અમદાવાદના પોલીસકર્મી દ્વારા પેટ્રોલપંપના કર્મચારી પર કાર નથી ચડાવવામાં આવી… જાણો શું છે સત્ય….

આ વીડિયો ગુજરાતના અમદાવાદનો નહીં પરંતુ કેરળના કુનુરનો છે. આ પોલીસ કર્મચારી સામે હત્યાના પ્રયાસનો ગુનો નોધવામાં આવ્યો હતો, તેમજ તેની ધરપકડ કરી અને તેને સસ્પેન્ડ પણ કરવામાં આવ્યો છે.

હાલમાં એક વીડિયો સોશિયલ મીડિયા પર ખૂબ જ વાયરલ થઈ રહ્યો છે. જે વીડિયોમાં જોવામળે છે કે, એક કાર ચાલકને પેટ્રોલ પંપનો કર્મચારી રોકવાનો પ્રયત્ન કરી રહ્યો છે. ત્યારે કાર ચાલક તેને કાર સાથે ઢસડીને લઈ જતો જોવા મળે છે. આ વીડિયોને શેર કરીને દાવો કરવામાં આવી રહ્યો છે કે, “આ અમદાવાદ પોલીસનો વીડિયો છે. આ કારચાલક અમદાવાદ પોલીસમાં ફરજ બજાવી રહ્યો છે.”

શું દાવો કરવામાં આવી રહ્યો છે.?

સોશિયલ મીડિયા યુઝર્સ દ્વારા તારીખ 16 જૂલાઈ 2024ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “આ અમદાવાદ પોલીસનો વીડિયો છે. આ કારચાલક અમદાવાદ પોલીસમાં ફરજ બજાવી રહ્યો છે.”

Facebook | Fb post Archive | Fb video archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી. 

સૌપ્રથમ અમે ગૂગલ રિવર્સ ઈમેજના માધ્યમથી સર્ચ કરતા અમને ઘણા પરિણામો પ્રાપ્ત થયા હતા. ઉપરોક્ત પરિણામો પરથી અમને કેરળની સ્થાનિક ચેનલ 24 ન્યુઝ ચેનલનો એક વીડિયો પ્રાપ્ત થયો હતો. જેની સાથે માહિતી આપવામાં આવી હતી કે, “કન્નુરમાં પેટ્રોલ પંપના કર્મચારીને મારવાનો પ્રયાસ કરવામાં આવ્યો; પોલીસકર્મી સામે હત્યાના પ્રયાસનો કેસ” આ અહેવાલ તમે નીચે જોઈ શકો છો.

તેમજ વધુ સર્ચ કરતા અમને ફ્રીપ્રેસજર્નલનો અહેવાલ પ્રાપ્ત થયો હતો. જેની સાથે માહિતી આપવામાં આવી હતી કે, “કેરળના કન્નુરમાં પેટ્રોલ પંપના કર્મચારી પર પેટ્રોલ પુરાવ્યા બાદ પૈસા ન આપી અને પેટ્રોલ પંપના કર્મચારીની હત્યાના પ્રયાસનો ગુનો નોંધવામાં આવ્યો, તેમજ આ પોલીસ કર્મચારીની ધરપકડ કરી અને તેમને સસ્પેન્ડ કરવામાં આવ્યા હતા.” 

Free Press journal | Archive

તેમજ ન્યુઝનેશનટીવી.કોમ, ઈન્ડિયા ટુડે, ફાઈન્સિયલ એક્સપ્રેસ, સહિતના મીડિયા હાઉસ દ્વારા પણ આ જ માહિતી આપતો અહેવાલ પ્રસારિત કરવામાં આવ્યો હતો. 

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, આ વીડિયો ગુજરાતના અમદાવાદનો નહીં પરંતુ કેરળના કુનુરનો છે. આ પોલીસ કર્મચારી સામે હત્યાના પ્રયાસનો ગુનો નોધવામાં આવ્યો હતો, તેમજ તેની ધરપકડ કરી અને તેને સસ્પેન્ડ પણ કરવામાં આવ્યો છે.

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)