જાણો માછલી બજારની મુલાકાત લઈ રહેલા ભાજપના નેતા પરષોત્તમ રુપાલાના વાયરલ વીડિયોનું શું છે સત્ય….

તાજેતરમાં સોશિયલ મીડિયા પર બાજપના નેતા પરષોત્તમ રુપાલાનો એક વીડિયો વાયરલ થઈ રહ્યો છે. આ વીડિયો સાથેના લખાણમાં એવો દાવો કરવામાં આવી રહ્યો છે કે, તાજેતરમાં નવરાત્રી દરમિયાન ભાજપના પરષોત્તમ રુપાલાએ માછલી બજારની મુલાકાત લીધી. પરંતુ ફેક્ટ ક્રેસેન્ડોની પડતાલમાં આ દાવો ખોટો અને પાયાવિહોણો હોવાનું સાબિત થાય છે કારણ કે, પોસ્ટમાં જે વીડિયો મૂકવામાં આવ્યો છે એ વર્ષ 2022માં પરષોત્તમ રુપાલાએ ગુજરાતમાં માછલી બજારની મુલાકાત લીધી હતી તેનો છે. આ વીડિયોને નવરાત્રી કે હાલની પરિસ્થિતિ સાથે કોઈ જ સંબંધ નથી. આ વીડિયો સોશિયલ મીડિયા પર ભ્રામક અને ખોટી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે.

શું દાવો કરવામાં આવી રહ્યો છે…?

એક સોશિયલ મીડિયા યુઝર દ્વારા 28 સપ્ટેમ્બર, 2025ના રોજ એક પોસ્ટ શેર કરવામાં આવી હતી. પોસ્ટમાં મૂકવામાં આવેલા વીડિયો સાથેના શીર્ષકમાં એવું લખવામાં આવ્યું છે કે, રુપાલા રાત્રે ગરબા રમે અને સવારે મચ્છી માર્કેટમાં મચ્છીનો ભાવ કરતા જોવા મળ્યા. પોસ્ટમાં મૂકવામાં આવેલા વીડિયો સાથેના લખાણમાં એવો દાવો કરવામાં આવી રહ્યો છે કે, તાજેતરમાં નવરાત્રી દરમિયાન ભાજપના પરષોત્તમ રુપાલાએ માછલી બજારની મુલાકાત લીધી.

Facebook Post | Archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતાં અમે અમારી પડતાલ/તપાસ કાર્યવાહી શરૂ કરી હતી. સૌપ્રથમ અમે પોસ્ટમાં મૂકવામાં આવેલો આ જ વીડિયો અમને ભારતના મત્સ્યોદ્યોગ વિભાગના યુટ્યુબ પર 23 સપ્ટેમ્બર, 2022ના રોજ અપલોડ કરવામાં આવ્યો હોવાની માહિતી પ્રાપ્ત થઈ હતી. જેમાં એવી માહિતી આપવામાં આવી હતી કે, માનનીય કેન્દ્રીય મંત્રી શ્રી પરષોત્તમ રૂપાલાજીએ આજે ​​માછલી બજારની મુલાકાત લીધી. જેના પરથી એ સ્પષ્ટ સાબિત થાય છે કે, આ વીડિયો તાજેતરની નવરાત્રી દરમિયાનનો નહીં પરંતુ વર્ષ 2022નો છે.

અમારી વધુ તપાસમાં અમને આ જ વીડિયો ભારતના મત્સ્યોદ્યોગ વિભાગના ફેસબુક તેમજ ટ્વિટર એકાઉન્ટ પર પણ જોવા મળ્યો હતો..

Hon'ble Union Cabinet Minister Shri Parshottam Rupala Ji visited fish market in Gujarat during #SagarParikrama. pic.twitter.com/4KZprTevXp

— Ministry of Fisheries, Animal Husbandry & Dairying (@Min_FAHD) September 23, 2022

પરિણામ

આમ, અમારી પડતાલમાં ઉપરોક્ત પોસ્ટમાં કરવામાં આવેલો દાવો ભ્રામક હોવાનું સાબિત થાય છે કારણ કે, પોસ્ટમાં જે વીડિયો મૂકવામાં આવ્યો છે એ વર્ષ 2022માં પરષોત્તમ રુપાલાએ ગુજરાતમાં માછલી બજારની મુલાકાત લીધી હતી તેનો છે. આ વીડિયોને નવરાત્રી કે હાલની પરિસ્થિતિ સાથે કોઈ જ સંબંધ નથી. આ વીડિયો સોશિયલ મીડિયા પર ભ્રામક અને ખોટી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે.

(જો તમારી પાસે પણ સોશિયલ મીડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વીડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)