જાણો પાકિસ્તાને ભારતીય એક્ટર સલમાન ખાનને આતંકી જાહેર કર્યો હોવાની વાયરલ થઈ રહેલી માહિતીનું શું છે સત્ય…

તાજેતરમાં સોશિયલ મીડિયા પર બલુચિસ્તાન સરકારના પરિપત્રનો એક ફોટો વાયરલ થઈ રહ્યો છે જેની સાથે એવો દાવો કરવામાં આવી રહ્યો છે કે, પાકિસ્તાન ભારતીય એક્ટર સલમાન ખાનને આતંકી જાહેર કર્યો છે. પરંતુ ફેક્ટ ક્રેસેન્ડોની પડતાલમાં આ દાવો ખોટો અને પાયાવિહોણો હોવાનું સાબિત થાય છે કારણ કે, પાકિસ્તાનના માહિતી અને પ્રસારણ વિભાગ દ્વારા આ દાવાનું ખંડન કરવામાં આવ્યું છે. સોશિયલ મીડિયા પર ખોટી માહિતી લોકોને ગેરમાર્ગે દોરવા વાયરલ કરવામાં આવી રહી છે.

શું દાવો કરવામાં આવી રહ્યો છે.?

એક સોશિયલ મીડિયા યુઝર દ્વારા 26 ઓક્ટોબર, 2025ના રોજ એક પોસ્ટ શેર કરવામાં આવી હતી. પોસ્ટમાં મૂકવામાં આવેલા ફોટોના શીર્ષકમાં એવું લખવામાં આવ્યું છે કે, લો બોલો ભારતના સુપરસ્ટાર સલમાન ખાનને પાકિસ્તાને આતંકી જાહેર કર્યો!!. આ ફોટો સાથેના લખાણમાં એવો દાવો કરવામાં આવી રહ્યો છે કે, પાકિસ્તાન ભારતીય એક્ટર સલમાન ખાનને આતંકી જાહેર કર્યો છે.

Facebook Post | Archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતાં અમે અમારી પડતાલ/તપાસ કાર્યવાહી શરૂ કરી હતી. તપાસની શરુઆતમાં અમે પોસ્ટમાં મૂકવામાં આવેલા ડોક્યુમેન્ટને ધ્યાનથી જોતાં એમાં અમને ઘણી બધી વ્યાકરણ એટલે કે સ્પેલિંગની ભૂલો જોવા મળી હતી.

વધુમાં વાયરલ દસ્તાવેજ 16 ઓક્ટોબર, 2025નો છે અને દાવામાં 17 ઓક્ટોબર, 2025ની ઘટનાનો ઉલ્લેખ કર્યો છે. પરંતુ સલમાન ખાને 17 ઓક્ટોબર, 2025ના રોજ જોય ફોરમમાં પોતાનું ભાષણ આપ્યું હતું. જેનો લાઇવ સ્ટ્રીમ વીડિયો તમે અહીં જોઈ શકો છો.

ઉપરોક્ત સંશોધનને આધારે અમે સંબંધિત કીવર્ડથી સર્ચ કરતાં અમને 29 ઓક્ટોબર, 2025ના રોજ હિન્દુસ્તાન ટાઇમ્સમાં પ્રકાશિત થયેલો એક અહેવાલ પ્રાપ્ત થયો હતો. આ અહેવાલ મુજબ, પાકિસ્તાનના માહિતી અને પ્રસારણ મંત્રાલયે આ દાવાનું ખંડન કર્યું છે.

અમે પાકિસ્તાનના માહિતી અને પ્રસારણ મંત્રાલયના X હેન્ડલને ઍક્સેસ કરી શક્યા નહીં કારણ કે, કેટલાક કાનૂની નિયમો અનુસાર ભારતમાં તેને બંધ કરવામાં આવ્યું હતું. અમારી શ્રીલંકન ટીમની મદદથી, અમે X હેન્ડલને ઍક્સેસ કર્યું અને 26 ઓક્ટોબર, 2025ના રોજ કરવામાં આવેલું ટ્વિટ શોધી કાઢ્યું હતું જે તમે નીચે જોઈ શકો છો.

Archive

રિવર્સ ઇમેજ સર્ચ કરવાથી અમને X હેન્ડલ બલોચ વુમન ફોરમ દ્વારા કરવામાં આવેલ એક ટ્વિટ મળી હતી. જેમાં વાયરલ થયેલા ટ્વિટના સીરીયલ નંબર અને લેટર નંબર સાથેનો એક દસ્તાવેજ હતો.

In a disturbingly surfacing notification by the Government of Balochistan’s Home Department, the Central Organizer of the Baloch Women Forum (BWF) Dr. Shalee Baloch along with two other activists of the Baloch Yakjehti Committee Nazgul and Syed Bibi Sharif, were included in the… pic.twitter.com/KZrAWKExjY

— Baloch Women Forum (@BalochWF) October 21, 2025

વાયરલ દસ્તાવેજ અને બલોચ વુમન ફોરમના દસ્તાવેજ વચ્ચેની સામ્યતા તમે નીચે જોઈ શકો છો.

જેના પરથી એ સ્પષ્ટ સાબિત થાય છે કે, વાયરલ થઈ રહેલ દસ્તાવેજ એડિટ કરવામાં આવ્યો છે.

પરિણામ

આમ, અમારી પડતાલમાં ઉપરોક્ત પોસ્ટમાં કરવામાં આવેલો દાવો અધૂરી માહિતી સાથેનો હોવાનું સાબિત થાય છે કારણ કે, પાકિસ્તાનના માહિતી અને પ્રસારણ વિભાગ દ્વારા આ દાવાનું ખંડન કરવામાં આવ્યું છે. સોશિયલ મીડિયા પર ખોટી માહિતી લોકોને ગેરમાર્ગે દોરવા વાયરલ કરવામાં આવી રહી છે. 

(જો તમારી પાસે પણ સોશિયલ મીડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વીડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)