શું ખરેખર ટ્રાફિક જામ વચ્ચે સ્કૂટીને ઉચકી લઈ જઈ રહેલા યુવાનો વીડિયો જામનગરનો છે…? જાણો શું છે સત્ય….

પોસ્ટ સાથે શેર કરવામાં આવેલો વીડિયો ગુજરાતના જામનગરનો નહીં પરંતુ ગૂરૂગ્રામમાં ટ્રાફિક જામ દરમિયાનનો છે. તેને જામનગર સાથે કોઈ લેવા-દેવા નથી.

હાલ એક વીડિયો સોશિયલ મીડિયામાં વાયરલ થઈ રહ્યો છે. જેમાં ટ્રાફિક જામ વચ્ચે બે યુવાનો ખંભા પર સ્કુટીને લઈ જતા જોઈ શકાય છે. આ વીડિયોને શેર કરીને દાવો કરવામાં આવી રહ્યો છે કે, “ટ્રાફિક જામના દ્રશ્યો આ જામનગરમાં સર્જાયા છે અને આ વીડિયો પણ જામનગરનો છે.”

શું દાવો કરવામાં આવી રહ્યો છે.?

સોશિયલ મીડિયા યુઝર્સ દ્વારા તારીખ 06 સપ્ટેમ્બર 2025ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “ટ્રાફિક જામના દ્રશ્યો આ જામનગરમાં સર્જાયા છે અને આ વીડિયો પણ જામનગરનો છે.”

Facebook | Fb post Archive 

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી. 

સૌપ્રથમ અમ ગૂગલ રિવર્સ ઈમેજના માધ્યમથી સર્ચ કરતા અમને ઘણા પરિણામો પ્રાપ્ત થયા હતા.

ઉપરોક્ત પરિણામો પરથી અમને આ વીડિયો ન્યુઝ 9ની ઓફિશિયલ યુટ્યુબ ચેનલ પર પ્રાપ્ત થયો હતો. જેની સાથે માહિતી આપવામાં આવી હતી કે, “આ વીડિયો ગુરૂગ્રામમાં સર્જાયેલા ટ્રાફિક જામ દરમિયાનનો છે.”

તેમજ વધુ સર્ચ કરતા અમને ફર્સ્ટ ઈન્ડિયા ન્યૂઝ દ્વારા પણ પ્રસારિત આ વીડિયો પ્રાપ્ત થયો હતો. જેમાં પણ આ વીડિયો ગૂરૂગ્રામમાં સર્જાયેલા ટ્રાફિક જામ દરમિયાનનો હોવાનું જણાવવામાં આવ્યુ હતુ. 

તેમજ ઈન્ડિયા ટુડે દ્વારા પ્રકાશિત અહેવાલમાં પણ આ જ માહિતી આપવામાં આવી હતી કે, આ વીડિયો ગુરૂગ્રામમાં સર્જાયેલા ટ્રાફિક જામ દરમિયાનનો છે. જે તમે નીચે જોઈ શકો છો.

Archive

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, પોસ્ટ સાથે શેર કરવામાં આવેલો વીડિયો ગુજરાતના જામનગરનો નહીં પરંતુ ગૂરૂગ્રામમાં ટ્રાફિક જામ દરમિયાનનો છે. તેને જામનગર સાથે કોઈ લેવા-દેવા નથી.

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)