બાંગ્લાદેશમાં કોલેજના વિદ્યાર્થીઓ વચ્ચેના અથડામણના વીડિયોને સાંપ્રદાયિક રંગ આપવામાં આવી રહ્યો…

હાલમાં, એક કોલેજમાં કેટલાક લોકો દ્વારા મારપીટ કરવામાં આવી હોવાનો વીડિયો સોશિયલ મીડિયા પર વાયરલ થઈ રહ્યો છે. જેને શેર કરીને દાવો કરવામાં આવી રહ્યો છે કે, “બાંગ્લાદેશમાં હિન્દુ કોલેજના વિદ્યાર્થીઓ પર હુમલો કરવામાં આવ્યો તેનો વીડિયો છે.” 

શું દાવો કરવામાં આવી રહ્યો છે.?

સોશિયલ મીડિયા યુઝર્સ દ્વારા તારીખ 03 નવેમ્બર 2024ના એક પોસ્ટ શેર કરવામાં આવી હતી. આ પોસ્ટમાં દાવો કરવામાં આવ્યો હતો કે, “બાંગ્લાદેશમાં હિન્દુ કોલેજના વિદ્યાર્થીઓ પર હુમલો કરવામાં આવ્યો તેનો વીડિયો છે.”

Facebook | Fb post Archive | Fb video archive

FACT CHECK

ઉપરોક્ત પોસ્ટમાં કરવામાં આવેલા દાવાની સત્યતા તપાસવી જરૂરી જણાતા અમે અમારી પડતાલ/તપાસ કાર્યવાહી શરૂ કરી હતી. 

પહેલા વાયરલ વીડિયોના અંતમાં “bdnews24” નો લોગો દેખાય છે.

આ ક્લુના આધારે અમે વધુ શોધ કર્યા પછી, જાણવા મળ્યું કે bdnews24એ 25 નવેમ્બરે તેની યુટ્યુબ ચેનલ પર આ વીડિયો અપલોડ કર્યો હતો.

વીડિયોના કેપ્શનમાં લખ્યું છે, “વિદ્યાર્થીઓની ઝપાઝપીને લઈને મોલ્લા કોલેજમાં લૂંટ.”

25 નવેમ્બરના રોજ પ્રથમાલો દ્વારા પ્રકાશિત સમાચાર અનુસાર, ડૉ. મહબુબુર રહેમાન મોલ્લા કોલેજના વિદ્યાર્થીઓએ ઢાકા નેશનલ મેડિકલ કોલેજ અને શહીદ સુહરાવર્દી કોલેજ કેમ્પસમાં ભારે તોડફોડ અને લૂંટફાટ કરી હતી. મહબૂબુર રહેમાન મોલ્લા કોલેજના વિદ્યાર્થીઓએ દાવો કર્યો છે કે ઢાકા નેશનલ મેડિકલ કોલેજમાં ખોટી સારવારને કારણે અવિજીત હવાલાદાર નામના વિદ્યાર્થીનું મોત થયું છે. સાક્ષીઓએ જણાવ્યું હતું કે ડૉ. મહબૂબુર રહેમાન મોલ્લા કોલેજ પર હુમલો ગઈકાલના હુમલાનો બદલો લેવા માટે કરવામાં આવ્યો હતો. 

Archive

ડેઈલી સનના અહેવાલ મુજબ, ડેમરામાં આવેલી ‘સરકારી કબી નઝરૂલ કોલેજ’ અને ‘સરકારી શહીદ સુહરાવર્દી કોલેજ’ના વિદ્યાર્થીઓએ રવિવારે ‘સુપર સન્ડે’ નામની કૉલેજ પર થયેલા હુમલાનો બદલો લેવા માટે. મહબૂબુર રહેમાન મોલ્લા કોલેજના વિદ્યાર્થીઓને માર મારવામાં આવ્યો હતો. આ ઘટનામાં 100થી વધુ લોકો ઘાયલ થયા છે.

બોર્ડર ગાર્ડ બાંગ્લાદેશ (બીજીબી) ની છ પ્લાટુન કોઈપણ અપ્રિય ઘટનાને રોકવા અને કાયદો અને વ્યવસ્થા જાળવવા માટે વિસ્તારમાં તૈનાત કરવામાં આવી હતી. બંને કોલેજોમાં રજા પણ આપવામાં આવી હતી.

ઢાકા મેટ્રોપોલિટન પોલીસ (ડીએમપી) એ જણાવ્યું હતું કે પરિસ્થિતિને વધુ વણસી ન જાય તે માટે તેઓએ હુમલાખોરો સામે અતિશય બળનો ઉપયોગ કરવાનું ટાળ્યું હતું. 

Archive

પરિણામ

આમ, અમારી પડતાલમાં ઉપરોક્ત પોસ્ટ ખોટી સાબિત થાય છે. કારણ કે, વાયરલ વીડિયોને ભ્રામક દાવા સાથે શેર કરવામાં આવી રહ્યો છે. બાંગ્લાદેશમાં વિદ્યાર્થીને માર મારવાના આ વીડિયોમાં કોઈ સાંપ્રદાયિક ઉદ્દેશ્ય નથી. આ વીડિયોને સાંપ્રદાયિક રંગ આપીને શેર કરવામાં આવી રહ્યો છે.

(જો તમારી પાસે પણ સોશિયલ મિડિયાના માધ્યમથી કોઈ શંકાસ્પદ મેસેજ, પોસ્ટ, ફોટો અને વિડિયો અથવા સમાચાર હોય, તો તેની સત્યતા જાણવા માટે તમે અમને અમારા વોટ્સઅપ ફેક્ટલાઈન નંબર (9049053770) પર મોકલો. અમારા લેટેસ્ટ ફેક્ટ ચેક વાંચવા માટે Facebook, Instagram અને Twitter પર Fact Crescendoને ફોલો કરો.)