જાણો તાજેતરમાં ભારતે પાકિસ્તાન પર કરેલા હુમલાના નામે વાયરલ થઈ રહેલા વીડિયોનું શું છે સત્ય…

તાજેતરમાં સોશિયલ મીડિયા પર ભારતે પાકિસ્તાન પર કરેલા હુમલાના નામે એક વીડિયો વાયરલ થઈ રહ્યો છે જેની સાથે એવો દાવો કરવામાં આવી રહ્યો છે કે, તાજેતરમાં ભારતે પાકિસ્તાન પર કરેલા હુમલાનો આ વીડિયો છે. પરંતુ ફેક્ટ ક્રેસેન્ડોની પડતાલમાં આ દાવો ખોટો અને પાયાવિહોણો હોવાનું સાબિત થાય છે કારણ કે, પોસ્ટમાં ભારતે પાકિસ્તાન પર કરેલા હુમલાના નામથી જે વીડિયો મૂકવામાં આવ્યો છે એ તાજેતરનો નહીં પરંતુ ફેબ્રુઆરી 2025માં ફિલાડેલ્ફિયા ખાતે થયેલ વિમાન દુર્ઘટનાનો છે. આ વીડિયોને હાલની પરિસ્થિતિ કે ભારત-પાકિસ્તાન યુદ્ધ સાથે કોઈ જ સંબંધ નથી. આ વીડિયો સોશિયલ મીડિયા પર ખોટી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે.

શું દાવો કરવામાં આવી રહ્યો છે.?

એક ફેસબુક યુઝર દ્વારા 9 મે, 2025ના રોજ એક પોસ્ટ શેર કરવામાં આવી હતી. પોસ્ટમાં મૂકવામાં આવેલા વીડિયોના શીર્ષકમાં એવું લખવામાં આવ્યું છે કે, “ભારત-પાકિસ્તાન જંગથી  -ભારતના મહાપ્રહાર વચ્ચે 

#JDVance #US #nuclearwar

#ભારતપાકિસ્તાન તણાવ

#ભારતપાકિસ્તાન

#ભારતપાકિસ્તાન યુદ્ધ

#એરસ્ટ્રાઈક

#ભારત એરસ્ટ્રાઈક

#indianarmy #operationsindoor

#ZEE24Kalak. આ વીડિયો સાથેના લખાણમાં એવો દાવો કરવામાં આવી રહ્યો છે કે, તાજેતરમાં ભારતે પાકિસ્તાન પર કરેલા હુમલાનો આ વીડિયો છે.

Facebook Post | Archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતાં અમે અમારી પડતાલ/તપાસ કાર્યવાહી શરૂ કરી હતી. તપાસની શરૂઆતમાં અમે પોસ્ટમાં મૂકવામાં આવેલા વડિયોનો એક સ્ક્રીનશોટ લઈ ગુગલ રિવર્સ ઈમેજનો સહારો લઈને સર્ચ કરતાં અમને પોસ્ટમાં મૂકવામાં આવેલો આજ વીડિયો The Truth Lies નામની યુટ્યુબ ચેનલ પર 2 ફેબ્રુઆરી, 2025ના રોજ અપલોડ કરવામાં આવ્યો હોવાની માહિતી પ્રાપ્ત થઈ હતી. જેના પરથી એ સ્પષ્ટ સાબિત થાય છે કે, વાયરલ વીડિયો તાજેતરનો નહીં પરંતુ જૂનો છે.

ઉપરોક્ત વીડિયો સાથેના કેપ્શનમાં લખ્યું છે કે: ફિલાડેલ્ફિયા વિમાન દુર્ઘટનાના વધુ ફૂટેજ.

અમારી વધુ તપાસમાં અમને 1 ફેબ્રુઆરી, 2025ના રોજ શેર કરાયેલ એક જૂનો YouTube શોર્ટ વીડિયો મળ્યો. આ વીડિયોના વર્ણનમાં કહેવામાં આવ્યું છે કે, તે ફિલાડેલ્ફિયામાં એક નાનું વિમાન ક્રેશ થતું બતાવે છે.

પરિણામ

આમ, અમારી પડતાલમાં ઉપરોક્ત પોસ્ટમાં કરવામાં આવેલો દાવો અધૂરી માહિતી સાથેનો હોવાનું સાબિત થાય છે કારણ કે, પોસ્ટમાં ભારતે પાકિસ્તાન પર કરેલા હુમલાના નામથી જે વીડિયો મૂકવામાં આવ્યો છે એ તાજેતરનો નહીં પરંતુ ફેબ્રુઆરી 2025માં ફિલાડેલ્ફિયા ખાતે થયેલ વિમાન દુર્ઘટનાનો છે. આ વીડિયોને હાલની પરિસ્થિતિ કે ભારત-પાકિસ્તાન યુદ્ધ સાથે કોઈ જ સંબંધ નથી. આ વીડિયો સોશિયલ મીડિયા પર ખોટી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે. 

(જો તમારી પાસે પણ સોશિયલ મીડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વીડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)