જાણો ભારતીય સેના દ્વારા બનાવવામાં આવેલી પાણીની બોટલ સેના જલના નામે વાયરલ થઈ રહેલી માહિતીનું શું છે સત્ય…

તાજેતરમાં સોશિયલ મીડિયા પર ભારતીય સેના દ્વારા બનાવવામાં આવેલી પાણીની બોટલ સેના જલ વિશેની માહિતી વાયરલ થઈ રહી છે. જેની સાથે એવો દાવો કરવામાં આવી રહ્યો છે કે, બજારમાં ભારતીય સેના દ્વારા બનાવવામાં આવેલી પાણીની બોટલ સેના જલ ઓછી કિંમતમાં ઉપલબ્ધ છે. પરંતુ ફેક્ટ ક્રેસેન્ડોની પડતાલમાં આ દાવો ખોટો હોવાનું સાબિત થાય છે કારણ કે, સેના જલ નામની પાણીની બોટલ આર્મી વાઇવ્ઝ વેલ્ફેર એસોસીએશન (AWWA) દ્વારા બનાવવામાં આવે છે, પરંતુ તેનો ઉપયોગ ફક્ત ભારતીય સેના માટે અને તેના દ્વારા યોજાતા કાર્યક્રમોમાં જ થાય છે. હજુ સુધી આ પાણીની બોટલનું બજારમાં વેચાણ કરવામાં આવતું નથી. આ માહિતી સોશિયલ મીડિયા પર લોકોને ગેરમાર્ગે દોરવા વાયરલ કરવામાં આવી રહી છે.

શું દાવો કરવામાં આવી રહ્યો છે…?

એક સોશિયલ મીડિયા યુઝર દ્વારા 17 સપ્ટેમ્બર, 2025ના રોજ એક પોસ્ટ શેર કરવામાં આવી હતી. પોસ્ટમાં મૂકવામાં આવેલા ફોટો સાથેના લખાણમાં એવો દાવો કરવામાં આવી રહ્યો છે કે, બજારમાં ભારતીય સેના દ્વારા બનાવવામાં આવેલી પાણીની બોટલ સેના જલ ઓછી કિંમતમાં ઉપલબ્ધ છે.

Facebook Post | Archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતાં અમે અમારી પડતાલ/તપાસ કાર્યવાહી શરૂ કરી હતી. તપાસની શરૂઆતમાં અમે પોસ્ટમાં મૂકવામાં આવેલી માહિતીને ગુગલનો સહારો લઈ જુદા-જુદા કીવર્ડથી સર્ચ કરતાં અમને iamgujarat.com, visheshbaat.com અને hindi.news18.com દ્વારા વર્ષ 2018 અને વર્ષ 2020ના રોજ પ્રસારિત કરવામાં આવેલા અહેવાલ પ્રાપ્ત થયા હતા. જેમાં એવી માહિતી આપવામાં આવી હતી કે, આર્મી વાઇવ્ઝ વેલ્ફેર એસોસીએશન (AWWA) ‘સેના જલ’ નામે બોટલ્ડ ડ્રિંકિંગ વોટર વેચીને સૈનિકોના પરિવારોને મદદ કરશે. ‘સેના જલ’ના એક બોટલ પાણીની કિંમત છ રૂપિયા નક્કી કરવામાં આવી છે. આર્મી ચીફ જનરલ બિપિન રાવતના પત્નિ મધુલિકા રાવતના પ્રમુખ પદ હેઠળના સંગઠન AWWA દ્વારા બોટલ્ડ ડ્રિંકિંગ વોટરના વેચાણ દ્વારા થનારી આવકનો ઉપયોગ લશ્કરના જવાનો અને શહીદોની પત્નિઓના કલ્યાણ માટે કરવામાં આવશે.

આ સમાચારની માહિતી પરથી એ સ્પષ્ટ સાબિત થાય છે કે, આર્મી વાઇવ્ઝ વેલ્ફેર એસોસીએશન (AWWA) ‘સેના જલ’ નામે બોટલ્ડ ડ્રિંકિંગ વોટર વેચીને સૈનિકોના પરિવારોને મદદ કરવામાં આવશે પરંતુ એ માહિતી ક્યાંય નથી કે બજારમાં અન્ય પાણીની બોટલની સામે સેના જળની પાણીની બોટલ પણ વેચાણ માટે ઉપલબ્ધ છે.

