હાલમાં એક ઝી24 કલાકનું બ્રેક્રિંગ સોશિયલ મીડિયામાં ચાલી રહ્યુ છે, જેમાં આગામી સાત દિવસમાં ગુજરાતમાં ભારે થી અતિભારે વરસાદની આગાહી કરવામાં આવી છે અને ગુજરાતમાં ઓરેન્જ એલર્ટ જાહેર કરવામાં આવી છે. આ વીડિયોને શેર કરીને દાવો કરવામાં આવી રહ્યો છે કે, “હાલમાં હવામાન વિભાગ દ્વારા ગુજરાતમાં ભારે થી અતિભારે વરસાદની આગાહી કરવામાં આવી.”
શું દાવો કરવામાં આવી રહ્યો છે.?
સોશિયલ મીડિયા યુઝર્સ દ્વારા તારીખ 19 જાન્યુઆરી 2026ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “હાલમાં હવામાન વિભાગ દ્વારા ગુજરાતમાં ભારે થી અતિભારે વરસાદની આગાહી કરવામાં આવી.”
Facebook | Fb post Archive | Fb video archive
FACT CHECK
ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.
સૌપ્રથમ અમે ગૂગલ પર કીવર્ડ સાથે સર્ચ કરતા અમને ઘણા પરિણામો પ્રાપ્ત થયા હતા.
ઉપરોક્ત પરિણામો પરથી અમને ઝી24 કલાકના ઓફિશિયલ ફેસબુક પેજ પર આ વીડિયો પ્રાપ્ત થયો હતો. જે 29 ઓગસ્ટ 2025ના અપલોડ કરવામાં આવ્યો હતો. જેની સાથે માહિતી આપવામાં આવી હતી કે, “રાજ્યવાસીઓ સાવધાન થઈ જજો! હવેનો વરસાદ ભૂક્કા બોલાવશે, આગામી 7 દિવસ અતિભારે આગાહી, એકપણ ખૂણો બાકી નહીં રહે.”
તેમજ અમારી પડતાલને વધુ મજબૂત કરવા અમે હવામાન વિભાગના ડાયરેક્ટર એસ કે દાસનો સંપર્ક સાધ્યો હતો. તેમણે અમને જણાવ્યુ હતુ કે, આગામી દિવસોમાં ગુજરાતનું હવામાન એકદમ ચોખ્ખુ રહેવાનું છે તેમજ વરસાદને લઈ કોઈ આગાહી નથી કરવામાં આવી, પરંતુ આગામી દિવસોમાં હવામાન ચોખ્ખુ રહેશે.
પરિણામ
આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, પોસ્ટ સાથે શેર કરવામાં આવેલો વીડિયો હાલનો નહીં પરંતુ ઓગસ્ટ 2025નો છે. હાલમાં હવામાન વિભાગ દ્વારા વરસાદને લઈ કોઈ આગાહી કરવામાં આવી નથી.
(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)
Title:ગુજરાતમાં ભારે વરસાદની હાલમાં કોઈ આગાહી કરવામાં આવી નથી… જાણો શું છે સત્ય….
Fact Check By: Frany KariaResult: Misleading
