તાજેતરમાં સોશિયલ મીડિયા પર વડાપ્રધાન નરેન્દ્ર મોદી અને ચીનના પ્રેસિડેન્ટ જીનપિંગનો એક વીડિયો વાયરલ થઈ રહ્યો છે. આ વીડિયો સાથેના લખાણમાં એવો દાવો કરવામાં આવી રહ્યો છે કે, ચીનના પ્રેસિડેન્ટ જીનપિંગ દ્વારા હાથ ન મિલાવીને વડાપ્રધાન નરેન્દ્ર મોદીનું અપમાન કરવામાં આવ્યું તેનો આ વીડિયો છે. પરંતુ ફેક્ટ ક્રેસેન્ડોની પડતાલમાં આ દાવો ખોટો હોવાનું સાબિત થાય છે કારણ કે, પોસ્ટમાં વડાપ્રધાન નરેન્દ્ર મોદી અને જીનપિંગનો જે વીડિયો મૂકવામાં આવ્યો છે એ અધૂરો અને વર્ષ 2024ની બ્રિક્સ સમિટ સમયનો છે. વાસ્તવમાં જિનપિંગ આગળ જઈને વડાપ્રધાન મોદી સાથે હાથ મિલાવે છે. આ વીડિયોને સોશિયલ મીડિયા પર ભ્રામક અને ખોટી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે.
શું દાવો કરવામાં આવી રહ્યો છે?
એક સોશિયલ મીડિયા યુઝર દ્વારા 01 સપ્ટેમ્બર, 2025ના રોજ એક પોસ્ટ શેર કરવામાં આવી હતી. પોસ્ટમાં મૂકવામાં આવેલા વીડિયો સાથેના શીર્ષકમાં એવું લખવામાં આવ્યું છે કે, દુનિયા ગુરુ નું અપમાન…… પોસ્ટમાં મૂકવામાં આવેલા વીડિયો સાથે એવો દાવો કરવામાં આવી રહ્યો છે કે, ચીનના પ્રેસિડેન્ટ જીનપિંગ દ્વારા હાથ ન મિલાવીને વડાપ્રધાન નરેન્દ્ર મોદીનું અપમાન કરવામાં આવ્યું તેનો આ વીડિયો છે.
FACT CHECK
ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતાં અમે અમારી પડતાલ/તપાસ કાર્યવાહી શરૂ કરી હતી. સૌપ્રથમ અમે પોસ્ટમાં મૂકવામાં આવેલી માહિતીને ગુગલ રિવર્સ ઈમેજનો સહારો લઈને સર્ચ કરતાં અમને પોસ્ટમાં મૂકવામાં આવેલા આ જ વીડિયો સાથેના સમાચાર Mint દ્વારા તેના સત્તાવાર ટ્વિટર એકાઉન્ટ પર 23 ઓક્ટોબર, 2024ના રોજ પ્રસારિત કરવામાં આવ્યા હોવાની માહિતી પ્રાપ્ત થઈ હતી. જેમાં એવી માહિતી આપવામાં આવી હતી કે, રસિયાના કઝાન શહેરમાં મળેલી બ્રિક્સ સમિટમાં ભારતના વડાપ્રધાન નરેન્દ્ર મોદી અને ચીનના પ્રેસિડેન્ટ જીનપિંગ મળ્યા હતા. જેમાં તમે સ્પષ્ટ જોઈ શકો છો કે, નરેન્દ્ર મોદી અને જીનપિંગ હાથ મિલાવી રહ્યા છે. જેના પરથી એ સ્પષ્ટ સાબિત થાય છે કે, પોસ્ટમાં મૂકવામાં આવેલો વાયરલ વીડિયો અધૂરો છે.
આ જ વીડિયો ANI દ્વારા પણ તેના સત્તાવાર ટ્વિટર પર વર્ષ 2024માં અપલોડ કરવામાં આવ્યો હતો.
આ જ વીડિયો વડાપ્રધાન નરેન્દ્ર મોદીના સત્તાવાર યુટ્યુબ તેમજ ધ પ્રિન્ટ દ્વારા વર્ષ 2024માં અપલોડ કરવામાં આવ્યો હતો.
તાજેતરમાં પણ વડાપ્રધાન નરેન્દ્ર મોદી અને ચીનના પ્રેસિડેન્ટ જીનપિંગ SCO સમિટમાં તાઈન્જીન ખાતે મળ્યા હતા. જે વીડિયો પણ નરેન્દ્ર મોદીના સત્તાવાર યુટ્યુબ પર અપલોડ કરવામાં આવ્યો હતો.
નીચે તમે વાયરલ વીડિયો અને ઓરિજીનલ વીડિયો વચ્ચેનો તફાવત જોઈ શકો છો.
પરિણામ
આમ, અમારી પડતાલમાં ઉપરોક્ત પોસ્ટમાં કરવામાં આવેલો દાવો ભ્રામક હોવાનું સાબિત થાય છે કારણ કે, પોસ્ટમાં વડાપ્રધાન નરેન્દ્ર મોદી અને જીનપિંગનો જે વીડિયો મૂકવામાં આવ્યો છે એ અધૂરો અને વર્ષ 2024ની બ્રિક્સ સમિટ સમયનો છે. વાસ્તવમાં જિનપિંગ આગળ જઈને વડાપ્રધાન મોદી સાથે હાથ મિલાવે છે. આ વીડિયોને સોશિયલ મીડિયા પર ભ્રામક અને ખોટી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે.
(જો તમારી પાસે પણ સોશિયલ મીડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વીડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770)પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagramઅને Twitterપર Fact Crescendoને ફોલો કરો.)
Title:જાણો જીનપિંગે વડાપ્રધાનનું અપમાન કર્યું હોવાના નામે વાયરલ થઈ રહેલા વીડિયોનું શું છે સત્ય….
Fact Check By: Vikas VyasResult: Altered
