ટર્કીના જૂના સુનામીના વીડિયોને હાલમાં રશિયામાં આવેલા ભૂકંપ સાથે જોડવામાં આવી રહ્યો… જાણો શું છે સત્ય….

આ વીડિયો હાલમાં રશિયામાં આવેલા ભૂકંપ સાથે સંબંધિત નથી. આ વીડિયો વર્ષ 2023ના તુર્કીનો છે. આ વીડિયોને હાલની પરિસ્થિતી સાથે કોઈ સબંધ નથી.

હાલમાં એક વીડિયો સોશિયલ મીડિયામાં વાયરલ થઈ રહ્યો છે. જેમાં એક સુનામીના વીડિયોને જોઈ શકાય છે. આ વીડિયોને શેર કરીને દાવો કરવામાં આવી રહ્યો છે કે, “રશિયામાં આવેલા ભૂકંપ બાદ આવેલા સુનામીનો વીડિયો છે.”

શું દાવો કરવામાં આવી રહ્યો છે.?

સોશિયલ મીડિયા યુઝર્સ દ્વારા તારીખ 31 જૂલાઈ 2025ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “રશિયામાં આવેલા ભૂકંપ બાદ આવેલા સુનામીનો વીડિયો છે.”

Facebook | Fb post Archive 

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી.

સૌપ્રથમ અમે ગૂગલ રિવર્સ ઈમેજના માધ્યમથી સર્ચ કરતા અમને ઘણા પરિણામો પ્રાપ્ત થયા હતા. 

ઉપરોક્ત પરિણામો પરથી અમને 29 નવેમ્બર 2023ના યુટ્યુબ પર આ વીડિયો પ્રાપ્ત થયો હતો. જેની સાથે માહિતી આપવામાં આવી હતી કે, “કાળા સમુદ્ર પર એક અસામાન્ય રીતે મજબૂત નીચા દબાણવાળી સિસ્ટમ વિકસિત થઈ, જેના કારણે તુર્કીના દરિયાકાંઠાના શહેરોમાં ભારે પવન અને મોજા ફૂંકાયા. તુર્કીના દરિયાકાંઠાના શહેર ટાયરબોલુમાં, એક મોજાના કારણે વીજળીના તાર તૂટી પડ્યા અને વિસ્ફોટ થયો, અને પછી લગભગ એક કાર દરિયાકાંઠાના હાઇવે પરથી નીચે ઉતરી ગઈ.”

તેમજ અલજજીરા દ્વારા પણ આ અંગે વિસ્તૃત માહિતી આપતો અહેવાલ પ્રસારિત કરવામાં આવ્યો હતો. જે તમે આ લિંક પર ક્લિક કરીને વાંચી શકો છો.  

તેમજ વધુ સર્ચ કરતા અમને ધ ગાર્ડિયન દ્વારા પ્રસારિત અહેવાલ પ્રાપ્ત થયો હતો. જેની સાથે માહિતી આપવામાં આવી હતી કે, “ગ્રીસ, તુર્કી અને બલ્ગેરિયામાં ભારે વાવાઝોડા અને પૂરને કારણે સાત લોકોના મોત.”

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, આ વીડિયો હાલમાં રશિયામાં આવેલા ભૂકંપ સાથે સંબંધિત નથી. આ વીડિયો વર્ષ 2023ના તુર્કીનો છે. આ વીડિયોને હાલની પરિસ્થિતી સાથે કોઈ સબંધ નથી.

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)