શું ખરેખર મંચ પર ડોનાલ્ડ ટ્રમ્પ પર હુમલો કરવામાં આવ્યો…? જાણો શું છે સત્ય….

વાયરલ વીડિયો ખોટો છે જેને એડિટ કરવામાં આવ્યો છે. મૂળ વીડિયો 2016માં ટ્રમ્પની ચૂંટણી રેલીનો છે, જ્યારે એક પ્રદર્શનકારીએ સ્ટેજ પર ચઢવાનો પ્રયાસ કર્યો હતો, ત્યારબાદ સિક્રેટ સેવાના એજન્ટોએ તેમને તેમના સુરક્ષા કવચ હેઠળ લઈ લીધા હતા.

અમેરિકાના રાષ્ટ્રપતિ ડોનાલ્ડ ટ્રમ્પ આ દિવસોમાં ટેરિફ વોરને કારણે મીડિયાની ચર્ચામાં છે અને આ પૃષ્ટભૂમિમાં એક વીડિયો સોશિયલ મીડિયા પર વાયરલ થઈ રહ્યો છે, જેમાં તેઓ એક સ્ટેજ પર એક સભાને સંબોધિત કરી રહ્યા છે અને આ દરમિયાન એક યુવક તેમને પાછળથી થપ્પડ મારીને ચાલ્યો જાય છે. આ વીડિયોને શેર કરીને દાવો કરવામાં આવી રહ્યો છે કે, “ડોનાલ્ડ ટ્રમ્પ પર હાલમાં જાગૃત નાગિક દ્વારા હુમલો કરવામાં આવ્યો.”

શું દાવો કરવામાં આવી રહ્યો છે.?

સોશિયલ મીડિયા યુઝર્સ દ્વારા તારીખ 10 એપ્રિલ 2025ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “ડોનાલ્ડ ટ્રમ્પ પર હાલમાં જાગૃત નાગિક દ્વારા હુમલો કરવામાં આવ્યો.”

Facebook | Fb post Archive | Fb video archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.

સૌપ્રથમ અમે ગૂગલ રિવર્સ ઈમેજના માધ્યમથી સર્ચ કરતા અમને ઘણા પરિણામો પ્રાપ્ત થયા હતા. ઉપરોક્ત પરિણામો પરથી અમને CBS ન્યૂઝની ઓફિશિયલ યુટ્યુબ ચેનલ પર આ વીડિયો મળ્યો.

જેની સાથે માહિતી આપવામાં આવી હતી કે, “ઓહાયોના વાન્ડાલિયામાં ડોનાલ્ડ ટ્રમ્પની રેલીમાં એક પ્રદર્શનકારીએ સ્ટેજ પર ચઢવાનો પ્રયાસ કર્યો, જેના કારણે સિક્રેટ સર્વિસ એજન્ટો તેને બચાવવા દોડી આવ્યા.”

સ્ટોરી ન્યુઝ & વેધર નામની યુટ્યુબ ચેનલ પર આ જ ઘટનાનો અન્ય વીડિયો બીજા એંગલથી તમે જોઈ શકો છો. 

તેમજ ન્યુયોર્ક ડેઈલી ન્યુઝ દ્વારા પણ આ જ ઘટનાના વીડિયોને પ્રસારિત કર્યો હતો. જે તમે નીચે જોઈ શકો છો.

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, વાયરલ વીડિયો ખોટો છે જેને એડિટ કરવામાં આવ્યો છે. મૂળ વીડિયો 2016માં ટ્રમ્પની ચૂંટણી રેલીનો છે, જ્યારે એક પ્રદર્શનકારીએ સ્ટેજ પર ચઢવાનો પ્રયાસ કર્યો હતો, ત્યારબાદ સિક્રેટ સેવાના એજન્ટોએ તેમને તેમના સુરક્ષા કવચ હેઠળ લઈ લીધા હતા.

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)