શું ખરેખર લોકસભા સ્પીકર ઓમ બિરલાની પુત્રીના મુસ્લિમ યુવક સાથે લગ્ન થયા છે…? જાણો શું છે સત્ય….

અંજલી બિરલાએ મુસ્લિમ પુરુષ સાથે લગ્ન કર્યા નથી, અનીશ રાજાણી સિંધી હિંદુ છે અને કોટાના બિઝનેસ ફેમિલી સાથે સંબંધ ધરાવે છે.

લોકસભા સ્પીકર અને બીજેપી નેતા ઓમ બિરલાની પુત્રી અંજલી બિરલાએ 12 નવેમ્બરે અનિશ રાજાણી સાથે લગ્ન કર્યા હતા. આ પૃષ્ટભૂમિ પર સોશિયલ મીડિયામા મેસેજ વાયરલ થઈ રહ્યો છે કે, “ઓમ બિરલાની પુત્રી અંજલી બિરલાએ મુસ્લિમ યુવક સાથે લગ્ન કર્યા હતા.”

શું દાવો કરવામાં આવી રહ્યો છે.?

સોશિયલ મીડિયા યુઝર્સ દ્વારા તારીખ 16 નવેમ્બર 2024ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “ઓમ બિરલાની પુત્રી અંજલી બિરલાએ મુસ્લિમ યુવક સાથે લગ્ન કર્યા હતા.”

Facebook | Fb post Archive 

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી. 

સૌપ્રથમ અમે ગૂગલ પર કીવર્ડ સાથે સર્ચ કરતા અમને ઘણા પરિણામો પ્રાપ્ત થયા હતા. ઉપરોક્ત પરિણામો પરથી અમને એનડીટીવીનો અહેવાલ પ્રાપ્ત થયો હતો. જેમા માહિતી આપવામાં આવી હતી કે, “લોકસભા સ્પીકર ઓમ બિરલાની પુત્રી અંજલીના લગ્ન મંગળવારે રાત્રે રાજસ્થાનના કોટામાં થયા હતા. તેમના જમાઈ અનીશ કોટાના એક પ્રતિષ્ઠિત વેપારી પરિવાર સાથે સંબંધ ધરાવે છે.”

Archive

વધુ તપાસ કરતા અમને નવભારત ટાઈમ્સની વેબસાઇટનો અહેવાલ પ્રાપ્ત થયો હતો. જેની સાથે પણ માહિતી આપવામાં આવી હતી કે, અનીશ સિંધી છે અને બિઝનેસ ફેમિલીનો છે.

તેમજ વધુ સર્ચ કરતા અમને બીજેપી નેતા અને બિહારના ગયાના સાંસદ હરિ માંઝીના ઓફિશિયલ ટ્વિટર હેન્ડલ પર કરવામાં આવેલી પોસ્ટ મળી. અહીં લગ્નનું કાર્ડ શેર કરતી વખતે તેમણે અનીશ રાજાણીના મુસ્લિમ હોવાના દાવાને નકારી કાઢ્યો હતો અને પુષ્ટિ કરી છે કે અનીશ રાજાણી કોટાના સિંધી હિન્દુ પરિવાર માંથી આવે છે.

“कुछ जिहादी और भाजपा विरोधी लोग अफवाह फैला रहे हैं कि लोकसभा अध्यक्ष ओम बिरला जी की बेटी अंजलि की शादी मुस्लिम से हुई है। सच्चाई यह है कि अनीश राजानी सिंधी हिंदू हैं, कोटा के एक प्रतिष्ठित व्यापारी परिवार से हैं और उनके परिवार ने 12 से अधिक शिवालय बनवाए हैं। अफवाहों पर विश्वास न… pic.twitter.com/g7rpwa5GYI

— हरि मांझी (@HariManjhi) November 13, 2024

Archive 

આ પહેલા પણ ઓમ બિરલાની પુત્રી અંજલી બિરલાના નામે ફેક ન્યુઝ વાયરલ થયા હતા. જેની પડતાલ પણ ફેક્ટ ક્રેસન્ડોની ગુજરાતી ટીમ દ્વારા કરવામાં આવી હતી. જે તમે આ લિંક પર ક્લિક કરી વાંચી શકો છો. 

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, અંજલી બિરલાએ મુસ્લિમ પુરુષ સાથે લગ્ન કર્યા નથી, અનીશ રાજાણી સિંધી હિંદુ છે અને કોટાના બિઝનેસ ફેમિલી સાથે સંબંધ ધરાવે છે. અનિશ રાજાણીનો મુસ્લિમ હોવાનો દાવો ખોટો છે.

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)