રાહુલ ગાંધીનો ભારત જોડો યાત્રાનો વીડિયો વોટ અધિકાર યાત્રા નામે વાયરલ… જાણો શું છે સત્ય….

Missing Context રાજકીય I Political રાષ્ટ્રીય I National

વિપક્ષના નેતા રાહુલ ગાંધી દ્વારા ભાજપા સામે વોટ ચોરીના આક્ષેપ લગાડયા બાદ બિહારમાં વોટ અધિકાર યાત્રા કાઢવામાં આવી રહી છે. આ પૃષ્ટભૂમિ પર એક વીડિયો વાયરલ થઈ રહ્યો છે. જેમાં જોઈ શકાય છે કે, મોટી સંખ્યામાં લોકો રાહુલ ગાંધી જોડે ચાલતા જોઈ શકાય છે. આ વીડિયોને શેર કરીને દાવો કરવામાં આવી રહ્યો છે કે, “રાહુલ ગાંધી દ્વારા વોટ અધિકાર યાત્રા કાઢવામાં આવી તેનો વીડિયો છે.

શું દાવો કરવામાં આવી રહ્યો છે.?

સોશિયલ મીડિયા યુઝર્સ દ્વારા તારીખ 18 ઓગસ્ટ 2025ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “રાહુલ ગાંધી દ્વારા વોટ અધિકાર યાત્રા કાઢવામાં આવી તેનો વીડિયો છે.”

Facebook | Fb post Archive 

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.

સૌપ્રથમ અમે ગૂગલ રિવર્સ ઈમેજના માધ્યમથી સર્ચ કરતા અમને ઘણા પરિણામો પ્રાપ્ત થયા હતા. 

ઉપરોક્ત પરિણામો પરથી અમને તામિલ ભાષાનો વર્ષ 2022નો અહેવાલ પ્રાપ્ત થયો હતો. જેની સાથે માહિતી આપવામાં આવી હતી કે, આ વીડિયો ભારત જોડો યાત્રા દરમિયાનનો છે. જે તમે નીચે જોઈ શકો છો.

તેમજ વધુ સર્ચ કરતા અમને આ જ સ્થળનો બીજા એંગલથી વીડિયો પ્રાપ્ત થયો હતો. જેમાં વાયરલ વીડિયોમાં જોવા મળતા વ્યક્તિઓ જોવા મળે છે. જે તમે નીચે જોઈ શકો છો.

આમ, આ વીડિયો જૂનો હોવાનુ સાબિત થાય છે. જ્યારે હાલમાં વોટર અધિકાર યાત્રાનો રાહુલ ગાંધીનો વીડિયો પણ તેમણે તેમના ફેસબુક પેજ પર શેર કર્યો હતો. જેમાં તમે જોઈ શકો છો. રાહુલ ગાંધી જૂદા જ જોવા મળે છે. વાયરલ વીડિયોમાં તેમની દાઢી વધેલી જોઈ શકાય છે. જ્યારે હાલની યાત્રામાં તેમને દાઢી ક્લિન જોવા મળે છે. જે તમે નીચે જોઈ શકો છો. 

https://www.facebook.com/share/v/1986SjMyRy

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, પોસ્ટ સાથે શેર કરવામાં આવેલો વીડિયો હાલનો વોટ અધિકાર યાત્રા દરમિયાનનો નહીં પરંતુ વર્ષ 2022નો ભારત જોડો યાત્રા દરમિયાનનો છે.

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)

Avatar

Title:રાહુલ ગાંધીનો ભારત જોડો યાત્રાનો વીડિયો વોટ અધિકાર યાત્રા નામે વાયરલ… જાણો શું છે સત્ય….

Fact Check By: Frany Karia 

Result:Missing Context

Leave a Reply

Your email address will not be published. Required fields are marked *