જાણો બાંગ્લાદેશમાં અલ્પસંખ્યકો પર થઈ રહેલા અત્યાચાર પર બોલી રહેલા પ્રિયંકા ગાંધીના વાયરલ થઈ રહેલા વીડિયોનું શું છે સત્ય…

તાજેતરમાં સોશિયલ મીડિયા પર બાંગ્લાદેશમાં અલ્પસંખ્યકો પર થઈ રહેલા અત્યાચાર પર બોલી રહેલા પ્રિયંકા ગાંધીનો એક વીડિયો વાયરલ થઈ રહ્યો છે જેની સાથે એવો દાવો કરવામાં આવી રહ્યો છે કે, તાજેતરમાં બાંગ્લાદેશમાં અલ્પસંખ્યકો પર થઈ રહેલા અત્યાચાર પર બોલી રહેલા પ્રયિંકા ગાંધીનો આ વીડિયો છે. પરંતુ ફેક્ટ ક્રેસેન્ડોની પડતાલમાં આ દાવો અધૂરી માહિતી સાથેનો હોવાનું સાબિત થાય છે કારણ કે, પોસ્ટમાં બાંગ્લાદેશમાં અલ્પસંખ્યકો પર થઈ રહેલા અત્યાચાર પર બોલી રહેલા પ્રયિંકા ગાંધીનો જે વીડિયો મૂકવામાં આવ્યો છે એ તાજેતરનો નહીં પરંતુ વર્ષ 2024માં બાંગ્લાદેશમાં થયેલી હિંસાનો છે. આ વીડિયોને હાલની પરિસ્થિતિ સાથે કોઈ જ સંબંધ નથી. આ વીડિયો સોશિયલ મીડિયા પર ખોટી અને અધૂરી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે.

શું દાવો કરવામાં આવી રહ્યો છે.?

એક સોશિયાલ મીડિયા યુઝર દ્વારા 20 ડિસેમ્બર, 2025ના રોજ એક પોસ્ટ શેર કરવામાં આવી હતી. પોસ્ટમાં મૂકવામાં આવેલા ફોટો સાથે શીર્ષકમાં એવું લખવામાં આવ્યું હતું કે, ઘણાં લોકો આમને હિન્દુ વિરોધી કહે છે કોણ હશે હિંદુ વિરોધી બાંગ્લાદેશમાં બળવા પછી, ત્યાં હિન્દુઓ પર અત્યાચાર થઈ રહ્યા છે. પ્રિયંકા ગાંધી એકમાત્ર નેતા છે જેમણે સતત આ મુદ્દો ઉઠાવ્યો છે. તેમણે સંસદમાં સરકારી હસ્તક્ષેપની માંગ પણ કરી છે અને ઓછામાં ઓછા ત્રણ વખત આ વિશે ટ્વિટ પણ કર્યું છે, પરંતુ નકલી હિન્દુત્વ સમર્થકોની સરકાર ચૂપ છે. આ ફોટો સાથેના લખાણમાં એવો દાવો કરવામાં આવી રહ્યો છે કે, તાજેતરમાં બાંગ્લાદેશમાં અલ્પસંખ્યકો પર થઈ રહેલા અત્યાચાર પર બોલી રહેલા પ્રયિંકા ગાંધીનો આ વીડિયો છે.

Facebook Post | Archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતાં અમે અમારી પડતાલ/તપાસ કાર્યવાહી શરૂ કરી હતી. સૌપ્રથમ અમે પોસ્ટમાં મૂકવામાં આવેલા ફોટોને ગૂગલ રિવર્સ ઈમેજથી સર્ચ કરતાં અમને પોસ્ટમાં મૂકવામાં આવેલો આ જ વીડિયો ANI News દ્વારા 16 ડિસેમ્બર, 2024ના રોજ અપલોડ કરવામાં આવ્યા હોવાની માહિતી પ્રાપ્ત થઈ હતી. જેમાં એવી માહિતી આપવામાં આવી હતી કે, બાંગ્લાદેશમાં અલ્પસંખ્યકો પર થઈ રહેલા અત્યાચારો પર પ્રિયંકા ગાંધીએ લોકસભામાં અવાજ ઉઠાવ્યો. જેના પરથી એ સ્પષ્ટ સાબિત થાય છે કે, પોસ્ટમાં મૂકવામાં આવેલો ફોટો તાજેતરમાં બાંગ્લાદેશમાં થયેલી હિંસાનો નહીં પરંતુ વર્ષ 2024નો છે.

વધુમાં અમને આ જ વીડિયો અને માહિતી સાથેના અન્ય સમાચાર પણ પ્રાપ્ત થયા હતા. જે તમે અહીં જોઈ શકો છો. The Economic Times | The Print

સંસદ ટીવી દ્વારા પણ આ જ વીડિયો 16 ડિસેમ્બર, 2024ના રોજ પ્રસારિત કરવામાં આવ્યો હતો. આ સંપૂર્ણ વીડિયોમાં તમે વાયરલ વીડિયો 2.03 મિનિટ પછી જોઈ શકો છો.

જો કે, પ્રિયંકા ગાંધીએ બાંગ્લાદેશમાં તાજેતરમાં દીપુ ચંદ્ર દાસની હત્યાની નિંદા કરી અને તેને ખૂબ જ ચિંતાજનક ગણાવી અને તેમના સત્તાવાર ટ્વિટર પર આ અંગે સરકારને વિનંતી કરતી એક પોસ્ટ પણ કરી હતી.

बांग्लादेश में हिंदू युवक दीपू चंद्र दास की भीड़ द्वारा बर्बरतापूर्ण हत्या का समाचार अत्यंत चिंताजनक है। किसी भी सभ्य समाज में धर्म, जाति, पहचान आदि के आधार पर भेदभाव, हिंसा और हत्या मानवता के खिलाफ अपराध है।

भारत सरकार को पड़ोसी देश में हिंदू, ईसाई और बौद्ध अल्पसंख्यकों के…

— Priyanka Gandhi Vadra (@priyankagandhi) December 19, 2025

પરિણામ

આમ, અમારી પડતાલમાં ઉપરોક્ત પોસ્ટમાં કરવામાં આવેલો દાવો અધૂરી માહિતી સાથેનો હોવાનું સાબિત થાય છે કારણ કે, પોસ્ટમાં બાંગ્લાદેશમાં  અલ્પસંખ્યકો પર થઈ રહેલા અત્યાચાર પર બોલી રહેલા પ્રયિંકા ગાંધીનો જે વીડિયો મૂકવામાં આવ્યો છે એ તાજેતરનો નહીં પરંતુ વર્ષ 2024માં બાંગ્લાદેશમાં થયેલી હિંસાનો છે. આ વીડિયોને હાલની પરિસ્થિતિ સાથે કોઈ જ સંબંધ નથી. આ વીડિયો સોશિયલ મીડિયા પર ખોટી અને અધૂરી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે. 

(જો તમારી પાસે પણ સોશિયલ મીડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વીડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો)