Election: બીજેપીની ટોપી અને ખેસ પહેરી દારૂ વહેચતા વ્યક્તિના વીડિયોનું જાણો શું છે સત્ય....
આ વીડિયો વર્ષ 2021થી સોશિયલ મીડિયામાં ઉપલબ્ધ છે. જે હરિદ્વારમાં જેપી નડ્ડાની રેલી બહારનો હોવાનો કોંગ્રેસ દ્વારા દાવો કરવામાં આવ્યો હતો.
લોકસભા ચૂંટણીની તારીખો જાહેર થઈ ગઈ છે અને તમામ પાર્ટીઓ પોતાના ઉમેદવારોના પ્રચારને લઈ વ્યસ્ત છે. ત્યારે સોશિયલ મીડિયામાં એક વીડિયો વાયરલ થઈ રહ્યો છે. જેમાં એક વ્યક્તિ ભાજપાની ટોપી અને ખેસ પહેરીને લોકોના દારૂના ગ્લાસ ભરી રહ્યો છે. આ વીડિયોને શેર કરીને દાવો કરવામાં આવી રહ્યો છે કે, “હાલમાં લોકસભાની ચૂંટણી દરમિયાન ગુજરાતમાં ભાજપાની રેલી દરમિયાન દારૂની વહેચણી કરવામાં આવી રહી છે.”
શું દાવો કરવામાં આવી રહ્યો છે.?
સોશિયલ મીડિયા યુઝર્સ દ્વારા તારીખ 16 એપ્રિલ 2024ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “હાલમાં લોકસભાની ચૂંટણી દરમિયાન ગુજરાતમાં ભાજપાની રેલી દરમિયાન દારૂની વહેચણી કરવામાં આવી રહી છે.”
Facebook | Fb post Archive | Fb Video Archive
FACT CHECK
ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.
સૌપ્રથમ અમે ગૂગલ પર સર્ચ કરતા અમને આ વિડિયો 20 ડિસેમ્બર 2021ના રોજ કોંગ્રેસના ઘણા નેતાઓ અને ઉત્તર પ્રદેશ કોંગ્રેસના સત્તાવાર ટ્વિટર એકાઉન્ટ દ્વારા ટ્વિટ કરવામાં આવ્યો હતો.
કોંગ્રેસના નેતાઓએ દાવો કર્યો હતો કે વાઈરલ વીડિયો ડિસેમ્બર 2021માં બીજેપી નેતા જેપી નડ્ડાની રેલી પહેલા યુપીના હરિદ્વારનો છે.
ઘણા મિડીયા હાઉસ દ્વારા પણ આ વિડીયો અંગેના અહેવાલ પ્રસારિત કરવામાં આવ્યો હતો. જે તમે આ (લિંક, લિંક) પર ક્લિક કરી જોઈ શકો છો.
પરિણામ
આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, પોસ્ટ સાથે શેયર કરવામાં આવેલો આ વિડિયો વર્ષ 2021થી સોશિયલ મિડિયામાં ઉપલબ્ધ છે. જે હરિદ્વારમાં જેપી નડ્ડાની રેલી બહારનો હોવાનો કોંગ્રેસ દ્વારા દાવો કરવામાં આવ્યો હતો.
(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)
Title:આ વીડિયો વર્ષ 2021થી સોશિયલ મીડિયામાં ઉપલબ્ધ છે. જે હરિદ્વારમાં જેપી નડ્ડાની રેલી બહારનો હોવાનો કોંગ્રેસ દ્વારા દાવો કરવામાં આવ્યો હતો.
Written By: Frany KariaResult: False