સોશિયલ મીડિયા પર એક વીડિયો વાયરલ થઈ રહ્યો છે જેમાં મુસાફરો સીટ 11A પર દલીલ કરી રહ્યા છે, જે તાજેતરમાં અમદાવાદ વિમાન દુર્ઘટનામાં બચી ગયેલા એક વ્યક્તિ દ્વારા બેઠેલી હતી. વાયરલ વીડિયોને શેર કરીને દાવો કરવામાં આવી રહ્યો છે કે, “સોશિયલ મીડિયા પર વાયરલ વીડિયો વાસ્તવિક ઘટનાનો વીડિયો છે.”
શું દાવો કરવામાં આવી રહ્યો છે.?
સોશિયલ મીડિયા યુઝર્સ દ્વારા તારીખ 21 જૂન 2025ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “સોશિયલ મીડિયા પર વાયરલ વીડિયો વાસ્તવિક ઘટનાનો વીડિયો છે.”
FACT CHECK
ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.
તપાસની શરૂઆતમાં, અમે વાયરલ વીડિયોના કેટલાક ફોટાઓની રિવર્સ ઇમેજ સર્ચ કરી. પરિણામે, અમને એક ઇન્સ્ટાગ્રામ પોસ્ટ પર વાયરલ વીડિયો મળ્યો. અમને જાણવા મળ્યું કે આ વીડિયો વાયરલ વીડિયોનું મૂળ વર્ઝન છે.
વીડિયોના કેપ્શન પરથી ખબર પડે છે કે વાયરલ વીડિયો સ્ક્રિપ્ટેડ છે.
આ વીડિયો 16 જૂન 2025ના રોજ ફ્લાય-હાઈ ઇન્સ્ટિટ્યૂટ, નાગપુર દ્વારા સોશિયલ મીડિયા કન્ટેન્ટ ક્રિએટર રૂતુ રાન્ટેકે સાથે મળીને અપલોડ કરવામાં આવ્યો હતો. રૂતુ તેના ઇન્સ્ટાગ્રામ પેજ પર સ્ક્રિપ્ટેડ કોમેડી વીડિયો બનાવવા અને પોસ્ટ કરવા માટે જાણીતી છે.
વધુ તપાસમાં જાણવા મળ્યું કે ફ્લાય-હાઈ ઇન્સ્ટિટ્યૂટની વેબસાઇટ અને ઇન્સ્ટાગ્રામ બાયોમાં જણાવાયું છે કે સંસ્થા એવિએશન, હોસ્પિટાલિટી અને ટ્રાવેલ એન્ડ ટુરિઝમના અભ્યાસક્રમો ઓફર કરે છે. તેમના સોશિયલ મીડિયા પ્લેટફોર્મ સ્ક્રિપ્ટેડ ડેમો વીડિયોથી ભરેલા છે જેનો હેતુ વિદ્યાર્થીઓને વાસ્તવિક દુનિયાના દ્રશ્યો માટે તાલીમ આપવાનો છે.
પરિણામ
આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, ફ્લાઇટમાં સીટ 11A માટે મુસાફરો વચ્ચે થયેલી લડાઈની વાસ્તવિક ઘટના તરીકે એક સ્ક્રિપ્ટેડ વીડિયો ખોટી રીતે શેર કરવામાં આવી રહ્યો છે. આ વાસ્તવિક ઘટના નથી.
(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)
Title:ફ્લાઇટમાં સીટ ૧૧A માટે મુસાફરો વચ્ચે થયેલી લડાઈનો વીડિયો સ્ક્રિપ્ટેડ છે… જાણો શું છે સત્ય….
Fact Check By: Frany KariaResult: Misleading