સેના જલની જ્યારે શરૂઆત કરવામાં આવી તે  સમયે ANI દ્વારા 20 જાન્યુઆરી, 2018 ના રોજ ટ્વિટર પર ટ્વિટ પણ કરવામાં આવી હતી. જે તમે નીચે જોઈ શકો છો.

Sena Jal, an initiative of the Army Wives Welfare Association (AWWA), bottles being sold at Rs 6 each; the money collected will be used in the welfare of soldiers & war widows pic.twitter.com/8YmbHYk1xO

— ANI (@ANI) January 20, 2018

Archive

અમારી તપાસને વધુ મજબૂત બનાવવા માટે અમે આર્મી વાઇવ્ઝ વેલ્ફેર એસોસીએશન (AWWA)ની વેબસાઈટની મુલાકાત લીધી હતી. પરંતુ ત્યાં પણ સેના જલ ફક્ત સેનાના જવાનો માટે અને તેમના કાર્યક્રમોમાં જ વપરાતું હોવાની માહિતી પ્રાપ્ત થઈ હતી. વધુમાં અમે આ અંગે આર્મી વાઇવ્ઝ વેલ્ફેર એસોસીએશન (AWWA) ના ફરજ પરના અધિકારી સાથે પોસ્ટમાં મૂકવામાં આવેલી માહિતી અંગે વાત કરતાં તેઓએ અમને જણાવ્યું હતું કે, “સેના જલનો ઉપયોગ આજ રોજ 17 સપ્ટેમ્બર, 2025 સુધી તો ભારતીય સેના માટે અને તેના દ્વારા યોજાતા કાર્યક્રમોમાં જ વપરાય છે. હજુ સુધી પાણીની બોટલનું બજારમાં વેચાણ કરવામાં નથી આવતું.”

આ ઉપરાંત સોશિયલ મીડિયા પર ખૂબ જ ઝડપથી વાયરલ થતી સેના જલ નામની પાણીની બોટલ આર્મી વાઇવ્ઝ વેલ્ફેર એસોસીએશન (AWWA) દ્વારા બનાવવામાં આવે છે અને તેનો ઉપયોગ ફક્ત ભારતીય સેના માટે અને તેના દ્વારા યોજાતા કાર્યક્રમોમાં જ થાય છે. હજુ સુધી પાણીની બોટલનું બજારમાં વેચાણ કરવામાં આવતું નથી. આ માહિતીની સત્યતા ઉજાગર કરતો વીડિયો વીટીવી ગુજરાતી દ્વારા 30 જાન્યુઆરી, 2018ના રોજ પ્રસારિત કરવામાં આવ્યો હતો. જે તમે નીચે જોઈ શકો છો.

ઉપરના તમામ પરિણામો પરથી એ સાબિત થાય છે કે, સેના જલનો ઉપયોગ ફક્ત ભારતીય સેના માટે અને તેના દ્વારા યોજાતા કાર્યક્રમોમાં જ થાય છે. હજુ સુધી પાણીની બોટલનું બજારમાં વેચાણ કરવામાં આવતું નથી.

પરિણામ

આમ, અમારી પડતાલમાં ઉપરોક્ત પોસ્ટમાં કરવામાં આવેલો દાવો ખોટો અને પાયાવિહોણો હોવાનું સાબિત થાય છે કારણ કે, સેના જલ નામની પાણીની બોટલ આર્મી વાઇવ્ઝ વેલ્ફેર એસોસીએશન (AWWA) દ્વારા બનાવવામાં આવે છે, પરંતુ તેનો ઉપયોગ ફક્ત ભારતીય સેના માટે અને તેના દ્વારા યોજાતા કાર્યક્રમોમાં જ થાય છે. હજુ સુધી આ પાણીની બોટલનું બજારમાં વેચાણ કરવામાં આવતું નથી. આ માહિતી સોશિયલ મીડિયા પર લોકોને ગેરમાર્ગે દોરવા વાયરલ કરવામાં આવી રહી છે. 

(જો તમારી પાસે પણ સોશિયલ મીડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વીડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)