પોતાના જ પિતા સાથે લગ્ન કરનાર યુવતીના વાયરલ થઈ રહેલા વીડિયોનું જાણો શું છે સત્ય….

સોશિયલ મીડિયા પર ફરતા એક વીડિયોમાં જોવા મળે છે કે એક વૃદ્ધ વ્યક્તિ સાથે એક યુવતી છે. બે મિનિટની ક્લિપમાં, યુવતી સમજાવે છે કે, તેમના સંબંધોને સમર્થન ન હોવા છતાં, તેઓ લગ્ન સાથે આગળ વધ્યા. આ વીડિયોને શેર કરીને દાવો કરવામાં આવ્યો છે કે, “પિતા અને પુત્રીએ એકબીજા સાથે લગ્ન કર્યા છે.” 

શું દાવો કરવામાં આવી રહ્યો છે.?

સોશિયલ મીડિયા યુઝર્સ દ્વારા તારીખ 28 નવેમ્બર 2024ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “પિતા અને પુત્રીએ એકબીજા સાથે લગ્ન કર્યા છે.”

Facebook | Fb post Archive | Fb video archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી. 

સૌપ્રથમ અમે પોસ્ટ સાથે શેર કરવામાં આવેલા વીડિયોનો સ્ક્રિનશોટ લઈ અને ગૂગલ રિવર્સ ઈમેજના માધ્યમથી સર્ચ કરતા અમને ઘણા પરિણામો પ્રાપ્ત થયા હતા.

ઉપરોક્ત પરિણામો પરથી અમને અંકિતા કારોટિયા 2.0 નામના ફેસબુક પેજ પર સંપૂર્ણ વીડિયો પ્રાપ્ત થયો હતો. જે તમે નીચે જોઈ શકો છો. 

તેમજ વીડિયોમાં 47 સેકેન્ડ પર વીડિયોને લઈ આપવામાં ખુલાસો વાંચી શકાય છે. જેમાં જણાવવામાં આવ્યુ હતુ કે, “આ વીડિયો ફક્ત મનોરંજનના હેતુ માટે જ બનાવવામાં આવ્યો છે. આ વીડિયોનો જાતિ, રંગ, વંશ, રાષ્ટ્રીય મૂળ, વંશીય જૂથ ઓળખ, ઉંમર, ધર્મ, વૈવાહિક અથવા માતાપિતાની સ્થિતિ, શારીરિક અથવા માનસિક વિકલાંગતા, લિંગ, જાતીય, અભિગમ, લિંગ, જાતિ ઓળખ અથવા અભિવ્યક્તિના આધારે અનાદર અથવા બદનામ કરવાનો કોઈ હેતુ નથી.” 

તેમજ અંકિતાની પ્રોફાઈલને અમે ચેક કરી હતી, તેમા અમને ઘણા વીડિયો પ્રાપ્ત થયા હતા. જેમાં તેમણે આ પ્રકારના સ્ક્રિપ્ટેડ વીડિયો અપલોડ કરેલા છે અને જૂદા-જૂદા કિરદારમાં જોવા મળે છે.

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, પોસ્ટ સાથે શેર કરવામાં આવેલો વીડિયો સ્ક્રિપ્ટેડ છે. સત્ય ઘટના સાથે તેનો કોઈ લેવા-દેવા નથી. આ વીડિયો ફક્ત મંનોરંજન માટે બનાવવામાં આવ્યો છે. 

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)