં આવ્યું છે કે, વીડિયોમાં દેખાડવામાં આવેલા પેકેટમાં પહેલાથી જ ખાડા છે અને તેમાંથી લસ્સી પણ નીકળતી જોવા મળી રહી છે. તેથી જ તેમની લસ્સી ખરાબ થઈ ગઈ છે. લસ્સી અથવા અમૂલના કોઈપણ પેકેટ પર Do not buy puffed/ leaked pack એવું લખાણ પણ કરવામાં આવ્યું છે.

Issued in Public Interest by #Amul #AmulLassi pic.twitter.com/SyZKvrBYDr

— Amul.coop (@Amul_Coop) May 25, 2023

Archive

અમારી તપાસને વધુ મજબૂત બનાવવા માટે અમારી હિન્દી ટીમ દ્વારા અમૂલના જનરલ મેનેજર રવિન ચૌધરીનો સંપર્ક કરતાં તેઓએ અમને જણાવ્યું હતું કે, “આ વીડિયો નકલી છે. તેમાં અમૂલ પેકેટના સ્ટ્રો હોલ એરિયામાં એક ખાડો દેખાય છે. અમૂલ પહેલાથી જ તેના ગ્રાહકોને ચેતવણી આપે છે કે, તેઓ બર્સ્ટ પેકેટ અથવા તેમાં છિદ્રોવાળા પેકેટો ન ખરીદે. આ વીડિયોમાં લસ્સીના પેકેટમાં પહેલાથી જ ખાડાઓ હતા, તેથી લસ્સી ખરાબ થઈ ગઈ હશે.”

પરિણામ

આમ, અમારી પડતાલમાં ઉપરોક્ત પોસ્ટમાં કરવામાં આવેલો દાવો અધૂરી માહિતી સાથેનો હોવાનું સાબિત થાય છે કારણ કે, પોસ્ટમાં જે દાવો કરવામાં આવી રહ્યો છે માહિતી ખોટી હોવાની અમૂલ દ્વારા જ સ્પષ્ટતા કરવામાં આવી છે. આ વીડિયો સોશિયલ મીડિયા પર ખોટી માહિતી સાથે વાયરલ કરવામાં આવી રહ્યો છે.

(જો તમારી પાસે પણ સોશિયલ મીડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વીડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)