જાણો ગુજરાતના ગીર સોમનાથ હાઈવે પર દીપડો દેખાયો હોવાના નામે વાયરલ થઈ રહેલા વીડિયોનું શું છે સત્ય….

તાજેતરમાં સોશિયલ મીડિયા પર હાઈવે પર બેઠેલા દીપડાનો એક વીડિયો વાયરલ થઈ રહ્યો છે. આ વીડિયો સાથેના લખાણમાં એવો દાવો કરવામાં આવી રહ્યો છે કે, હાઈવે પર આ ચડેલા દીપડાનો આ વીડિયો ગીર સોમનાથનો છે. પરંતુ ફેક્ટ ક્રેસેન્ડોની પડતાલમાં આ દાવો ખોટો હોવાનું સાબિત થાય છે કારણ કે, પોસ્ટમાં હાઈવે પર બેઠેલા દીપડાનો જે વીડિયો મૂકવામાં આવ્યો છે એ ગુજરાતના ગીર સોમનાથનો નહીં પરંતુ રાજસ્થાનમાં આવેલી બૂંદી ટનલ પાસે વર્ષ 2023 માં બનેલી ઘટનાનો છે. આ વીડિયોને ગુજરાત કે હાલની પરિસ્થિતિ સાથે કોઈ જ સંબંધ નથી. આ વીડિયોને સોશિયલ મીડિયા પર ભ્રામક અને ખોટી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે.

શું દાવો કરવામાં આવી રહ્યો છે?

એક ફેસબુક યુઝર દ્વારા 19 જાન્યુઆરી, 2025 ના રોજ એક પોસ્ટ શેર કરવામાં આવી હતી. પોસ્ટમાં મૂકવામાં આવેલા વીડિયો સાથેના લખાણમાં એવો દાવો કરવામાં આવી રહ્યો છે કે, હાઈવે પર આ ચડેલા દીપડાનો આ વીડિયો ગીર સોમનાથનો છે.

Facebook Post | Archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતાં અમે અમારી પડતાલ/તપાસ કાર્યવાહી શરૂ કરી હતી. સૌપ્રથમ અમે પોસ્ટમાં મૂકવામાં આવેલા વીડિયોનો એક સ્ક્રીનશોટ લઈ ગુગલ રિવર્સ ઈમેજના માધ્યમથી સર્ચ કરતાં અમને પોસ્ટમાં મૂકવામાં આવેલા આજ વીડિયો સાથેના સમાચાર એબીપી ન્ચૂઝ દ્વારા 21 ડિસેમ્બર, 2023 ના રોજ પ્રસારિત કરવામાં આવ્યા હોવાની માહિતી પ્રાપ્ત થઈ હતી. જેની સાથે એવી માહિતી આપવામાં આ હતી કે, રાજસ્થાનમાં રામગઢ વિશધારી ટાઈગર રિઝર્વ વિસ્તારને અડીને આવેલી બુંદી ટનલની બહાર હાઈવે પર ઓવરબ્રિજના લિંક રોડ પર એક દીપડો બેઠેલો જોવા મળ્યો હતો.

અમારી વધુ તપાસમાં આજ વીડિયો અને માહિતી સાથેના અન્ય સમાચાર પણ પ્રાપ્ત થયા હતા. જે તમે અહીં જોઈ શકો છો. etvbharat.com | dainiknavajyoti.com

આજ વીડિયો અને માહિતી સાથેના સમાચાર અમને A1TV દ્વારા પણ તેમની સત્તાવાર યુટ્યુબ પર પ્રસારિત કરવામાં આવ્યા હોવાની માહિતી પ્રાપ્ત થઈ હતી.

પરિણામ

આમ, અમારી પડતાલમાં ઉપરોક્ત પોસ્ટમાં કરવામાં આવેલો દાવો ભ્રામક હોવાનું સાબિત થાય છે કારણ કે, પોસ્ટમાં હાઈવે પર બેઠેલા દીપડાનો જે વીડિયો મૂકવામાં આવ્યો છે એ ગુજરાતના ગીર સોમનાથનો નહીં પરંતુ રાજસ્થાનમાં આવેલી બૂંદી ટનલ પાસે વર્ષ 2023 માં બનેલી ઘટનાનો છે. આ વીડિયોને ગુજરાત કે હાલની પરિસ્થિતિ સાથે કોઈ જ સંબંધ નથી. આ વીડિયોને સોશિયલ મીડિયા પર ભ્રામક અને ખોટી માહિતી સાથે લોકોને ગેરમાર્ગે દોરવા વાયરલ કરવામાં આવી રહ્યો છે.

(જો તમારી પાસે પણ સોશિયલ મીડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વીડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770)પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagramઅને Twitterપર Fact Crescendoને ફોલો કરો.)