Viraltoo નામના એક ફેસબુક પેજ દ્વારા 5 મે, 2019ના રોજ એક પોસ્ટ મૂકવામાં આવી હતી. જેમાં એવું લખવામાં આવ્યું છે કે, રાત્રે આ તેલ વાળમાં લગાવવાથી અઠવાડિયા માં 3-4 ઇંચ વાળ લાંબા થઈ જશે… ફેસબુક પર કરવામાં આવેલી આ પોસ્ટને 746 લોકો દ્વારા લાઈક કરવામાં આવી હતી. 22 લોકો દ્વારા તેના પર પ્રતિક્રિયા આપવામાં આવી હતી. તેમજ 807 લોકો દ્વારા આ પોસ્ટને શેર કરવામાં આવી હતી. સોશિયલ મીડિયા પર ઘણા લોકો દ્વારા આ માહિતીને શેર કરવામાં આવી હતી જેથી તેનું સત્ય જાણવા અમે અમારી પડતાલ/તતપાસ કાર્યવાહી હાથ ધરી હતી.
સંશોધન
ઉપરોક્ત પોસ્ટમાં કરવામાં આવેલા દાવા અંગેની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી હાથ ધરી હતી. સૌપ્રથમ અમે ગુગલનો સહારો લઈ એક અઠવાડિયામાં વાળ થશે 3 થી 4 ઈંચ લાંબા સર્ચ કરતાં અમને નીચેના પરિણામો પ્રાપ્ત થયા હતા.
ઉપરના પરિણામોમાં અમને ક્યાંય પણ પોસ્ટમાં કરવામાં આવેલા દાવા મુજબ એક અઠવાડિયામાં વાળ 3 થી 4 ઈંચ લાંબા થઈ જાય એવી કોઈ માહિતી જાણવા મળી ન હતી. હવે જો ખરેખર આ પ્રકારે વાળ વધતા જ હોત તો યુ ટયુબ પર આ અંગે કોઈના કોઈ માહિતી જરૂર હોય જ એટલા માટે અમે યુ ટ્યુબનો સહારો લીધો અને એક અઠવાડિયામાં વાળ થશે 3 થી 4 ઈંચ લાંબા સર્ચ કરતાં અમને નીચેના પરિણામો પ્રાપ્ત થયા હતા.
યુ ટ્યુબના પિરણામોમાં પણ અમને ક્યાંય પણ પોસ્ટમાં કરવામાં આવેલા દાવા મુજબની કોઈ જ માહિતી પ્રાપ્ત થઈ ન હતી. જેથી એ વાત તો નક્કી થઈ જાય છે કે, ફક્ત એક અઠવાડિયામાં 3 થી 4 ઈંચ વાળ વધી જાય એ માહિતી લોકોને ભ્રામક કરવા માટે જ મૂકવામાં આવી છે. અંતમાં અમે પોસ્ટમાં કરવામાં આવેલા દાવા અંગેની માહિતીની સત્યતા જાણવા માટે આયુર્વેદના નિષ્ણાત ડૉ. રાકેશ પ્રજાપતિનો સંપર્ક કર્યો હતો અને તેમને આ અંગે પૂછતાં તેઓએ અમને જણાવ્યું હતું કે, “આયુર્વેદમાં ફક્ત એક અઠવાડિયામાં જ આ પ્રકારે વાળને 3 થી 4 ઈંચ લાંબા કરે એવા કોઈ તેલ કે દવાની શોધ હજુ સુધી થઈ હોય એવુ મારા ધ્યાનમાં નથી.”
પરિણામ
આમ, ઉપરોક્ત પોસ્ટમાં કરવામાં આવેલો દાવો અમારી પડતાલમાં ખોટો સાબિત થાય છે. કારણ કે, વાળ એક અઠવાડિયામાં 3 થી 4 ઈંચ લાંબા થઈ જાય એવા કોઈ જ તેલ કે દવાની શોધ હજુ સુધી થઈ નથી.
છબીઓ સૌજન્ય: ગુગલ
Title:શું ખરેખર આ તેલ લગાવવાથી એક અઠવાડિયામાં વાળ થશે 3 થી 4 ઈંચ લાંબા…? જાણો શું છે સત્ય…
Fact Check By: Dhiraj VyasResult: False
