બાંગ્લાદેશ પોલીસ દ્વારા દીપુ ચંદ્ર દાસને ટોળાને સોંપવામાં આવી રહ્યો હોવાનો દાવા સાથે અસંબંધિત વીડિયો શેર કરવામાં આવી રહ્યો… જાણો શું છે સત્ય….

વાયરલ વીડિયોમાં બાંગ્લાદેશ પોલીસ દ્વારા દીપુ ચંદ્ર દાસને ટોળાને સોંપવામાં આવતો નથી. આ વીડિયો જૂનો છે. તેમાં ઢાકા કોલેજના ઘાયલ વિદ્યાર્થીને બતાવવામાં આવ્યો છે. ડેપ્યુટી કમિશનર મસુદ આલમે તેને રિક્ષામાં બેસાડવામાં મદદ કરી અને તેને હોસ્ટેલમાં પાછો મોકલ્યો.

તાજેતરમાં, સોશિયલ મીડિયા પર એક વીડિયો વાયરલ થયો હતો જેમાં દાવો કરવામાં આવ્યો હતો કે તે બાંગ્લાદેશમાં દીપુ ચંદ્ર દાસની મોબ લિંચિંગ સાથે સંબંધિત છે. એવો દાવો કરવામાં આવ્યો છે કે, “આ વીડિયોમાં બાંગ્લાદેશ પોલીસ દ્વારા દીપુ ચંદ્ર દાસને ટોળાને સોંપવામાં આવ્યો તેનો છે.”

શું દાવો કરવામાં આવી રહ્યો છે.?

સોશિયલ મીડિયા યુઝર્સ દ્વારા તારીખ 25 ડિસેમ્બર 2025ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “આ વીડિયોમાં બાંગ્લાદેશ પોલીસ દ્વારા દીપુ ચંદ્ર દાસને ટોળાને સોંપવામાં આવ્યો તેનો છે.”

Facebook | Fb post Archive 

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.

અમે વાયરલ વીડિયોમાંથી સ્ક્રીનશોટ લઈને અને રિવર્સ ઇમેજ સર્ચ કરીને અમારી તપાસ શરૂ કરી. આનાથી અમે એક યુટ્યુબ ચેનલ “ભોરેર કાગોજ લાઈવ” પર પહોંચ્યા જ્યાં 18 નવેમ્બર 2025ના રોજ વાયરલ વીડિયોનું લાંબુ વર્ઝન અપલોડ કરવામાં આવ્યું હતું.

કેપ્શન મુજબ, વીડિયોમાં ઢાકા કોલેજનો એક વિદ્યાર્થી દેખાય છે.

પરંતુ, અહેવાલો અનુસાર, દીપુ ચંદ્ર દાસને 18 ડિસેમ્બર 2025ના રોજ ટોળા દ્વારા માર મારવામાં આવ્યો હતો.

અમે જોયું કે તે વ્યક્તિએ પહેરેલી જર્સી પર ઢાકા કોલેજનો લોગો અને તેના પર MOMIN નામ છપાયેલું હતું. વીડિયોમાં દેખાતો વ્યક્તિ બંગાળીમાં કહે છે કે તે ઢાકા કોલેજનો વિદ્યાર્થી છે અને તેનો કોઈપણ વિરોધ સાથે કોઈ લેવાદેવા નથી.

અમને બીજો એક વીડિયો મળ્યો જેમાં તે વ્યક્તિ કહેતો સાંભળી શકાય છે કે તેનું નામ અબ્દુલ મોમીન છે. થોડા સમય પછી, એક પોલીસ અધિકારીએ તેને રિક્ષા શોધવામાં મદદ કરી. વોઇસઓવર મુજબ, પોલીસ અધિકારી ડીસી મસુદ છે.

સંબંધિત કીવર્ડ શોધ અમને એક વીડિયો તરફ દોરી ગઈ જેમાં પોલીસ અધિકારી જોઈ શકાય છે. કેપ્શન મુજબ, તે રમના ડિવિઝનના ડેપ્યુટી કમિશનર, મસુદ આલમ છે.

બીજા વીડિયોમાં ડીસી મસુદ આલમ ઘાયલ વિદ્યાર્થીને રિક્ષા શોધવામાં મદદ કરતા બતાવે છે.

રિપોર્ટ અનુસાર, મસુદ આલમે વિદ્યાર્થી વતી રિક્ષા ભાડું આપ્યું.

બીજો એક સમાન અહેવાલ અહીં જોઈ શકાય છે.

આ સ્પષ્ટ કરે છે કે વાયરલ વિડિઓ બાંગ્લાદેશમાં દીપુ ચંદ્ર દાસની મોબ લિંચિંગ પહેલાનો છે.

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. વાયરલ વીડિયોમાં બાંગ્લાદેશ પોલીસ દ્વારા દીપુ ચંદ્ર દાસને ટોળાને સોંપવામાં આવતો નથી. આ વીડિયો જૂનો છે. તેમાં ઢાકા કોલેજના ઘાયલ વિદ્યાર્થીને બતાવવામાં આવ્યો છે. ડેપ્યુટી કમિશનર મસુદ આલમે તેને રિક્ષામાં બેસાડવામાં મદદ કરી અને તેને હોસ્ટેલમાં પાછો મોકલ્યો.

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)