રશિયાના કઝાનમાં તાજેતરમાં પૂર્ણ થયેલી બ્રિક્સ જૂથની બેઠક બાદ સોશિયલ મીડિયા પર એક પોસ્ટ વાયરલ કરવામાં આવી રહી છે, જે પોસ્ટને શેર કરીને દાવો કરવામાં આવી રહ્યો છે કે, “રશિયન રાષ્ટ્રપતિ વ્લાદિમીર પુતિને બ્રિક્સ દેશોની કરન્સી તરીકે “બ્રિક્સ કરન્સી” લોન્ચ કરી.”
શું દાવો કરવામાં આવી રહ્યો છે.?
સોશિયલ મીડિયા યુઝર્સ દ્વારા તારીખ 26 ઓક્ટોબર 2024ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “રશિયન રાષ્ટ્રપતિ વ્લાદિમીર પુતિને બ્રિક્સ દેશોની કરન્સી તરીકે “બ્રિક્સ કરન્સી” લોન્ચ કરી.”
FACT CHECK
ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.
સૌપ્રથમ અમે ગૂગલ પર આ અંગે સર્ચ કરતા અમને ઘણા પરિણામો પ્રાપ્ત થયા હતા. ઉપરોક્ત પરિણામો પરથી અમને આ ઈમેજ ‘ધ કેસ્પિયન પોસ્ટ’ના ઓફિશિયલ ટ્વિટર એકાઉન્ટ પરની પોસ્ટ પ્રાપ્ત થઈ હતી. જેની જે 31 ઓક્ટોબર, 2024ના રોજ શેર કરવામાં આવી હતી. જેની સાથે માહિતી આપવામાં આવી હતી કે, “રશિયાએ પ્રથમ સાંકેતિક BRICS બેંક નોટ લોન્ચ કરી. પ્રિટોરિયામાં એક સમારોહ દરમિયાન અનાવરણ કરાયેલી આ રૂ. 100ની નોટ, સભ્ય દેશો વચ્ચે સંકલિત આર્થિક સંબંધો માટે બ્રિક્સના વિઝનને આગળ ધપાવે છે.”
તેમજ અમને બ્રિક્સ ન્યૂઝના ઓફિશિયલ ટ્વિટર એકાઉન્ટ પર પણ સમાન સંદર્ભમાં આ ચિત્ર પ્રાપ્ત થયુ હતુ.
તેમજ વધુ સર્ચ કરતા અમને ધ ફાઈન્સિયલ એક્સપ્રેસનો એક અહેવાલ પ્રાપ્ત થયો હતો. જેની સાથે માહિતી આપવામાં આવી હતી કે, “પુતિન પાસે જે નોટ હતી તેમાં બ્રાઝિલ, રશિયા, ભારત, ચીન અને દક્ષિણ આફ્રિકાના ધ્વજ હતા અને એવું લાગતું હતું કે બ્રિક્સે સત્તાવાર રીતે તેમની સંયુક્ત કરન્સી શરૂ કરી છે. જો કે, અધિકારીઓએ તરત જ આ અટકળોને દૂર કરી દીધી.”
The Finacial Express | Archive
તેમજ પીઆઈબી દ્વારા પણ આ સમાચારને ખોટા ગણાવવામાં આવ્યા હતા. જે તમે નીચે જોઈ શકો છો.
પરિણામ
આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, પોસ્ટ સાથે શેર કરવામાં આવેલી માહિતી તદ્દન ખોટી છે. BRICS દેશો દ્વારા કરન્સી લોંચ કરવામાં આવી નથી. આ દાવા સાથે જે તસવીર વાયરલ થઈ રહી છે તે પ્રતીકાત્મક તસવીર છે.
(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)
Title:શું ખરેખર BRICS દેશો દ્વારા ડોલરની સામેં નવી કરન્સી બહાર પાડવામાં આવી…? જાણો શું છે સત્ય….
Fact Check By: Frany KariaResult: False
